Y-Mathiơ 10:21 - Klei Aê Diê Blŭ 2015

²¹ Ayŏng srăng jao adei ñu pô brei arăng bi mdjiê, leh anăn ama srăng jao anak ñu pô, leh anăn phung anak srăng kgŭ bi kdơ̆ng hŏng amĭ ama diñu, leh anăn brei arăng bi mdjiê hĕ digơ̆.

Y-Mathiơ 10:21 Iomraidhean Croise

II Y-Samuel 16:11

Y-Đawit lač kơ Y-Abisai leh anăn kơ jih jang phung dĭng buăl ñu, “Nĕ anei anak êkei kâo pô duah čiăng bi luč klei hdĭp kâo; kdlưn hĭn kơ anăn ară anei êkei Benjamin anei dưi ngă! Lui mơ̆ng ai ñu, brei ñu tăm pah bĕ; kyuadah Yêhôwa mtă leh kơ ñu.

Y-Yôp 19:19

Jih jang phung mah jiăng kâo sĭt suôr bi êmut snăk kơ kâo; phung kâo khăp leh wir ngă kơ kâo mơh.

Klei Mmuñ Hđăp 50:20

Ih dôk gŭ leh anăn blŭ bi kdơ̆ng hŏng ayŏng adei ih; ih mčeh kơ anak êkei amĭ ih.

Y-Êsai 19:2

“Kâo srăng mčhur ai phung Êjip bi blah hŏng phung Êjip pô: diñu srăng bi kdơ̆ng grăp čô hŏng ayŏng adei diñu, grăp čô hŏng pô riêng gah diñu, ƀuôn hdơ̆ng ƀuôn, ƀuôn ala mtao hdơ̆ng ƀuôn ala mtao.

Y-Sakari 13:3

Tơdah sa čô lŏ bi êdah msĕ si sa čô khua pô hưn êlâo, amĭ ama ñu, phung kkiêng kơ ñu, srăng lač kơ ñu, ‘Ih amâo srăng dôk hdĭp ôh, kyuadah ih blŭ klei luar hŏng anăn Yêhôwa.’ Amĭ ama ñu, phung kkiêng kơ ñu srăng tlŏ ñu tơdah ñu hưn êlâo.

Y-Mathiơ 24:10

Hlăk anăn lu mnuih srăng lui wir, bi lhiăr, leh anăn bi êmut hdơ̆ng găp.