Y-Mathiơ 10:22 - Klei Aê Diê Blŭ 2015

²² Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.

Y-Mathiơ 10:22 Iomraidhean Croise

Klei Bi Hriêng 29:27

Phung kpă bi êmut kheh kơ mnuih wê, ƀiădah phung wê bi êmut kheh kơ pô êbat hlăm êlan kpă.

Y-Mathiơ 10:39

Hlei pô pioh klei hdĭp ñu srăng luč hĕ; leh anăn hlei pô bi luč klei hdĭp ñu kyua Kâo srăng lŏ ƀuh gơ̆.

Y-Mathiơ 24:13

Ƀiădah hlei pô gĭr tơl knhal tuč srăng tlaih.

Y-Mathiơ 24:9

Hlăk anăn arăng srăng jao diih kơ klei bi knap, leh anăn brei arăng bi mdjiê diih; leh anăn jih jang găp djuê mnuih srăng bi êmut kơ diih kyua anăn Kâo.

Y-Mathiơ 5:11

Jăk mơak yơh diih tơdah arăng dlao wač, ngă jhat, leh anăn mčeh lu mta klei jhat kyua Kâo.

Y-Markôs 13:13

Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.”

Y-Luk 21:17

Jih jang mnuih srăng bi êmut kơ diih kyua anăn Kâo.

Y-Luk 21:19

Hŏng klei gĭr diih srăng bi mtlaih mngăt diih.”

Y-Luk 6:22

Jăk mơak yơh phung diih tơdah mnuih bi êmut kơ diih, tơdah diñu amâo jum ôh diih, dlao wač kơ diih, leh anăn hngah anăn diih msĕ si pô jhat kyua Anak Mnuih!

Y-Luk 8:15

Bi mjeh lĕ hlăm lăn jăk, jing phung hmư̆ klei blŭ, djă pioh klei blŭ anăn hlăm ai tiê ênuah leh anăn jăk, leh anăn mboh hŏng klei gĭr.”

Y-Yôhan 17:14

Kâo brei leh klei Ih blŭ kơ diñu. Lăn ala bi êmut kơ diñu leh, kyuadah diñu amâo jing phung lăn ala ôh, msĕ si Kâo amâo jing phung lăn ala ôh.

Y-Yôhan 7:7

Lăn ala amâo dưi bi êmut kơ diih ôh, ƀiădah lăn ala bi êmut kơ Kâo kyuadah Kâo hưn kơ bruă lăn ala jing jhat.

Bruă Phung Khua Ƀĭng Kna 9:16

Kyuadah Kâo srăng bi êdah kơ gơ̆ lu klei knap mñai gơ̆ srăng tŭ kyua anăn Kâo.”

Hră Y-Pôl Mơĭt kơ Phung Rôm 2:7

Aê Diê srăng brei klei hdĭp hlŏng lar kơ phung gĭr ngă klei jăk nanao, duah klei guh kơang, klei mpŭ, leh anăn klei amâo thâo djiê.

II Kôrantô 4:11

Kyuadah êjai hmei dôk hdĭp arăng jao hmei nanao kơ klei djiê kyua Yêsu, čiăng kơ klei hdĭp Yêsu dưi bi êdah hlăm kđeh hmei thâo djiê.

Galati 6:9

Đăm brei drei jing êmăn ôh hlăm klei ngă jăk, kyuadah tơdah drei amâo êdu ai ôh drei srăng wiă tơdah truh djŏ yan.

Hêbrơ 3:14

Kyuadah drei mâo kdrêč mbĭt hŏng Krist knŏng tơdah drei dôk kjăp hlăm klei drei knang êlâo tơl knhal tuč,

Hêbrơ 6:11

Leh anăn hmei čiăng kơ grăp čô diih srăng bi êdah klei hur har msĕ snăn, čiăng pioh klei čang hmăng diih ênŭm klă tơl knhal tuč.

Y-Yakơ 1:12

Jăk mơak yơh kơ mnuih gĭr tŭ klei lông dlăng, kyuadah tơdah ñu dưi leh, ñu srăng mă tŭ đuôn mtao klei hdĭp Aê Diê ƀuăn leh kơ phung khăp kơ ñu.

I Y-Yôhan 3:13

Ơ phung ayŏng adei, đăm bi kngăr ôh tơdah lăn ala bi êmut kơ diih.

Klei Bi Êdah 2:10

Đăm huĭ ôh kơ klei knap mñai ih srăng tŭ. Nĕ anei yang jhat srăng hwiê hlăm war mnă đa đa hlăm phung diih; čiăng lông dlăng diih; leh anăn êjai pluh hruê diih srăng mâo klei knap mñai. Brei ih dôk sĭt suôr tơl djiê, leh anăn Kâo srăng brei kơ ih đuôn mtao klei hdĭp.

Klei Bi Êdah 2:17

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Kơ hlei pô dưi, Kâo srăng brei kơ ñu kpŭng mana hgăm, leh anăn Kâo srăng brei kơ ñu sa boh tâo kô̆, ti boh tâo kô̆ anăn arăng čih leh sa anăn mrâo amâo mâo mnuih thâo ôh, knŏng pô mă tŭ thâo.’ ”

Klei Bi Êdah 2:26

Kơ pô dưi leh anăn djă pioh bruă Kâo tơl knhal tuč, Kâo srăng brei kơ ñu klei dưi kiă kriê phung găp djuê mnuih.

Klei Bi Êdah 2:3

Ih dôk gĭr tŭ klei knap kyua anăn Kâo, leh anăn ih amâo êdu ai ôh.

Klei Bi Êdah 2:7

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Kơ hlei pô dưi, Kâo srăng brei ñu ƀơ̆ng boh mơ̆ng ana kyâo klei hdĭp hlăm Paradi Aê Diê.’ ”

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.