Y-Mathiơ 10:20 - Klei Aê Diê Blŭ 2015

²⁰ Kyuadah amâo djŏ diih pô ôh blŭ, ƀiădah Yang Mngăt Jăk Ama diih blŭ hlăm diih.

Y-Mathiơ 10:20 Iomraidhean Croise

II Y-Samuel 23:2

Mngăt Myang Yêhôwa brei kơ kâo blŭ klei ñu, klei ñu blŭ dôk ti êlah kâo.

Klei Kbiă 4:12

Snăn nao bĕ, Kâo srăng dôk mbĭt hŏng ƀăng êgei ih, leh anăn Kâo srăng bi hriăm ih ya klei ih srăng blŭ.”

Y-Mathiơ 6:32

Kyuadah phung tue tui duah jih jang mnơ̆ng anăn; leh anăn Ama diih hlăm adiê thâo leh jing yuôm diih mâo jih dŏ anăn.

Y-Markôs 12:36

Y-Đawit, pô hŏng Yang Mngăt Jăk, hưn leh: ‘Khua Yang lač kơ Khua Yang kâo, Dôk gŭ bĕ tĭng hnuă Kâo, tơl Kâo dưm phung roh Ih ti gŭ jơ̆ng Ih.’

Y-Luk 11:13

Tơdah diih jing phung jhat thâo brei mnơ̆ng jăk kơ phung anak diih, kdlưn hĭn kơ anăn mơh Ama hlăm adiê srăng brei Yang Mngăt Jăk kơ hlei pô akâo kơ Ñu.”

Y-Luk 12:12

Kyuadah Yang Mngăt Jăk srăng bi hriăm diih ti mông anăn mtam ya klei djŏ diih srăng lač.”

Y-Luk 21:15

kyuadah Kâo srăng bi êdah kơ diih klei blŭ leh anăn klei thâo mĭn tơl jih jang phung roh diih amâo dưi bi kdơ̆ng amâodah bi mgăl hŏng diih ôh.

Bruă Phung Khua Ƀĭng Kna 13:9

Hlăk anăn Y-Sôl, arăng lŏ bi anăn Y-Pôl mơh, bŏ hŏng Yang Mngăt Jăk, dlăng amâo kƀreh ală kơ pô mdian anăn leh anăn lač,

Bruă Phung Khua Ƀĭng Kna 2:4

Jih jang diñu bŏ hŏng Yang Mngăt Jăk, leh anăn dơ̆ng blŭ hlăm klei blŭ mkăn, tui si Yang Mngăt Jăk brei kơ diñu blŭ.

Bruă Phung Khua Ƀĭng Kna 28:25

Snăn êjai diñu amâo sa ai ôh hdơ̆ng diñu, diñu đuĕ wĭt leh Y-Pôl blŭ snei, “Djŏ leh Yang Mngăt Jăk blŭ kơ phung aê diih hŏng khua pô hưn êlâo Y-Êsai:

Bruă Phung Khua Ƀĭng Kna 4:8

Hlăk anăn Y-Pêtrôs, bŏ hŏng Yang Mngăt Jăk, lač kơ diñu, “Ơ phung khua kiă kriê phung ƀuôn sang leh anăn phung khua mduôn,

Bruă Phung Khua Ƀĭng Kna 6:10

Ƀiădah diñu amâo dưi bi mgăl ôh hŏng klei thâo mĭn Y-Êtiên, Yang Mngăt Jăk, Pô brei gơ̆ blŭ.

II Kôrantô 13:3

kyuadah diih čiăng ƀuh klei bi sĭt Krist blŭ hlăm kâo. Ñu amâo jing awăt ôh hlăm klei ngă kơ diih, ƀiădah jing myang ti krah diih.

I Têsalônik 2:13

Msĕ mơh hmei bi mni kơ Aê Diê nanao kyua klei anei: tơdah diih mă tŭ leh klei Aê Diê blŭ hmei mtô kơ diih, diih tŭ leh klei blŭ anăn amâo djŏ msĕ si klei mnuih blŭ ôh, ƀiădah tui si gơ̆ jing sĭt nik klei Aê Diê blŭ, dôk mă bruă hlăm ai tiê diih phung đăo leh.

I Y-Pêtrôs 1:12

Aê Diê bi êdah leh kơ diñu bruă diñu ngă amâo djŏ kơ diñu pô ôh, ƀiădah kơ diih ară anei yơh. Klei anăn phung mtô klei mrâo mrang jăk hŏng Yang Mngăt Jăk Aê Diê tiŏ hriê leh mơ̆ng adiê hưn kơ diih. Wăt phung dĭng buăl jăk Aê Diê čiăng ksiêm dlăng klei anăn mơh.

II Y-Pêtrôs 1:21

kyuadah amâo tuôm mâo ôh sa mta klei hưn êlâo kbiă hriê mơ̆ng klei mnuih mĭn, ƀiădah Yang Mngăt Jăk mtrŭt mnuih blŭ klei kbiă mơ̆ng Aê Diê.