Y-Đaniel 9:9 - Klei Aê Diê Blŭ 2015

⁹ Yêhôwa Aê Diê hmei thâo pap leh anăn pap brei, wăt tơdah hmei ngă klei bi kdơ̆ng hŏng Ñu leh.

Y-Đaniel 9:9 Iomraidhean Croise

II Y-Samuel 24:14

Y-Đawit lač kơ Y-Gat, “Kâo rŭng răng snăk. Brei drei lĕ hlăm kngan Yêhôwa, kyuadah klei Ñu pap jing prŏng; ƀiădah đăm brei kâo lĕ hlăm kngan mnuih ôh.”

I Bruă Mtao 8:30

Hmư̆ bĕ kơ klei dĭng buăl Ih leh anăn phung ƀuôn sang Ih Israel kwưh tơdah diñu wah lač phă anôk anei. Sĭt nik hmư̆ bĕ mơ̆ng adiê anôk Ih dôk; leh anăn tơdah Ih hmư̆, pap brei bĕ.

Y-Nêhêmi 9:31

Ƀiădah hlăm klei pap Ih prŏng, Ih amâo bi luč hĕ diñu amâodah lui hĕ diñu ôh; kyuadah Ih jing sa čô Aê Diê thâo hơiêng leh anăn bŏ hŏng klei pap.

Klei Mmuñ Hđăp 130:4

Ƀiădah Ih thâo pap brei, kyuanăn arăng huĭ mpŭ kơ Ih.

Klei Mmuñ Hđăp 130:7

Ơ Phung Israel, čang hmăng bĕ kơ Yêhôwa; kyuadah Yêhôwa bŏ hŏng klei jăk, leh anăn mâo klei myang êbeh dlai dưi bi tui.

Klei Mmuñ Hđăp 62:12

Msĕ mơh, Ơ Khua Yang, klei khăp jing dŏ Ih. Kyuadah Ih bi wĭt kơ grăp čô tui si bruă ñu ngă.

Klei Mmuñ Hđăp 86:15

Ƀiădah Ih, Ơ Khua Yang, jing Aê Diê thâo pap leh anăn mâo ai tiê jăk, amâo djăl ăl ôh, bŏ hŏng klei khăp leh anăn klei sĭt suôr.

Klei Mmuñ Hđăp 86:5

kyuadah Ih jing jăk leh anăn thâo pap brei, Ơ Khua Yang. Ih bŏ hŏng klei khăp kơ jih jang phung iêô wah lač kơ Ih.

Y-Êsai 55:7

Brei pô ƀai lui hĕ êlan ñu pô, leh anăn brei mnuih wê lui klei ñu mĭn. Brei ñu lŏ wĭt kơ Yêhôwa čiăng Gơ̆ srăng pap kơ ñu, kơ Aê Diê drei kyuadah Gơ̆ srăng pap brei êbeh dlai.

Y-Êsai 63:7

Kâo srăng yăl dliê klei jăk Yêhôwa, klei bi mni kơ Yêhôwa, tui si jih klei Yêhôwa ngă brei leh kơ drei, leh anăn klei Ñu ngă jăk lu kơ sang Israel, klei Ñu brei leh kơ digơ̆ tui si klei Ñu pap leh anăn ngă jăk êbeh dlai.

Y-Yêrêmi 14:7

“Wăt tơdah klei wê hmei hưn bi kdơ̆ng hŏng hmei, ngă bĕ, Ơ Yêhôwa, kyua anăn Ih. Kyuadah klei hmei lui wir leh jing lu; hmei ngă soh hŏng Ih leh.

Y-Êsêkiêl 20:13

Ƀiădah sang Israel bi kdơ̆ng hŏng Kâo hlăm kdrăn tač; diñu amâo êbat tui hlue ôh klei Kâo mtă, ƀiădah hngah leh klei bhiăn Kâo, hŏng klei gưt kơ klei anăn mnuih srăng hdĭp; leh anăn diñu bi msoh leh êgao hnơ̆ng kơ hruê sabat Kâo. Snăn Kâo lač leh Kâo srăng tuh klei Kâo ngêñ ti dlông diñu hlăm kdrăn tač, čiăng bi rai tuč diñu jih.

Y-Đaniel 9:5

Hmei ngă soh leh, hmei ngă klei wê, hmei ngă ƀai leh anăn bi kdơ̆ng, hmei lui leh klei Ih čih leh anăn klei Ih mtă.

Y-Đaniel 9:6

Hmei amâo dôk hmư̆ ôh kơ phung dĭng buăl Ih phung khua pô hưn êlâo, phung blŭ leh hlăm anăn Ih kơ mtao hmei, kơ phung khua hmei, kơ phung aê hmei, leh anăn kơ jih jang phung ƀuôn sang hlăm čar.

Y-Đaniel 9:7

Ơ Yêhôwa, Ih yơh jing kpă ênô, ƀiădah hmei mâo klei hêñ, msĕ si mâo leh hruê anei, phung êkei Yuđa, phung dôk hlăm ƀuôn Yêrusalem, leh anăn jih jang phung Israel dôk giăm leh anăn dôk kbưi, hlăm jih jang čar Ih suôt hmei leh, kyua hmei amâo dôk sĭt suôr hŏng Ih ôh.

Y-Đaniel 9:8

Ơ Yêhôwa, hmei yơh mâo klei hêñ, phung mtao hmei, phung khua hmei, leh anăn phung aê hmei, kyuadah hmei ngă soh leh hŏng Ih.

Y-Yôna 4:2

Ñu wah lač kơ Yêhôwa, lač: “Kâo kwưh kơ Ih, Ơ Yêhôwa, amâo djŏ hĕ klei anei kâo lač leh êjai kâo ăt dôk hlăm čar kâo? Kyuanăn yơh kâo ruăt đuĕ nao kơ čar Tarsis; kyuadah kâo thâo Ih jing Aê Diê thâo ngă jăk, thâo pap, amâo djăl ăl ôh, bŏ hŏng klei jăk, leh anăn bi mlih klei mĭn amâo ngă klei jhat ôh.