Y-Đaniel 9:4 - Klei Aê Diê Blŭ 2015

⁴ Kâo wah lač kơ Yêhôwa Aê Diê kâo leh anăn hưn klei soh kâo kơ Ñu, lač, “Ơ Yêhôwa, Aê Diê prŏng leh anăn năng kơ arăng huĭ, Pô djă pioh klei bi mguôp leh anăn klei jăk kơ phung khăp kơ Ñu leh anăn gưt klei Ñu mtă.

Y-Đaniel 9:4 Iomraidhean Croise

I Bruă Mtao 8:23

leh anăn lač, “Ơ Yêhôwa, Aê Diê phung Israel! Amâo mâo ôh Aê Diê mkăn msĕ si Ih hlăm adiê ti dlông amâodah ti lăn ala ti gŭ, djă pioh klei bi mguôp leh anăn bi êdah klei khăp sĭt suôr kơ phung dĭng buăl Ih, phung êbat ti anăp Ih hŏng jih ai tiê diñu;

II Klei Yăl Dliê 7:14

tơdah phung ƀuôn sang Kâo arăng pia hŏng anăn Kâo bi luă gŭ diñu pô, wah lač leh anăn duah ƀô̆ mta Kâo, leh anăn lui êlan soh diñu, hlăk anăn Kâo srăng hmư̆ mơ̆ng adiê, pap brei klei soh diñu, leh anăn bi hlao čar diñu.

Y-Êsra 10:1

Êjai Y-Êsra wah lač leh anăn hưn klei soh, hia leh anăn buôn ti anăp sang yang Aê Diê, mâo lu snăk phung Israel êkei, mniê, leh anăn hđeh bi kƀĭn jŭm dar ñu; phung ƀuôn sang msĕ mơh hia hŏng klei ênguôt snăk.

Y-Nêhêmi 1:5

Kâo lač, “Ơ Yêhôwa, Aê Diê kơ jih adiê, Aê Diê prŏng hĭn leh anăn năng huĭ, Pô djă pioh klei bi mguôp leh anăn klei khăp sĭt suôr kơ phung khăp kơ Ñu leh anăn djă pioh klei Ñu mtă;

Y-Nêhêmi 9:32

Kyua anăn ară anei, Ơ Aê Diê hmei, Pô prŏng, Pô myang, leh anăn Aê Diê năng kơ arăng huĭ, Pô djă pioh klei bi mguôp leh anăn klei khăp sĭt suôr, đăm yap msĕ si klei điêt ôh klei truh leh kơ hmei, kơ phung mtao hmei, kơ phung khua hmei, kơ phung khua ngă yang hmei, kơ phung khua pô hưn êlâo hmei, kơ phung aê hmei, leh anăn kơ jih jang phung ƀuôn sang Ih dơ̆ng mơ̆ng ênuk phung mtao Asiri truh kơ hruê anei.

Klei Mmuñ Hđăp 32:5

Snăn kâo hưn klei soh kâo kơ Ih, kâo amâo mdăp klei wê kâo ôh; kâo lač, “Kâo srăng hưn klei kâo gao klei bhiăn kơ Yêhôwa”; hlăk anăn Ih pap brei klei kâo jing soh. (Sêla)

Klei Kbiă 20:6

ƀiădah mâo klei khăp sĭt suôr kơ lu êbâo ênuk phung khăp kơ Kâo leh anăn gưt klei Kâo mtă.

Y-Yêrêmi 3:13

Knŏng brei ih tŭ klei ih jing soh, klei ih bi kdơ̆ng leh hŏng Yêhôwa Aê Diê ih, leh anăn khăp leh kơ phung tue ti gŭ grăp ana kyâo mtah, leh anăn klei diih amâo gưt asăp kơ Kâo ôh, Yêhôwa lač.

Y-Yêrêmi 32:23

Diñu mŭt mă bha leh čar anăn. Ƀiădah diñu amâo gưt asăp Ih ôh, kăn êbat tui hlue klei bhiăn Ih rei; diñu amâo ngă ôh sa mta hlăm jih jang klei Ih mtă leh kơ diñu. Kyuanăn Ih bi truh leh jih klei jhat anei kơ diñu.

Y-Đaniel 6:10

Tơdah Y-Đaniel thâo mtao čih anăn leh kơ hră anăn, ñu mŭt hlăm sang ñu ƀăng bhă điêt hlăm adŭ tal dlông ñu pŏk jih phă ƀuôn Yêrusalem; leh anăn tlâo blư̆ grăp hruê ñu čuôn kơŭt wah lač leh anăn bi mni kơ Aê Diê ñu msĕ si ñu bhiăn ngă leh.

Y-Đaniel 9:3

Snăn kâo wir ƀô̆ phă Khua Yang Aê Diê čiăng duah Ñu hŏng klei wah lač leh anăn klei kwưh hŏng klei kăm ƀơ̆ng huă leh anăn hơô klŭng ƀui hbâo.

Y-Luk 1:72

čiăng bi sĭt klei pap Ñu ƀuăn leh kơ phung aê drei, leh anăn hdơr klei bi mguôp doh jăk Ñu ngă leh,

Hră Y-Pôl Mơĭt kơ Phung Rôm 8:28

Snăn, drei thâo Aê Diê mjing jih jang klei jing jăk kơ phung khăp kơ Aê Diê, čiăng lač phung Aê Diê iêô leh tui si klei Ñu čuăn.

Klei Mtô Mñă Klei Bhiăn 5:10

ƀiădah bi êdah klei khăp hlăm lu êbâo ênuk kơ phung khăp kơ Kâo leh anăn djă pioh klei Kâo mtă.

Klei Mtô Mñă Klei Bhiăn 7:12

“Tơdah ih mđing knga kơ klei mtă anei, djă pioh leh anăn ngă tui hlue klei anăn, Yêhôwa Aê Diê diih srăng djă pioh hŏng diih klei bi mguôp leh anăn klei pap Ñu kat asei leh čiăng djă pioh kơ phung aê đưm diih.

Klei Mtô Mñă Klei Bhiăn 7:21

Đăm huĭ kơ diñu ôh, kyuadah Yêhôwa Aê Diê diih dôk ti krah diih, Aê Diê prŏng leh anăn mâo klei krưp.

Klei Mtô Mñă Klei Bhiăn 7:9

Kyuanăn brei ih thâo Yêhôwa Aê Diê diih jing Aê Diê, Aê Diê sĭt suôr, Pô djă pioh klei Ñu bi mguôp leh anăn klei pap kơ phung khăp kơ Ñu leh anăn djă pioh klei Ñu mtă, kơ sa êbâo ênuk,

Y-Yakơ 1:12

Jăk mơak yơh kơ mnuih gĭr tŭ klei lông dlăng, kyuadah tơdah ñu dưi leh, ñu srăng mă tŭ đuôn mtao klei hdĭp Aê Diê ƀuăn leh kơ phung khăp kơ ñu.

Y-Yakơ 2:5

Hmư̆ bĕ, Ơ phung ayŏng adei kâo khăp. Amâo djŏ hĕ Aê Diê tuôm ruah leh phung ƀun ƀin hlăm lăn ala brei jing mdrŏng hlăm klei đăo, leh anăn jing phung dưn ƀuôn ala mtao Ñu ƀuăn leh kơ phung khăp kơ Ñu?