Y-Đaniel 9:5 - Klei Aê Diê Blŭ 2015

⁵ Hmei ngă soh leh, hmei ngă klei wê, hmei ngă ƀai leh anăn bi kdơ̆ng, hmei lui leh klei Ih čih leh anăn klei Ih mtă.

Y-Đaniel 9:5 Iomraidhean Croise

II Bruă Mtao 18:12

kyuadah diñu amâo gưt asăp Yêhôwa Aê Diê diñu ôh, ƀiădah gao klei Gơ̆ bi mguôp, si tô hmô jih jang klei Y-Môis dĭng buăl Yêhôwa mtă leh. Diñu amâo čiăng hmư̆, kăn gưt rei.

II Bruă Mtao 21:15

kyuadah diñu ngă leh klei jhat ti anăp ală Kâo leh anăn mčhur Kâo ngêñ dơ̆ng mơ̆ng hruê phung aê diñu kbiă mơ̆ng čar Êjip hlŏng kơ hruê anei.”

Y-Êsra 9:6

êjai lač: “Ơ Aê Diê kâo, kâo hêñ leh anăn hrah ƀô̆ kngưr ƀô̆ mta kâo kơ Ih, Aê Diê kâo, kyuadah klei wê hmei đĭ dlông hĭn kơ boh kŏ hmei leh anăn klei hmei jing soh đĭ truh kơ adiê.

Klei Mmuñ Hđăp 106:6

Hmei wăt phung aê hmei ngă soh leh; hmei ngă klei wê leh, hmei ngă klei ƀai leh.

Klei Mmuñ Hđăp 119:102

Kâo amâo weh mơ̆ng klei Ih mtô ôh; kyuadah Ih pô bi hriăm kâo leh.

Klei Mmuñ Hđăp 119:176

Kâo klah đuĕ msĕ si sa drei biăp luč; duah bĕ dĭng buăl Ih, kyuadah kâo amâo wơr bĭt ôh klei Ih mtă.

Klei Mmuñ Hđăp 18:21

Kyuadah kâo tui hlue leh êlan Yêhôwa, leh anăn kâo amâo ngă klei ƀai ôh hlăm klei đuĕ mơ̆ng Aê Diê kâo.

Y-Êsai 53:6

Jih jang drei msĕ si biăp klah đuĕ leh, grăp čô drei wir tui hlue êlan Ñu pô; leh anăn Yêhôwa dưm leh ti Ñu klei wê jih jang drei.

Y-Êsai 59:13

gao klei bhiăn, hngah kơ Yêhôwa, lui wir amâo tui hlue ôh Aê Diê hmei, blŭ kơ klei ktư̆ juă leh anăn klei bi kdơ̆ng, mĭn leh anăn ha blŭ klei luar mơ̆ng ai tiê.

Y-Êsai 64:4

Mơ̆ng ênuk đưm arăng amâo tuôm hmư̆ ôh, kăn ală tuôm ƀuh rei Aê Diê ti êngao Ih, pô mă bruă đru phung dôk guôn Ñu.

Y-Yêrêmi 14:20

Ơ Yêhôwa, hmei tŭ klei hmei jing ƀai, leh anăn klei wê phung ama hmei; kyuadah sĭt nik hmei ngă soh leh hŏng Ih.

Y-Yêrêmi 14:7

“Wăt tơdah klei wê hmei hưn bi kdơ̆ng hŏng hmei, ngă bĕ, Ơ Yêhôwa, kyua anăn Ih. Kyuadah klei hmei lui wir leh jing lu; hmei ngă soh hŏng Ih leh.

Y-Yêrêmi 3:25

Brei hmei dôk đih hlăm klei hêñ hmei, leh anăn brei klei arăng bi êmut truh kơ hmei; kyuadah hmei ngă soh leh hŏng Yêhôwa Aê Diê hmei, hmei wăt phung aê hmei, mơ̆ng ênuk hmei hlăk hđeh truh kơ hruê anei; leh anăn hmei amâo tuôm gưt asăp ôh kơ Yêhôwa Aê Diê hmei ôh.”

Y-Yêrêmi 30:14

Jih jang phung ih khăp wơr bĭt leh ih, diñu amâo uêñ kơ ih ôh. Kyuadah Kâo ngă kơ ih leh msĕ si sa čô roh, klei bi kmhal mơ̆ng sa čô roh amâo thâo pap ôh, kyuadah klei ih soh leh jing prŏng, kyuadah klei soh ih jing kjham.

Y-Yêrêmi 44:3

kyuadah klei ƀai diñu ngă leh, mčhur ai brei Kâo ngêñ, hŏng klei diñu čuh mnơ̆ng ƀâo mngưi leh anăn mă bruă kơ phung yang mkăn, phung yang diñu, diih, wăt phung aê diih amâo tuôm thâo kral ôh.

Klei Čŏk Hia 1:18

“Yêhôwa jing kpă, bi kâo lĕ, kâo bi kdơ̆ng leh hŏng klei Ñu blŭ. Hmư̆ bĕ, Ơ jih jang diih phung ƀuôn sang, dlăng bĕ kơ klei knap mñai kâo; phung mniê êra hrông leh anăn phung êkei êdam kâo đuĕ nao jing mnă leh.

Klei Čŏk Hia 1:20

Dlăng bĕ, Ơ Yêhôwa, kyuadah kâo jing knap mñai, mngăt kâo mâo klei rŭng răng, ai tiê kâo mâo klei kpĭ hlăm lam, kyuadah kâo jing leh pô bi kdơ̆ng hĭn. Hlăm êlan prŏng đao gưm brei arăng čŏk hia, hlăm sang mâo knŏng klei djiê.

Klei Čŏk Hia 3:42

“Hmei ngă soh leh anăn bi kdơ̆ng leh, leh anăn Ih amâo pap brei ôh.

Y-Êsêkiêl 5:6

Hŏng klei ƀai ñu bi kdơ̆ng hŏng klei Kâo mtă êgao hĭn kơ phung găp djuê mnuih mkăn, leh anăn bi kdơ̆ng hŏng klei bhiăn Kâo êgao hĭn kơ lu boh čar jŭm dar ñu, êjai hngah klei Kâo mtă leh anăn amâo êbat ôh tui hlue klei bhiăn Kâo.

Y-Êsêkiêl 6:9

Hlăk anăn phung diih tlaih leh srăng hdơr kơ Kâo ti krah phung găp djuê mnuih anôk arăng atăt ba diih jing mnă, tơdah Kâo bi mčah leh ai tiê diñu khăp kơ klei soh lui wir Kâo leh, leh anăn bi bum leh ală diñu khăp tui hlue rup yang diñu; leh anăn diñu srăng bi êmut kơ diñu pô kyua klei jhat diñu ngă leh, kyua jih klei diñu ngă Kâo bi êmut.

Y-Đaniel 9:11

Jih jang phung Israel gao leh klei bhiăn Ih leh anăn lui wir, hngah amâo čiăng gưt asăp Ih ôh. Snăn arăng tuh leh ti dlông hmei klei tăm pah leh anăn klei kat asei čih leh hlăm klei bhiăn Y-Môis dĭng buăl Aê Diê, kyuadah hmei ngă soh leh hŏng Ih.

Y-Đaniel 9:15

Ară anei, Ơ Yêhôwa Aê Diê hmei, Pô atăt ba leh phung ƀuôn sang Ih kbiă mơ̆ng čar Êjip hŏng kngan myang, leh anăn mâo anăn hing ang msĕ si mâo leh truh ti hruê anei, hmei ngă leh klei soh leh anăn klei ƀai.

Y-Đaniel 9:9

Yêhôwa Aê Diê hmei thâo pap leh anăn pap brei, wăt tơdah hmei ngă klei bi kdơ̆ng hŏng Ñu leh.

Y-Ôsê 1:2

Tơdah Yêhôwa blŭ tal êlâo hĭn kơ Y-Ôsê, Yêhôwa lač kơ Y-Ôsê, “Nao bĕ, mă mô̆ kơ ih pô sa čô mniê knhông leh anăn mâo phung anak hŏng klei knhông, kyuadah čar ngă leh klei knhông prŏng êjai lui Yêhôwa.”

Y-Malaki 3:7

Dơ̆ng mơ̆ng ênuk phung aê diih, diih klah đuĕ leh mơ̆ng klei bhiăn Kâo leh anăn amâo djă pioh digơ̆ ôh. Lŏ wĭt bĕ kơ Kâo, leh anăn Kâo srăng lŏ wĭt kơ diih,” Yêhôwa kơ phung kahan lač. “Ƀiădah diih lač, ‘Si klei hmei srăng lŏ wĭt lĕ?’ ”

Hêbrơ 3:12

Ơ phung ayŏng adei, răng bĕ, huĭdah sa čô hlăm phung diih mâo ai tiê jhat amâo đăo ôh, atăt diih lui wir Aê Diê hdĭp.