Y-Mathiơ 10:17 - Klei Aê Diê Blŭ 2015

¹⁷ Răng bĕ kơ phung mnuih, kyuadah diñu srăng jao diih kơ phung khua phat kđi leh anăn srăng čăm diih hlăm sang bi kƀĭn.

Y-Mathiơ 10:17 Iomraidhean Croise

Y-Mika 7:5

Đăm đăo kơ sa čô riêng gah ôh; đăm knang kơ sa čô mah jiăng ôh. Răng bĕ kơ klei ih blŭ kơ mniê dôk ti đah da ih;

Y-Mathiơ 10:18

Arăng srăng đoh ba diih ti anăp phung khua čar leh anăn ti anăp phung mtao kyua Kâo, čiăng kơ diih jing phung hưn kơ Kâo ti anăp diñu leh anăn ti anăp phung tue.

Y-Mathiơ 20:19

Diñu srăng jao Gơ̆ kơ phung tue čiăng kơ arăng tlao mưč, čăm Gơ̆ hŏng klei hnuăt, leh anăn pơ̆ng Gơ̆ ti kyâo bi kal; ƀiădah ti hruê tal tlâo Ñu srăng lŏ hdĭp.”

Y-Mathiơ 23:34

Kyuanăn Kâo tiŏ nao kơ diih phung khua pô hưn êlâo, phung thâo mĭn, leh anăn phung khua čih hră. Đa đa hlăm phung anăn diih srăng bi mdjiê leh anăn pơ̆ng ti kyâo bi kal, đa đa diih srăng čăm hŏng giê hlăm sang bi kƀĭn, leh anăn tiŏ ngă jhat mơ̆ng ƀuôn anei truh kơ ƀuôn mkăn.

Y-Mathiơ 26:59

Phung knơ̆ng khua ngă yang leh anăn jih jang phung khua phat kđi duah klei kčŭt mčeh kơ Yêsu čiăng dưi bi mdjiê Gơ̆.

Y-Mathiơ 5:22

Ƀiădah Kâo lač kơ diih, hlei pô ăl kơ ayŏng adei ñu srăng năng kơ klei phat kđi; hlei pô lač ‘Ih mluk’ kơ ayŏng adei ñu srăng năng jao kơ êpul khua phat kđi; hlei pô srăng lač, ‘Ih mluk mgu!’ srăng năng kơ war pui.

Y-Markôs 13:12

Ayŏng srăng jao adei ñu pô brei arăng bi mdjiê, leh anăn ama srăng jao anak ñu pô. Phung anak srăng bi kdơ̆ng hŏng amĭ ama diñu, leh anăn brei arăng bi mdjiê hĕ digơ̆.

Y-Markôs 13:9

Răng bĕ kơ diih pô, kyuadah arăng srăng jao diih kơ phung khua phat kđi, leh anăn arăng srăng čăm diih hlăm sang bi kƀĭn. Diih srăng dôk ti anăp phung khua čar leh anăn phung mtao kyua Kâo, čiăng jing phung hưn ti anăp diñu.

Y-Luk 12:11

Tơdah arăng atăt ba diih ti anăp sang bi kƀĭn, phung khua phat kđi, leh anăn phung khua kiă kriê, đăm rŭng răng ôh kơ si diih srăng lač mgang diih pô, amâodah ya klei diih srăng lŏ wĭt lač.

Y-Yôhan 11:47

Snăn phung knơ̆ng khua ngă yang leh anăn phung Pharisi iêô bi kƀĭn phung khua phat kđi leh anăn lač, “Ya drei srăng ngă lĕ, kyuadah mnuih anei ngă lu klei bi knăl yuôm bhăn?

Y-Yôhan 16:2

Arăng srăng suôt diih mơ̆ng sang bi kƀĭn. Sĭt nik, mông giăm truh tơdah hlei pô bi mdjiê diih srăng mĭn ñu đru bruă Aê Diê.

Bruă Phung Khua Ƀĭng Kna 17:14

Hlăk anăn phung ayŏng adei tiŏ nao mtam Y-Pôl phă êa ksĭ. Ƀiădah Y-Silas leh anăn Y-Timôthê ăt dôk ti ƀuôn Ƀêrê.

Bruă Phung Khua Ƀĭng Kna 22:19

Kâo lač, ‘Ơ Khua Yang, diñu pô thâo leh kơ kâo krư̆ leh anăn čăm phung đăo kơ Ih hlăm grăp boh sang bi kƀĭn.

Bruă Phung Khua Ƀĭng Kna 26:11

Jêñ jêñ kâo bi kmhal diñu hlăm jih jang sang bi kƀĭn leh anăn duah mgô̆ diñu hngah klei đăo. Êjai kâo ngêñ snăk kơ diñu, kâo truh wăt hlăm ƀuôn phung tue čiăng ngă jhat kơ diñu.”

Bruă Phung Khua Ƀĭng Kna 9:2

akâo kơ gơ̆ čih hră kơ jih jang sang bi kƀĭn ti ƀuôn Damas, čiăng kơ tơdah ñu ƀuh phung tui Êlan, êkei amâodah mniê, ñu dưi mă čăp đoh ba phung anăn kơ ƀuôn Yêrusalem.

Philip 3:2

Răng bĕ kơ phung mă bruă jhat, phung kâo pia asâo, phung mgưt khăt klĭt.

II Y-Timôthê 4:15

Brei ih pô răng kơ ñu msĕ mơh, kyuadah ñu bi kdơ̆ng ktang snăk hŏng klei drei mtô.

Hêbrơ 11:36

Phung mkăn tŭ klei arăng mưč leh anăn čăm, klei arăng kă hŏng săng đai leh anăn klei arăng krư̆.