Y-Đaniel 9:2 - Klei Aê Diê Blŭ 2015

² thŭn tal sa ñu kiă kriê anăn, kâo gơ̆ Y-Đaniel thâo săng tui si hdruôm hră klei Yêhôwa blŭ leh kơ khua pô hưn êlâo Y-Yêrêmi, srăng mâo kjuh pluh thŭn tơl bi jih leh klei ƀuôn Yêrusalem dôk ênguôl.

Y-Đaniel 9:2 Iomraidhean Croise

II Klei Yăl Dliê 36:21

čiăng bi sĭt klei Yêhôwa blŭ leh hŏng ƀăng êgei Y-Yêrêmi, tơl čar mdei jih hruê sabat Aê Diê bi kčah leh. Jih jang hruê ñu dôk jing ênguôl ñu mdei hruê sabat, čiăng bi ruê̆ kjuh pluh thŭn.

Y-Êsra 1:1

Hlăm thŭn tal sa Y-Sirus mtao Persơ čiăng bi sĭt klei Yêhôwa blŭ hŏng ƀăng êgei Y-Yêrêmi, Yêhôwa mtrŭt ai tiê Y-Sirus mtao Persơ. Snăn ñu ngă sa klei mtă tar ƀar ƀuôn ala mtao ñu, leh anăn čih klei anăn hlăm hră msĕ snei:

Klei Mmuñ Hđăp 119:24

Klei Ih hưn jing klei hơ̆k mơak kơ kâo, jing phung kčĕ kơ kâo.

Y-Êsai 64:10

Jih jang ƀuôn doh jăk Ih jing hĕ kdrăn tač, wăt čư̆ Siôn mơh jing hĕ kdrăn tač, ƀuôn Yêrusalem jing ênguôl.

Y-Yêrêmi 1:1

Klei Y-Yêrêmi anak êkei Y-Hilkia blŭ. Ñu jing sa čô hlăm phung khua ngă yang dôk ti ƀuôn Anathôt hlăm čar Benjamin.

Y-Yêrêmi 25:18

ƀuôn Yêrusalem leh anăn jih jang ƀuôn čar Yuđa, phung mtao leh anăn phung khua ñu, brei digơ̆ jing ênguôl leh anăn êhŏng, sa mnơ̆ng arăng djă djik djak leh anăn klei tăm pah msĕ si truh leh hruê anei;

Y-Yêrêmi 26:18

“Y-Mika ƀuôn Môrêset hưn êlâo leh hlăm ênuk Y-Hêsêkia mtao Yuđa, leh anăn lač kơ jih jang phung ƀuôn sang čar Yuđa, ‘Snei klei Yêhôwa kơ phung kahan lač, “Arăng srăng kai ƀuôn Siôn msĕ si sa boh hma; ƀuôn Yêrusalem srăng jing sa kăm mnơ̆ng rai, leh anăn čư̆ sang yang srăng jing čư̆ kmrơ̆ng.” ’

Y-Yêrêmi 26:6

snăn Kâo srăng ngă kơ sang anei msĕ si Kâo ngă leh kơ ƀuôn Silô, leh anăn Kâo srăng yua anăn ƀuôn anei jing sa klei tăm pah kơ jih jang găp djuê mnuih ti lăn ala.’ ”

Y-Yêrêmi 27:7

Jih jang găp djuê mnuih srăng mă bruă kơ ñu leh anăn kơ anak êkei ñu leh anăn kơ čô ñu, tơl ênuk knhal tuč truh kơ čar ñu; hlăk anăn lu găp djuê mnuih leh anăn phung mtao prŏng srăng mjing ñu hlŭn kơ digơ̆.

Y-Yêrêmi 29:10

Kyuadah snei Yêhôwa lač: “Tơdah tloh leh kjuh pluh thŭn pioh kơ phung Ƀaƀilôn kiă kriê, Kâo srăng hriê čhưn kơ diih, leh anăn Kâo srăng bi sĭt klei Kâo ƀuăn leh kơ diih, leh anăn srăng lŏ atăt ba diih wĭt kơ anôk anei.

Y-Yêrêmi 7:34

Leh anăn Kâo srăng bi mdei hĕ asăp klei hơ̆k mơak, asăp êkei dơ̆ng dôk mô̆ leh anăn asăp mniê dơ̆ng dôk ung hlăm jih jang boh ƀuôn čar Yuđa leh anăn hlăm jih êlan prŏng ƀuôn Yêrusalem, kyuadah čar srăng jing anôk ênguôl.”

Klei Čŏk Hia 1:1

Hƀơih, ƀuôn anei, hlăk êlâo bŏ hŏng mnuih ƀuôn sang, ară anei dôk hjăn! Hƀơih, hlăk êlâo ñu jing leh prŏng ti krah phung găp djuê mnuih! ară anei ñu jing leh msĕ si sa čô mniê djiê ung, Jing leh mtao mniê ti krah lu boh čar, ară anei jing hĕ sa čô hlŭn.

Y-Êsêkiêl 29:11

Amâo srăng mâo mnuih găn tinăn ôh, kăn srăng mâo hlô mnơ̆ng găn tinăn rei; čar srăng jing ênguôl êjai pă pluh thŭn.

Y-Đaniel 9:3

Snăn kâo wir ƀô̆ phă Khua Yang Aê Diê čiăng duah Ñu hŏng klei wah lač leh anăn klei kwưh hŏng klei kăm ƀơ̆ng huă leh anăn hơô klŭng ƀui hbâo.

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Sakari 1:12

Leh anăn dĭng buăl jăk Yêhôwa lač, “Ơ Yêhôwa kơ phung kahan, dŭm boh sui Ih amâo srăng lŏ pap ôh kơ ƀuôn Yêrusalem leh anăn jih jang ƀuôn prŏng čar Yuđa, kơ diñu Ih ngêñ leh êjai kjuh pluh thŭn anei?”

Y-Sakari 7:5

“Êmuh bĕ kơ jih jang phung ƀuôn sang hlăm čar leh anăn kơ phung khua ngă yang, ‘Tơdah diih kăm ƀơ̆ng huă leh anăn kơŭ kyăm hlăm mlan êma leh anăn mlan kjuh êjai kjuh pluh thŭn anei, djŏ mơ̆ kyua Kâo diih kăm ƀơ̆ng huă anăn?

Y-Mathiơ 24:15

“Tơdah diih ƀuh klei bi êmut kheh mdơ̆ng leh hlăm anôk doh jăk tui si khua pô hưn êlâo Y-Đaniel hưn leh (brei pô dlăng hră anei thâo săng),

Y-Markôs 13:14

“Ƀiădah tơdah diih ƀuh klei bi êmut kheh mdơ̆ng ti anôk amâo dưi ngă ôh, (brei pô dlăng hră anei thâo săng) hlăk anăn brei phung dôk hlăm čar Yuđa đuĕ phă čư̆.

Bruă Phung Khua Ƀĭng Kna 8:34

Dĭng ktang kriâo anăn lač kơ Y-Philip, “Kâo êmuh kơ ih, kơ hlei pô khua pô hưn êlâo lač klei anăn, kơ ñu pô mơ̆, amâodah kơ sa čô mkăn?”

I Y-Timôthê 4:13

Tơl kâo truh, brei ih gĭr dlăng Klei Aê Diê Blŭ kơ phung bi kƀĭn, mtô, leh anăn gĭr bi hriăm.

Klei Bi Êdah 1:3

Jăk mơak yơh hlei pô dôk dlăng kraih klei blŭ hlăm klei hưn êlâo anei leh anăn jăk mơak yơh hlei phung dôk hmư̆ leh anăn djă pioh klei čih leh tinei; kyuadah mông giăm truh leh.