Y-Đaniel 9:6 - Klei Aê Diê Blŭ 2015

⁶ Hmei amâo dôk hmư̆ ôh kơ phung dĭng buăl Ih phung khua pô hưn êlâo, phung blŭ leh hlăm anăn Ih kơ mtao hmei, kơ phung khua hmei, kơ phung aê hmei, leh anăn kơ jih jang phung ƀuôn sang hlăm čar.

Y-Đaniel 9:6 Iomraidhean Croise

II Bruă Mtao 18:12

kyuadah diñu amâo gưt asăp Yêhôwa Aê Diê diñu ôh, ƀiădah gao klei Gơ̆ bi mguôp, si tô hmô jih jang klei Y-Môis dĭng buăl Yêhôwa mtă leh. Diñu amâo čiăng hmư̆, kăn gưt rei.

II Klei Yăl Dliê 33:10

Yêhôwa blŭ kơ Y-Manasê leh anăn kơ phung ƀuôn sang ñu, ƀiădah diñu amâo uêñ ôh.

Y-Êsra 9:7

Mơ̆ng ênuk phung aê hmei truh kơ hruê anei, hmei jing soh prŏng, leh anăn kyua klei wê hmei, hmei, phung mtao hmei, leh anăn phung khua ngă yang hmei Ih jao leh hmei hlăm kngan phung mtao čar tue, kơ đao gưm, kơ klei jing mnă, kơ klei arăng plah mă, leh anăn kơ jih klei hêñ msĕ si mâo ti hruê anei.

Y-Nêhêmi 9:30

Ih gĭr hŏng diñu êjai lu thŭn, leh anăn hưn brei diñu răng hŏng Yang Mngăt Jăk Ih mơ̆ng phung khua pô hưn êlâo Ih; ƀiădah diñu amâo čiăng mđing knga ôh. Kyua anăn Ih jao diñu leh hlăm kngan phung ƀuôn sang hlăm čar.

Y-Nêhêmi 9:32

Kyua anăn ară anei, Ơ Aê Diê hmei, Pô prŏng, Pô myang, leh anăn Aê Diê năng kơ arăng huĭ, Pô djă pioh klei bi mguôp leh anăn klei khăp sĭt suôr, đăm yap msĕ si klei điêt ôh klei truh leh kơ hmei, kơ phung mtao hmei, kơ phung khua hmei, kơ phung khua ngă yang hmei, kơ phung khua pô hưn êlâo hmei, kơ phung aê hmei, leh anăn kơ jih jang phung ƀuôn sang Ih dơ̆ng mơ̆ng ênuk phung mtao Asiri truh kơ hruê anei.

Y-Nêhêmi 9:34

Phung mtao hmei, phung khua hmei, phung khua ngă yang hmei, leh anăn phung aê hmei amâo uêñ kơ klei bhiăn Ih ôh, amâodah dôk hmư̆ klei Ih mtă leh anăn klei Ih hưn brei răng, klei anăn Ih brei leh kơ diñu.

Y-Yêrêmi 26:5

amâo mđing ôh kơ klei dĭng buăl Kâo phung khua pô hưn êlâo blŭ Kâo tiŏ nao kơ diih lu blư̆, wăt tơdah diih amâo dôk hmư̆ ôh,

Y-Yêrêmi 29:19

kyuadah diñu amâo čiăng mđing hmư̆ ôh klei Kâo blŭ,” Yêhôwa lač, “klei blŭ anăn Kâo mơĭt nanao kơ diih hŏng phung dĭng buăl Kâo phung khua pô hưn êlâo, ƀiădah diih amâo čiăng hmư̆ ôh,” Yêhôwa lač.

Y-Yêrêmi 44:16

“Bi kơ klei ih blŭ leh kơ hmei hlăm anăn Yêhôwa, hmei amâo srăng dôk hmư̆ ih ôh.

Y-Yêrêmi 7:13

Leh anăn ară anei, kyuadah diih ngă leh jih klei anăn,’ Yêhôwa lač, ‘leh anăn tơdah Kâo ăt dôk gĭr blŭ hŏng diih leh anăn diih amâo dôk hmư̆ ôh, leh anăn tơdah Kâo iêô diih leh, diih amâo lŏ wĭt lač ôh,

Y-Yêrêmi 7:24

Ƀiădah diñu amâo tuôm gưt asăp kăn tuôm mđing knga rei, ƀiădah êbat leh tui si diñu pô mĭn leh anăn hlăm klei khăng ai tiê jhat diñu, leh anăn wĭt kơ tluôn amâo nao phă anăp ôh.

Y-Đaniel 9:10

Leh anăn hmei amâo gưt asăp ôh kơ Yêhôwa Aê Diê hmei čiăng tui hlue klei bhiăn Ñu brei phung dĭng buăl Ñu, phung khua pô hưn êlâo bi êdah leh kơ hmei.

Y-Đaniel 9:9

Yêhôwa Aê Diê hmei thâo pap leh anăn pap brei, wăt tơdah hmei ngă klei bi kdơ̆ng hŏng Ñu leh.

Y-Mathiơ 23:37

“Ơ ƀuôn Yêrusalem, ƀuôn Yêrusalem, ih bi mdjiê phung khua pô hưn êlâo leh anăn bhĭr boh tâo kơ phung arăng tiŏ nao kơ ih! Jêñ jêñ leh Kâo čiăng bi kƀĭn mbĭt phung anak ih msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Bruă Phung Khua Ƀĭng Kna 13:27

Kyuadah phung dôk hlăm ƀuôn Yêrusalem leh anăn phung khua diñu, amâo thâo kral ôh Yêsu anei, kăn thâo săng klei phung khua pô hưn êlâo blŭ, diñu dlăng grăp hruê sabat rei, diñu bi sĭt leh klei anăn hŏng klei diñu phat kđi Yêsu.