Y-Mathiơ 10:16 - Klei Aê Diê Blŭ 2015

¹⁶ “Nĕ anei, Kâo tiŏ nao diih msĕ si phung biăp ti krah phung asâo tan. Snăn brei diih thâo răng msĕ si ala leh anăn ênang msĕ si mgăm.

Y-Mathiơ 10:16 Iomraidhean Croise

Klei Mphŭn Dơ̆ng 3:1

Ala jing mnêč hĭn kơ jih jang hlô mnơ̆ng dliê Khua Yang Aê Diê mjing leh. Ñu lač kơ mniê, “Sĭt nik hĕ Aê Diê lač, ‘Đăm diih ƀơ̆ng ôh boh jih jang ana kyâo hlăm war djam’?”

Klei Mphŭn Dơ̆ng 3:13

Khua Yang Aê Diê lač kơ mniê, “Ya klei ih ngă snăn lĕ?” Mniê lač, “Ala mplư kâo, snăn kâo ƀơ̆ng hĕ.”

Y-Nêhêmi 4:13

Snăn hlăm kdrêč ti gŭ hĭn anôk ti tluôn mnư̆ ti anôk êhŏng, kâo dưm phung ƀuôn sang tui si găp djuê diñu djă đao gưm, kdrang, leh anăn hna diñu.

Y-Yêrêmi 40:16

Ƀiădah Y-Gêdalia anak êkei Y-Ahikam lač kơ Y-Jôhanan anak êkei Y-Karêa, “Đăm ih ngă ôh klei anăn, kyuadah klei ih blŭ djŏ kơ Y-Ismaêl amâo sĭt ôh.”

Y-Ôsê 7:11

Êphraim jing msĕ si sa drei mgăm mluk, amâo mâo klei thâo săng ôh. Diñu kwưh kơ čar Êjip, nao kơ čar Asiri.

Y-Mathiơ 24:25

Nĕ anei, Kâo hưn hĕ êlâo klei anăn kơ diih.

Y-Mathiơ 24:45

“Snăn hlei pô jing dĭng buăl sĭt suôr leh anăn thâo mĭn, pô khua ñu jao brei kiă kriê jih jang mnuih hlăm sang ñu, čiăng brei mnơ̆ng ƀơ̆ng huă kơ digơ̆ djŏ mông?

Y-Mathiơ 25:2

Êma čô hlăm phung diñu jing mluk, leh anăn êma čô thâo mĭn.

Y-Mathiơ 25:4

Ƀiădah phung thâo mĭn djă ba giêt bŏ hŏng êa prăi mbĭt hŏng pui kđen.

Y-Mathiơ 25:9

Ƀiădah phung thâo mĭn lŏ wĭt lač, ‘Ơ ơh, huĭdah amâo djăp ôh kơ hmei wăt kơ diih; nao bĕ kơ phung čhĭ êa prăi leh anăn blei kơ diih pô.’

Y-Luk 10:3

Nao bĕ, nĕ anei Kâo tiŏ nao diih msĕ si êđai biăp ti krah asâo tan.

Y-Luk 21:15

kyuadah Kâo srăng bi êdah kơ diih klei blŭ leh anăn klei thâo mĭn tơl jih jang phung roh diih amâo dưi bi kdơ̆ng amâodah bi mgăl hŏng diih ôh.

Bruă Phung Khua Ƀĭng Kna 20:29

Kâo thâo, leh kâo đuĕ nao, lu asâo tan jhŏng srăng mŭt hlăm phung diih, amâo hơưi kơ phung biăp ôh.

I Kôrantô 14:20

Ơ phung ayŏng adei, đăm lŏ mĭn msĕ si phung hđeh ôh. Brei diih jing msĕ si hđeh hlăm klei thâo ngă jhat, ƀiădah hlăm klei thâo săng brei diih jing mnuih khua leh.

II Kôrantô 1:12

Hmei bi mni kơ hmei pô kyua klei anei: ai tiê kpă hmei hưn kơ klei hmei dôk dơ̆ng ƀơ̆ng huă hlăm lăn ala, leh anăn lu hĭn ti anăp diih, hŏng klei kpă ênuah leh anăn klei sĭt suôr Aê Diê brei, amâo djŏ hŏng klei thâo mĭn kđeh ôh, ƀiădah hŏng klei Aê Diê pap.

II Kôrantô 11:14

Klei anăn amâo bi kngăr ôh, kyuadah wăt Satan mgưt ñu pô jing msĕ si sa čô dĭng buăl jăk klei mngač.

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

II Kôrantô 8:20

Hmei mĭn amâo čiăng sa čô ôh dưi ƀuah hmei hlăm klei hmei kiă kriê mnơ̆ng brei pap lu êbeh anei;

Philip 2:15

čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

Kôlôs 1:9

Kyuanăn mơ̆ng hruê hmei hmư̆ hing klei anăn, hmei amâo mdei ôh wah lač kyua diih, akâo kơ Aê Diê bi bŏ diih hŏng klei thâo kral klei Ñu čiăng hlăm jih klei thâo mĭn leh anăn klei thâo săng myang,

Kôlôs 4:5

Brei diih dôk hdĭp hŏng klei thâo mĭn ti anăp phung amâo đăo ôh, yua mông diih bi jăk.

I Têsalônik 2:10

Diih jing phung hưn bi sĭt, leh anăn Aê Diê msĕ mơh, klei hmei dôk hdĭp leh ti anăp diih phung đăo hŏng klei doh jăk, hŏng klei kpă, leh anăn hŏng klei arăng amâo dưi ƀuah ôh.

I Têsalônik 5:22

brei diih hngah jih jang klei jhat.