Y-Đaniel 9:7 - Klei Aê Diê Blŭ 2015

⁷ Ơ Yêhôwa, Ih yơh jing kpă ênô, ƀiădah hmei mâo klei hêñ, msĕ si mâo leh hruê anei, phung êkei Yuđa, phung dôk hlăm ƀuôn Yêrusalem, leh anăn jih jang phung Israel dôk giăm leh anăn dôk kbưi, hlăm jih jang čar Ih suôt hmei leh, kyua hmei amâo dôk sĭt suôr hŏng Ih ôh.

Y-Đaniel 9:7 Iomraidhean Croise

Y-Êsra 9:13

Leh anăn êdei kơ jih klei truh leh kơ hmei kyua klei jhat hmei ngă leh anăn kyua klei hmei jing soh prŏng, ƀuh leh kơ Ih Aê Diê hmei bi kmhal hmei ƀiă hĭn kơ klei wê hmei năng, leh anăn brei kơ hmei sa phung ăt dôk msĕ snei.

Y-Êsra 9:15

Ơ Yêhôwa Aê Diê phung Israel, Ih jing kpă, kyuadah hmei jing phung ăt dôk, phung tlaih leh msĕ si ti hruê anei. Nĕ anei hmei dôk ti anăp Ih hlăm klei hmei jing soh, kyuadah amâo mâo sa čô ôh dưi dôk ti anăp Ih kyua klei anei.”

Y-Nêhêmi 9:33

Ih jing kpă hlăm jih jang klei truh leh kơ hmei, kyuadah Ih ngă leh hŏng klei sĭt suôr, ƀiădah hmei ngă leh hŏng klei jhat ƀai.

Klei Mmuñ Hđăp 119:137

Ơ Yêhôwa, Ih jing kpă ênô; leh anăn klei Ih phat kđi jing djŏ.

Klei Mmuñ Hđăp 44:15

Kâo hêñ jih hruê, klei hêñ guôm ƀô̆ mta kâo leh,

Klei Mmuñ Hđăp 51:14

Ơ Aê Diê, Aê Diê pô bi mtlaih kâo, bi mtlaih kâo mơ̆ng klei soh tuh êrah, leh anăn êlah kâo srăng mmuñ kraih kơ klei kpă ênô Ih.

Klei Mmuñ Hđăp 51:4

Kâo ngă soh hŏng Ih, knŏng hŏng Ih yơh, leh anăn kâo ngă leh klei jhat ƀai ti anăp ală Ih; snăn Ih jing kpă tơdah Ih blŭ kđi, leh anăn amâo mâo klei arăng dưi ƀuah ôh tơdah Ih bi kmhal kâo.

Y-Êsai 11:11

Hlăm hruê anăn, Khua Yang srăng yơr tal dua kngan Ñu čiăng bi wĭt kdrêč phung ƀuôn sang Ñu adôk mơ̆ng čar Asiri, čar Êjip, čar Patrôs, čar Êthiôpi, čar Êlam, čar Sinar, čar Hamat, leh anăn mơ̆ng jih jang plao êa ksĭ.

Y-Êsai 45:16

Jih jang phung ngă rup yang srăng hêñ leh anăn rŭng răng, diñu srăng êbat đuĕ mđrăm mbĭt hŏng klei rŭng răng.

Y-Yêrêmi 12:1

Ơ Yêhôwa, Ih jing Pô kpă tơdah kâo hưn klei kâo kơ Ih. Ƀiădah kâo čiăng blŭ kơ Ih djŏ kơ klei kpă Ih: Si ngă bruă phung ƀai đĭ kyar leh? Si ngă phung lhiăr hriê kơ mdrŏng?

Y-Yêrêmi 23:6

Hlăm ênuk Gơ̆ phung Yuđa srăng mâo klei bi mtlaih, leh anăn phung Israel srăng dôk hlăm klei hơĭt. Anei anăn arăng srăng pia kơ Ñu: ‘Yêhôwa Klei Kpă Ênô Drei.’ ”

Y-Yêrêmi 24:9

Kâo srăng mjing diñu klei bi huĭ kơ jih jang ƀuôn ala mtao ti lăn ala, brei jing sa klei hêñ, klei arăng djă djik djak, klei mưč, leh anăn klei tăm pah hlăm jih jang anôk Kâo srăng suôt diñu.

Y-Yêrêmi 3:25

Brei hmei dôk đih hlăm klei hêñ hmei, leh anăn brei klei arăng bi êmut truh kơ hmei; kyuadah hmei ngă soh leh hŏng Yêhôwa Aê Diê hmei, hmei wăt phung aê hmei, mơ̆ng ênuk hmei hlăk hđeh truh kơ hruê anei; leh anăn hmei amâo tuôm gưt asăp ôh kơ Yêhôwa Aê Diê hmei ôh.”

Y-Yêrêmi 32:32

Kyuadah jih jang klei jhat phung anak Israel leh anăn phung anak Yuđa ngă leh čiăng mčhur ai brei Kâo ngêñ — phung mtao diñu, phung khua diñu, phung khua ngă yang diñu, leh anăn phung khua pô hưn êlâo diñu, phung êkei Yuđa leh anăn phung dôk ti ƀuôn Yêrusalem.

Y-Yêrêmi 33:16

Hlăm hruê anăn čar Yuđa srăng tlaih, leh anăn ƀuôn Yêrusalem srăng dôk hŏng klei hơĭt. Leh anăn anei anăn arăng srăng pia kơ ƀuôn anăn: Yêhôwa Klei Kpă Ênô Drei.’

Y-Yêrêmi 4:17

Msĕ si phung kiă hma diñu wang jŭm dar gơ̆, kyuadah gơ̆ bi kdơ̆ng hŏng Kâo leh,’ ” Yêhôwa lač.

Y-Yêrêmi 7:19

Djŏ mơ̆ jing Kâo diñu mčhur ai? Yêhôwa lač. Amâo djŏ hĕ diñu pô yơh bi truh klei rŭng răng kơ diñu pô?

Y-Êsêkiêl 16:63

čiăng kơ ih dưi hdơr leh anăn mâo klei hêñ, leh anăn amâo lŏ ha ƀăng êgei ih ôh kyua klei ih hêñ, tơdah Kâo pap brei kơ ih jih jang klei ih ngă leh.” Yêhôwa Aê Diê lač.

Y-Êsêkiêl 36:31

Hlăk anăn diih srăng hdơr kơ êlan jhat diih tui hlue leh, leh anăn klei diih ngă amâo jăk ôh; leh anăn diih srăng bi êmut kheh kơ diih pô kyua klei wê diih leh anăn klei jhat Kâo bi êmut kheh diih ngă leh.

Y-Êsêkiêl 5:10

Kyuanăn phung ama srăng ƀơ̆ng phung anak êkei diñu ti krah ih, leh anăn phung anak êkei srăng ƀơ̆ng ama diñu; leh anăn Kâo srăng bi truh klei phat kđi kơ ih, leh anăn hlei phung hlăm ih ăt dôk hdĭp kâo srăng bi bra mđung diñu kơ jih jang angĭn.

Y-Êsêkiêl 6:12

Pô dôk kbưi srăng djiê hŏng klei ruă bi mdjiê; pô dôk giăm srăng djiê hŏng đao gưm; leh anăn pô ăt dôk arăng amâo bi mdjiê ôh srăng djiê hŏng klei ư̆ êpa. Msĕ snăn Kâo srăng bi truh jih klei Kâo ngêñ kơ diñu.

Y-Đaniel 9:14

Kyuanăn Yêhôwa mkra leh klei jhat anei leh anăn bi truh klei anăn kơ hmei leh; kyuadah Yêhôwa Aê Diê hmei jing kpă ênô hlăm jih jang bruă Ñu ngă, ƀiădah hmei amâo tuôm gưt asăp Ñu ôh.

Y-Đaniel 9:18

Ơ Aê Diê kâo, mđing knga Ih leh anăn dôk hmư̆ bĕ; mblang ală Ih leh anăn dlăng kơ klei hmei leh anăn ƀuôn arăng iêô hŏng anăn Ih rai leh; kyuadah hmei kwưh kơ Ih amâo djŏ ôh kyua klei kpă ênô hmei pô, ƀiădah kyua klei pap prŏng Ih.

Y-Đaniel 9:8

Ơ Yêhôwa, hmei yơh mâo klei hêñ, phung mtao hmei, phung khua hmei, leh anăn phung aê hmei, kyuadah hmei ngă soh leh hŏng Ih.

Y-Amôs 9:9

“Kyuadah nĕ anei, Kâo srăng mtă leh anăn êyuh sang Israel ti krah jih jang găp djuê mnuih, msĕ si arăng êyuh hŏng mnơ̆ng hdei, ƀiădah amâo mâo sa asăr điêt srăng lĕ ti lăn ôh.

Hră Y-Pôl Mơĭt kơ Phung Rôm 6:21

Ya boh tŭ dưn diih mâo mơ̆ng klei diih ngă anăn bi hêñ diih leh? Klei knhal tuč kơ klei anăn jing klei djiê.

Klei Mtô Mñă Klei Bhiăn 32:4

Ñu jing Boh Tâo Prŏng, bruă Ñu jing klă, kyuadah jih jang êlan Ñu jing kpă. Aê Diê Pô sĭt suôr leh anăn amâo mâo klei wê ôh, Ñu jing kpă leh anăn djŏ.

Klei Mtô Mñă Klei Bhiăn 4:27

Leh anăn Yêhôwa srăng bi bra đuĕ diih ti krah phung găp djuê mnuih, leh anăn diih srăng ăt dôk knŏng ƀiă ti krah phung găp djuê mnuih anôk Yêhôwa srăng atăt diih dôk.