Y-Mathiơ 10:15 - Klei Aê Diê Blŭ 2015

¹⁵ Sĭt nik Kâo lač kơ diih, ti hruê phat kđi êdei ƀuôn Sôdôm leh anăn ƀuôn Gômôrơ srăng mâo klei bi kmhal êdu hĭn kơ ƀuôn anăn.”

Y-Mathiơ 10:15 Iomraidhean Croise

Y-Mathiơ 12:36

Kâo hưn kơ diih, ti hruê phat kđi phung mnuih srăng bi êdah jih klei diñu blŭ amâo răng ôh.

Y-Mathiơ 5:18

Kyuadah sĭt nik Kâo lač kơ diih, tơl adiê leh anăn lăn ala êgao tuč, amâo srăng luč sa boh hră amâodah sa klei điêt hĭn hlăm klei bhiăn ôh, tơl jih jang klei anăn srăng bi sĭt.

Y-Mathiơ 7:22

Hlăm hruê anăn srăng mâo lu mnuih lač kơ Kâo, ‘Ơ Khua Yang, Ơ Khua Yang, amâo djŏ hĕ hmei tuôm hưn êlâo leh hlăm anăn Ih, suôt yang jhat hlăm anăn Ih, leh anăn ngă lu bruă myang hlăm anăn Ih?’

Y-Markôs 6:11

Leh anăn tơdah mâo anôk arăng amâo jum kăn hmư̆ diih rei, tơdah diih kbiă mơ̆ng anôk anăn, ktuh hĕ ƀruih lăn mơ̆ng jơ̆ng diih čiăng jing klei hưn bi kdơ̆ng hŏng diñu.”

Y-Yôhan 12:48

Hlei pô hngah kơ Kâo leh anăn amâo mă tŭ ôh klei Kâo blŭ mâo leh sa čô pô phat kđi ñu; klei Kâo blŭ leh srăng jing pô phat kđi ñu ti hruê knhal tuč êdei.

Y-Yôhan 6:39

Leh anăn snei klei Pô tiŏ hriê Kâo čiăng: Kâo amâo srăng bi luč ôh sa čô đơ jih jang Ñu brei leh kơ Kâo; ƀiădah srăng brei digơ̆ kbiă lŏ hdĭp ti hruê knhal tuč êdei.

Y-Yôhan 6:40

Kyuadah snei klei Ama Kâo čiăng: brei grăp čô hlei pô ƀuh Anak leh anăn đăo kơ Ñu srăng mâo klei hdĭp hlŏng lar; leh anăn Kâo srăng bi kbiă lŏ hdĭp digơ̆ ti hruê knhal tuč êdei.”

Bruă Phung Khua Ƀĭng Kna 17:31

Kyuadah Ñu bi kčah leh sa hruê Ñu srăng brei sa čô Ñu čuăn leh phat kđi lăn ala hŏng klei kpă. Ñu hưn bi sĭt leh klei anăn kơ jih jang mnuih hŏng klei Ñu bi kbiă lŏ hdĭp Gơ̆ leh mơ̆ng phung djiê.”

I Kôrantô 3:13

bruă grăp čô srăng bi êdah. Kyuadah Hruê Khua Yang srăng bi êdah si bruă anăn jing, kyuadah pui srăng bi êdah bruă anăn, leh anăn pui srăng lông dlăng ya mta bruă grăp čô ngă leh.

I Têsalônik 5:4

Ƀiădah Ơ phung ayŏng adei, diih amâo dôk hlăm klei mmăt ôh, tơl hruê anăn bi kdjăt diih msĕ si sa čô knĕ.

Hêbrơ 10:25

Đăm lui ôh klei bi kƀĭn msĕ si đa đa mưng ngă, ƀiădah bi mđĭ ai hdơ̆ng drei, leh anăn ngă klei anăn lu hĭn êjai diih ƀuh Hruê Krist giăm truh.

II Y-Pêtrôs 2:6

leh anăn tơdah Ñu phat kđi ƀuôn Sôdôm leh anăn ƀuôn Gômôrơ hŏng klei bi rai tơl digơ̆ jing hbâo, brei digơ̆ jing klei bi hmô kơ phung amâo mâo Aê Diê ênuk êdei;

II Y-Pêtrôs 2:9

snăn Khua Yang thâo bi mtlaih phung mpŭ kơ Aê Diê mơ̆ng klei lông dlăng, leh anăn thâo pioh phung wê hlăm klei bi kmhal tơl truh Hruê Phat Kđi,

II Y-Pêtrôs 3:7

Ƀiădah hŏng klei blŭ anăn mơh phung adiê leh anăn lăn ala ară anei Aê Diê pioh kơ pui bi rai ti hruê phat kđi leh anăn klei bi rai phung amâo mpŭ kơ Aê Diê ôh.

I Y-Yôhan 4:17

Hŏng klei anăn klei khăp truh kơ klei jăk klă hlăm drei, čiăng kơ drei dưi mâo klei knang ti hruê phat kđi. Kyuadah msĕ si Ñu jing, drei jing msĕ snăn mơh hlăm lăn ala anei.

Y-Yut 1:6

Leh anăn phung dĭng buăl jăk amâo djă pioh ôh klei diñu jing, ƀiădah lui anôk diñu pô dôk, Aê Diê pioh leh kă hŏng klei săng đai hlŏng lar hlăm anôk mmăt ti gŭ tơl truh klei phat kđi ti Hruê Prŏng;

Y-Yut 1:7

djŏ msĕ si ƀuôn Sôdôm, ƀuôn Gômôrơ, leh anăn ƀuôn jŭm dar msĕ mơh ngă klei knhông leh anăn ngă klei tluh mdê hŏng klei bhiăn yang đar, jing sa klei bi hmô hlăm klei diñu tŭ klei bi kmhal hŏng pui ƀơ̆ng hlŏng lar.