Y-Đaniel 9:3 - Klei Aê Diê Blŭ 2015

³ Snăn kâo wir ƀô̆ phă Khua Yang Aê Diê čiăng duah Ñu hŏng klei wah lač leh anăn klei kwưh hŏng klei kăm ƀơ̆ng huă leh anăn hơô klŭng ƀui hbâo.

Y-Đaniel 9:3 Iomraidhean Croise

II Y-Samuel 12:16

Snăn Y-Đawit wah lač kơ Aê Diê kyua anak anăn, leh anăn kăm ƀơ̆ng huă, mŭt hlăm sang leh anăn đih jih mlam ti lăn.

Y-Êsra 10:6

Leh anăn Y-Êsra đuĕ mơ̆ng ti anăp sang yang Aê Diê, nao kơ adŭ Y-Jôhanan anak êkei Y-Êliasip, tinăn ñu đăm mlam, ñu amâo ƀơ̆ng kpŭng, kăn mnăm êa rei; kyuadah ñu kơŭ kyăm kyua klei phung mnă wĭt leh amâo dôk sĭt suôr ôh.

Y-Êsra 8:21

Kâo mtă sa klei kăm ƀơ̆ng huă tinăn ti êa krông Ahawa, čiăng hmei dưi bi luă gŭ hmei pô ti anăp Aê Diê hmei, čiăng duah mơ̆ng Ñu klei hiu êđăp ênang kơ phung anak hmei leh anăn kơ jih jang mnơ̆ng hmei mâo.

Y-Êsra 9:5

Ti mông myơr mnơ̆ng ngă yang tlam kâo kgŭ mơ̆ng klei kăm ƀơ̆ng huă, hŏng čhiăm ao leh anăn ao jhung kơhiêk leh, leh anăn kâo čuôn kơŭt leh anăn mblang kngan kâo kơ Yêhôwa Aê Diê kâo

Y-Nêhêmi 9:1

Ti hruê dua pluh pă mlan anăn phung ƀuôn sang Israel dôk bi kƀĭn hŏng klei kăm ƀơ̆ng huă, hơô klŭng, leh anăn ƀui lăn ti boh kŏ diñu.

H'Êsther 4:16

“Nao bĕ, bi kƀĭn jih jang phung Yuđa dôk hlăm ƀuôn Susa, kăm ƀơ̆ng huă kyua kâo, leh anăn đăm ƀơ̆ng huă kăn mnăm rei êjai tlâo hruê, hruê amâodah mlam. Msĕ mơh kâo leh anăn phung dĭng buăl mniê kâo srăng kăm ƀơ̆ng huă msĕ si diih. Leh anăn kơh kâo srăng nao kơ mtao, wăt tơdah gao klei bhiăn dưn; leh anăn tơdah kâo djiê, kâo djiê yơh.”

Y-Yôp 42:6

snăn yơh kâo bi êmut kơ kâo pô, leh anăn kmhal kơ klei soh êjai dôk gŭ hlăm bruih lăn leh anăn hbâo.”

Klei Mmuñ Hđăp 35:13

Ƀiădah kâo, tơdah diñu ruă duam, kâo hơô klŭng, kâo bi knap kâo pô hŏng klei kăm ƀơ̆ng huă. Kâo wah lač sĭt êmĭt kơ diñu,

Y-Êsai 22:12

Hlăm hruê anăn Khua Yang Yêhôwa kơ phung kahan iêô diih kơ klei hia, kơ klei kơŭ kyăm, kơ klei kuêh kŏ, leh anăn kơ klei hơô klŭng.

Y-Yêrêmi 33:3

‘Iêô wah lač bĕ kơ Kâo, leh anăn Kâo srăng lŏ wĭt lač kơ ih, leh anăn srăng hưn kơ ih mnơ̆ng prŏng leh anăn hgăm, mnơ̆ng ih amâo tuôm thâo ôh.’

Y-Êsêkiêl 36:37

Snei Yêhôwa Aê Diê lač: ‘Klei anei msĕ mơh Kâo srăng brei sang Israel akâo kơ Kâo ngă brei kơ diñu; bi lar phung êkei diñu msĕ si sa êpul biăp.

Y-Đaniel 6:10

Tơdah Y-Đaniel thâo mtao čih anăn leh kơ hră anăn, ñu mŭt hlăm sang ñu ƀăng bhă điêt hlăm adŭ tal dlông ñu pŏk jih phă ƀuôn Yêrusalem; leh anăn tlâo blư̆ grăp hruê ñu čuôn kơŭt wah lač leh anăn bi mni kơ Aê Diê ñu msĕ si ñu bhiăn ngă leh.

Y-Đaniel 9:2

thŭn tal sa ñu kiă kriê anăn, kâo gơ̆ Y-Đaniel thâo săng tui si hdruôm hră klei Yêhôwa blŭ leh kơ khua pô hưn êlâo Y-Yêrêmi, srăng mâo kjuh pluh thŭn tơl bi jih leh klei ƀuôn Yêrusalem dôk ênguôl.

Y-Đaniel 9:20

Êjai kâo blŭ, wah lač, leh anăn hưn klei soh kâo leh anăn klei soh phung ƀuôn sang kâo phung Israel, leh anăn bi êdah klei kâo kwưh kơ Yêhôwa Aê Diê kâo kyua čư̆ doh jăk Aê Diê kâo;

Y-Đaniel 9:4

Kâo wah lač kơ Yêhôwa Aê Diê kâo leh anăn hưn klei soh kâo kơ Ñu, lač, “Ơ Yêhôwa, Aê Diê prŏng leh anăn năng kơ arăng huĭ, Pô djă pioh klei bi mguôp leh anăn klei jăk kơ phung khăp kơ Ñu leh anăn gưt klei Ñu mtă.

Y-Yôel 1:13

Ơ phung khua ngă yang, hơô klŭng leh anăn čŏk hia bĕ, čŏk hia bĕ, Ơ phung mă bruă ti knưl. Mŭt bĕ, hơô klŭng êjai mlam, Ơ phung mă bruă kơ Aê Diê kâo! Kyuadah amâo lŏ mâo ôh mnơ̆ng myơr kpŭng ƀhĭ leh anăn mnơ̆ng myơr mnăm kơ sang Aê Diê diih.

Y-Yôel 2:12

“Ƀiădah wăt ară anei,” Yêhôwa lač, “Lŏ wĭt bĕ kơ Kâo hŏng jih ai tiê diih, hŏng klei kăm ƀơ̆ng huă, hŏng klei hia, leh anăn klei kơŭ kyăm.

Y-Yôna 3:5

Phung mnuih ƀuôn sang Niniwơ đăo kơ Aê Diê, diñu mkŏ mjing sa klei kăm ƀơ̆ng huă, leh anăn hơô klŭng, mơ̆ng phung prŏng hĭn truh kơ phung điêt hĭn hlăm diñu.

Y-Mathiơ 17:21

Ƀiădah mta yang jhat anei dưi kbiă knŏng hŏng klei wah lač leh anăn hŏng klei kăm ƀơ̆ng huă.]”

Y-Luk 2:37

leh anăn jing mniê djiê ung tơl ară anei ñu mâo sa păn pluh pă thŭn. Ñu amâo kbiă mơ̆ng Sang Kkuh Mpŭ ôh, kyuadah hruê mlam ñu kkuh mpŭ kơ Aê Diê hŏng klei kăm ƀơ̆ng huă leh anăn klei wah lač.

Bruă Phung Khua Ƀĭng Kna 10:30

Y-Kornei lač, “Êgao leh pă hruê, hlăm brô mông anei, kâo pioh mông wah lač ti tlâo mông tlam hlăm sang kâo; leh anăn bhiâo riâo rit, sa čô êkei hơô ao mngač snăk dôk ti anăp kâo,