Y-Markôs 3:3 - Klei Aê Diê Blŭ 2015

³ Ñu lač kơ êkei mâo kngan krô anăn, “Kgŭ hriê ti krah anei.”

Y-Markôs 3:3 Iomraidhean Croise

Y-Êsai 42:4

Ñu amâo srăng awăt amâodah êdu ai ôh, tơl ñu mdơ̆ng leh klei kpă ti lăn ala; leh anăn jih jang plao ksĭ dôk guôn klei bhiăn ñu.”

Y-Đaniel 6:10

Tơdah Y-Đaniel thâo mtao čih anăn leh kơ hră anăn, ñu mŭt hlăm sang ñu ƀăng bhă điêt hlăm adŭ tal dlông ñu pŏk jih phă ƀuôn Yêrusalem; leh anăn tlâo blư̆ grăp hruê ñu čuôn kơŭt wah lač leh anăn bi mni kơ Aê Diê ñu msĕ si ñu bhiăn ngă leh.

Y-Mathiơ 12:10

Nĕ anei, mâo tinăn sa čô êkei mâo sa ƀĕ kngan krô. Mâo đa đa mnuih čiăng duah klei kčŭt kơ Yêsu, diñu êmuh kơ Yêsu snei, “Bhiăn mơ̆ bi hlao hlăm hruê sabat?”

Y-Markôs 3:2

Đa đa mnuih kăp dlăng Yêsu thâodah Ñu srăng bi hlao êkei anăn hlăm hruê sabat čiăng dưi kčŭt kơ Ñu.

Y-Markôs 3:4

Leh anăn Yêsu lač kơ diñu, “Hlăm hruê sabat drei bhiăn mơ̆ ngă klei jăk amâodah klei jhat, bi mtlaih klei hdĭp amâodah bi mdjiê?” Ƀiădah diñu dôk ñăt.

Y-Luk 6:8

Ƀiădah Yêsu thâo klei mĭn diñu leh anăn lač kơ mnuih mâo kngan krô, “Hriê dôk dơ̆ng tinei.” Gơ̆ kgŭ leh anăn dôk dơ̆ng tinăn.

Y-Yôhan 9:4

Brei drei mă hĕ bruă kơ Pô tiŏ hriê Kâo êjai hruê; tơ truh mlam, hlăk anăn amâo mâo sa čô dưi mă bruă ôh.

I Kôrantô 15:58

Snăn, Ơ phung ayŏng adei kâo khăp, dôk kjăp bĕ, amâo mgei ôh, leh anăn mă bruă êbeh hĭn nanao kơ Khua Yang, kyuadah diih thâo leh bruă diih mă hlăm Khua Yang amâo jing hơăi mang ôh.

Galati 6:9

Đăm brei drei jing êmăn ôh hlăm klei ngă jăk, kyuadah tơdah drei amâo êdu ai ôh drei srăng wiă tơdah truh djŏ yan.

Philip 1:14

Leh anăn kyua klei arăng krư̆ kâo mâo lu hĭn hlăm phung ayŏng adei thâo knang hĭn kơ Khua Yang, leh anăn mâo klei jhŏng hĭn hưn klei Aê Diê blŭ amâo huĭ ôh.

I Y-Pêtrôs 4:1

Snăn kyuadah Krist tŭ leh klei knap mñai hlăm kđeh, brei diih mprăp diih pô hŏng klei mĭn msĕ snăn, kyuadah hlei pô tŭ leh klei knap hlăm kđeh amâo lŏ ngă soh ôh,