Biblia Todo Logo
Bìoball air-loidhne

- Sanasan -




Y-Đaniel 9:16 - Klei Aê Diê Blŭ 2015

16 Ơ Yêhôwa, tui si jih bruă kpă ênô Ih, kâo kwưh kơ Ih, brei Ih ñăk hĕ klei Ih ăl leh anăn klei Ih ngêñ mơ̆ng ƀuôn Ih, ƀuôn Yêrusalem, čư̆ doh jăk Ih; kyuadah klei soh hmei leh anăn klei wê phung aê hmei, jih jang phung dôk jŭm dar hmei djă djik djak kơ ƀuôn Yêrusalem leh anăn phung ƀuôn sang Ih.

Faic an caibideil Dèan lethbhreac




Y-Đaniel 9:16
33 Iomraidhean Croise  

leh anăn Ih ƀuh leh ai tiê ñu dôk sĭt suôr ti anăp Ih, leh anăn ngă leh klei bi mguôp hŏng ñu čiăng brei kơ phung anak čô ñu čar phung Kanaan, phung Hitit, phung Amôrit, phung Pêrisit, phung Jêbusit, leh anăn phung Girgasit; leh anăn Ih bi sĭt leh klei ih ƀuăn, kyuadah Ih jing kpă ênô.


Ơ Yêhôwa, hmư̆ bĕ klei kâo wah lač, hlăm klei kpă ênô Ih mđing bĕ knga kơ klei kâo kwưh. Lŏ wĭt lač kơ kâo hlăm klei sĭt suôr Ih.


Ơ Yêhôwa, hlăm Ih yơh kâo đuĕ dăp; đăm brei arăng tuôm bi hêñ kâo ôh; bi mtlaih kâo hlăm klei kpă ênô Ih.


Mpŭ mni kơ Yêhôwa, Aê Diê phung Israel, mơ̆ng ênuk hlŏng lar kơ ênuk hlŏng lar. Amen leh anăn Amen.


Hlăm klei kpă ênô Ih, bi mtlaih kâo leh anăn bi êngiê kâo; mđing knga kơ kâo, leh anăn bi mtlaih kâo.


Hmei jing mnơ̆ng phung riêng gah hmei bi êmut, mnơ̆ng phung dôk jŭm hmei mưč leh anăn djă djik djak.


Bi kơrŭ hmei bĕ, Ơ Aê Diê pô bi mtlaih hmei, brei Ih lui hĕ klei Ih čôñ kơ hmei.


klei phung roh Ih mưč, Ơ Yêhôwa, klei diñu mưč kơ knhuang êbat pô Ih trôč leh êa ƀâo mngưi.


Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;


Kyuanăn klei Yêhôwa ngêñ trơ̆ng hŏng phung ƀuôn sang Ñu; Ñu yơr leh kngan bi kdơ̆ng hŏng diñu leh anăn čăm diñu. Čư̆ ktư̆ mgei leh anăn asei mlei djiê diñu jing msĕ si djah ti krah êlan. Wăt jih klei anăn dưn, ăt klei Ñu ngêñ ka hlao ôh, kngan Ñu ăt dôk yơr ngă nanao.


Kâo srăng mjing diñu klei bi huĭ kơ jih jang ƀuôn ala mtao ti lăn ala, brei jing sa klei hêñ, klei arăng djă djik djak, klei mưč, leh anăn klei tăm pah hlăm jih jang anôk Kâo srăng suôt diñu.


Kâo srăng tiŏ diñu hŏng đao gưm, klei ư̆ êpa, leh anăn klei ruă tưp, leh anăn Kâo srăng mjing diñu sa mnơ̆ng bi huĭ kơ jih jang phung ƀuôn ala mtao ti lăn ala, brei diñu jing sa mnơ̆ng arăng tăm pah, sa mnơ̆ng bi krưp, sa mnơ̆ng arăng djă djik djak, leh anăn klei arăng ƀuah ti krah jih jang găp djuê mnuih Kâo suôt diñu leh,


Ƀuôn anei bi mđĭ klei Kâo ăl leh anăn ngêñ dơ̆ng mơ̆ng hruê arăng mdơ̆ng gơ̆ truh kơ hruê anei, snăn Kâo srăng bi rai gơ̆ mơ̆ng anăp ală Kâo.


Kyuadah jih jang klei jhat phung anak Israel leh anăn phung anak Yuđa ngă leh čiăng mčhur ai brei Kâo ngêñ — phung mtao diñu, phung khua diñu, phung khua ngă yang diñu, leh anăn phung khua pô hưn êlâo diñu, phung êkei Yuđa leh anăn phung dôk ti ƀuôn Yêrusalem.


Ih jing soh leh hŏng klei ih tuh êrah, leh anăn bi čhŏ ih pô hŏng rup yang ih ngă leh; leh anăn bi truh leh hruê arăng phat kđi ih, knhal tuč ênuk bi kčah kơ ih truh leh. Kyuanăn Kâo brei ih jing mnơ̆ng bi hêñ kơ phung găp djuê mnuih, leh anăn mnơ̆ng jih jang čar djă djik djak.


Êbeh kơ klei anăn Kâo srăng mjing ih anôk ênguôl, sa mnơ̆ng arăng djă djik djak ti krah phung găp djuê mnuih jŭm dar ih leh anăn ti anăp ală jih jang phung găn giăm ih.


Leh anăn ñu srăng mdơ̆ng sang čhiăm sang mtao ñu ti plah wah dua boh êa ksĭ ti čư̆ doh jăk guh kơang; ƀiădah ăt ñu srăng djiê, amâo mâo pô đru ñu ôh.”


Êjai kâo blŭ, wah lač, leh anăn hưn klei soh kâo leh anăn klei soh phung ƀuôn sang kâo phung Israel, leh anăn bi êdah klei kâo kwưh kơ Yêhôwa Aê Diê kâo kyua čư̆ doh jăk Aê Diê kâo;


“Hlăk anăn diih srăng thâo Kâo jing Yêhôwa Aê Diê diih, Pô dôk ti Siôn, čư̆ doh jăk Kâo. Ƀuôn Yêrusalem srăng jing doh jăk, leh anăn phung tue amâo srăng lŏ mŭt dôk tinăn ôh.


Snei Yêhôwa lač: “Kâo srăng lŏ wĭt kơ ƀuôn Siôn leh anăn dôk hlăm ƀuôn Yêrusalem. Hlăk anăn arăng srăng pia ƀuôn Yêrusalem Ƀuôn Klei Sĭt Nik, leh anăn čư̆ Yêhôwa kơ phung kahan arăng srăng pia Čư̆ Doh Jăk.”


Kyuadah sĭt nik Aê Diê mĭn jing djŏ bi wĭt klei knap mñai kơ phung bi knap diih,


Tơdah drei hưn klei soh drei, Ñu jing sĭt suôr leh anăn kpă, srăng pap brei klei soh drei leh anăn bi doh hĕ drei mơ̆ng jih jang klei wê.


Yêhôwa bi ƀun leh anăn bi mdrŏng; Ñu bi luă gŭ arăng leh anăn Ñu bi mđĭ arăng msĕ mơh.


Lean sinn:

Sanasan


Sanasan