19 Tơdah diñu jao diih, đăm rŭng răng ôh si diih srăng blŭ amâodah ya klei diih srăng lač; kyuadah ya klei diih srăng lač arăng srăng brei kơ diih ti mông anăn mtam.
Snăn nao bĕ, Kâo srăng dôk mbĭt hŏng ƀăng êgei ih, leh anăn Kâo srăng bi hriăm ih ya klei ih srăng blŭ.”
Brei ih blŭ kơ ñu, leh anăn dưm boh blŭ hlăm ƀăng êgei ñu; leh anăn Kâo srăng dôk mbĭt hŏng ƀăng êgei ih leh anăn ƀăng êgei ñu, leh anăn Kâo srăng bi hriăm ih ya klei ih srăng ngă.
Ƀiădah Yêhôwa lač kơ kâo, “Đăm lač ôh, ‘Kâo jing knŏng sa čô hđeh’; kyuadah ih srăng nao kơ jih jang phung Kâo srăng tiŏ nao ih, leh anăn ih srăng blŭ ya klei Kâo mtă kơ ih.”
Snăn Yêhôwa yơr kngan Ñu ruêh ƀăng kƀông kâo, leh anăn lač kơ kâo, “Nĕ anei, Kâo dưm leh klei Kâo blŭ hlăm ƀăng kƀông ih.
Arăng srăng đoh ba diih ti anăp phung khua čar leh anăn ti anăp phung mtao kyua Kâo, čiăng kơ diih jing phung hưn kơ Kâo ti anăp diñu leh anăn ti anăp phung tue.
Snăn Kâo lač kơ diih, đăm uêñ đei ôh kơ klei hdĭp diih, kơ ya diih srăng ƀơ̆ng huă amâodah mnăm; kăn uêñ đei rei kơ asei mlei diih kơ ya diih srăng hơô. Amâo djŏ hĕ klei hdĭp yuôm hĭn kơ mnơ̆ng ƀơ̆ng huă, leh anăn asei mlei yuôm hĭn kơ čhiăm ao?
Snăn đăm diih uêñ đei ôh leh anăn lač, ‘Ya drei srăng ƀơ̆ng huă?’ amâodah ‘Ya drei srăng mnăm?’ amâodah ‘Ya drei srăng hơô?’
Snăn đăm uêñ hnĭng ôh kơ hruê mgi, kyuadah hruê mgi diih srăng uêñ kơ hruê mgi. Grăp hruê mâo klei dleh kơ grăp hruê.”
Tơdah arăng atăt ba diih ti anăp sang bi kƀĭn, phung khua phat kđi, leh anăn phung khua kiă kriê, đăm rŭng răng ôh kơ si diih srăng lač mgang diih pô, amâodah ya klei diih srăng lŏ wĭt lač.
Kyuadah Yang Mngăt Jăk srăng bi hriăm diih ti mông anăn mtam ya klei djŏ diih srăng lač.”
Ƀiădah diñu amâo dưi bi mgăl ôh hŏng klei thâo mĭn Y-Êtiên, Yang Mngăt Jăk, Pô brei gơ̆ blŭ.
Đăm ênguôt hnĭng kơ sa mta klei ôh, ƀiădah hlăm djăp mta klei hŏng klei wah lač, klei kwưh, leh anăn klei bi mni, akâo bĕ kơ Aê Diê klei diih čiăng.
Ƀiădah Khua Yang dôk mbĭt hŏng kâo leh anăn bi ktang kâo leh, čiăng kâo dưi mtô klei blŭ bi ênŭm, čiăng kơ jih jang phung tue dưi hmư̆. Snăn kâo tlaih leh mơ̆ng ƀăng êgei êmông gu.
Tơdah sa čô hlăm phung diih kƀah klei thâo mĭn, brei ñu akâo kơ Aê Diê, Pô brei kơ jih jang mnuih hŏng klei kmah leh anăn amâo ƀuah ôh, leh anăn Aê Diê srăng brei klei knhâo kơ ñu.