Y-Đaniel 9:12 - Klei Aê Diê Blŭ 2015

¹² Ñu bi sĭt leh klei Ñu blŭ bi kdơ̆ng hŏng hmei leh anăn hŏng phung khua hmei, hŏng klei Ñu bi truh kơ hmei klei knap mñai prŏng; kyuadah amâo tuôm mâo ôh ti gŭ adiê msĕ si klei truh leh kơ ƀuôn Yêrusalem.

Y-Đaniel 9:12 Iomraidhean Croise

I Bruă Mtao 3:9

Snăn brei bĕ kơ dĭng buăl Ih ai tiê thâo mĭn čiăng phat mkra kđi phung ƀuôn sang Ih, čiăng kơ kâo dưi thâo ksiêm klei jăk hŏng klei jhat; kyuadah hlei pô dưi phat mkra kđi phung ƀuôn sang Ih êngŭm anei?”

II Bruă Mtao 22:16

Snei klei Yêhôwa lač, Nĕ anei Kâo srăng bi truh klei jhat kơ anôk anei leh anăn kơ phung ƀuôn sang ñu, jih jang klei blŭ hlăm hdruôm hră mtao Yuđa dlăng anăn.

Y-Yôp 12:17

Ñu brei phung kčĕ ngă jing mluk, leh anăn brei phung khua phat kđi jing hĕ khŏ.

Klei Mmuñ Hđăp 148:11

phung mtao lăn ala leh anăn jih jang phung ƀuôn sang, phung khua kiă kriê leh anăn jih jang khua phat kđi ti lăn ala,

Klei Mmuñ Hđăp 2:10

Snăn yơh, Ơ phung mtao, brei diih mâo klei thâo mĭn; Ơ phung khua kiă kriê lăn ala, mă tŭ bĕ klei mtô lač.

Klei Bi Hriêng 8:16

Hŏng kâo, phung khua thâo kiă kriê, leh anăn phung khua prŏng gĭt gai lăn ala.

Y-Êsai 43:28

Kyuanăn Kâo srăng bi hêñ phung khua adŭ doh jăk, Kâo jao phung Yakôp kơ klei bi rai, leh anăn phung Israel kơ klei arăng dlao wač.”

Y-Êsai 44:26

Pô bi sĭt klei dĭng buăl Ñu blŭ, leh anăn bi truh ya klei phung Ñu tiŏ nao hưn; Pô lač kơ ƀuôn Yêrusalem, ‘Arăng srăng dôk hlăm ñu,’ leh anăn kơ jih jang ƀuôn čar Yuđa, ‘Arăng srăng lŏ mdơ̆ng diñu, leh anăn Kâo srăng rŭ mdơ̆ng djah diñu rai leh;’

Y-Yêrêmi 30:7

Hƀơih, hruê anăn jing jŭ jhat snăk! Amâo mâo hruê mkăn msĕ si hruê anăn ôh; jing ênuk klei knap mñai truh kơ phung Yakôp, ƀiădah ñu srăng tlaih mơ̆ng klei anăn.

Y-Yêrêmi 32:23

Diñu mŭt mă bha leh čar anăn. Ƀiădah diñu amâo gưt asăp Ih ôh, kăn êbat tui hlue klei bhiăn Ih rei; diñu amâo ngă ôh sa mta hlăm jih jang klei Ih mtă leh kơ diñu. Kyuanăn Ih bi truh leh jih klei jhat anei kơ diñu.

Y-Yêrêmi 39:16

“Nao lač bĕ kơ Y-Êbet-Mêlek sa čô Êthiôpi, ‘Snei Yêhôwa kơ phung kahan, Aê Diê Israel lač, Nĕ anei, Kâo srăng bi truh klei Kâo blŭ leh bi kdơ̆ng hŏng ƀuôn anei jing klei jhat amâo djŏ klei jăk ôh; leh anăn klei anăn srăng bi sĭt ti anăp ală ih ti hruê anăn.

Y-Yêrêmi 44:23

Kyuadah diih čuh leh mnơ̆ng ƀâo mngưi, leh anăn kyuadah diih ngă soh leh hŏng Yêhôwa, amâo gưt asăp kơ Yêhôwa amâo êbat ôh hlăm klei bhiăn Ñu leh anăn klei Ñu mtă leh anăn klei Ñu hưn, snăn klei jŭ jhat anei truh leh kơ diih, msĕ si mâo hruê anei.”

Klei Čŏk Hia 1:12

Diih amâo uêñ ôh hĕ, Ơ jih jang phung diih găn tinei? Ksiêm dlăng bĕ thâodah mâo klei ênguôt hnĭng msĕ si klei ênguôt hnĭng kâo, klei arăng ngă leh kơ kâo. Klei knap anăn Yêhôwa bi truh kơ kâo êjai hruê Ñu ngêñ hlơr.

Klei Čŏk Hia 2:13

Ya kâo dưi lač kơ ih? Hŏng kâo dưi bi msĕ ih, Ơ anak mniê ƀuôn Yêrusalem? Hŏng kâo dưi bi msĕ ih, tơl kâo dưi bi juh ih, Ơ anak mniê êra hrông ƀuôn Siôn? Kyuadah klei bi rai ih jing prŏng msĕ si êa ksĭ, hlei pô dưi bi hlao ih?

Klei Čŏk Hia 2:17

Yêhôwa bi sĭt leh klei Ñu čuăn ngă, bi truh leh klei Ñu arưp aram, tui si Ñu mtă leh mơ̆ng sui; Ñu mdlưh ih leh amâo mâo klei pap ôh, Ñu brei leh phung roh hơ̆k mơak kyua ih, leh anăn bi mđĭ klei ktang phung roh ih.

Klei Čŏk Hia 4:6

Klei bi kmhal anak mniê phung ƀuôn sang kâo jing kjham hĭn kơ klei bi kmhal ƀuôn Sôdôm, ƀuôn anăn arăng mdlưh bhiâo riâo rit, amâo mâo kngan mnuih đru ñu ôh.

Y-Êsêkiêl 13:6

Klei diñu bi ƀuh amâo sĭt ôh leh anăn ngă leh klei mdian luar; diñu lač, “Yêhôwa lač,” wăt tơdah Yêhôwa amâo tuôm tiŏ nao diñu dưn; ƀiădah ăt diñu mĭn Yêhôwa srăng bi truh mơh klei diñu blŭ.

Y-Êsêkiêl 5:9

Leh anăn kyua jih jang klei Kâo bi êmut kheh ih ngă leh, Kâo srăng ngă kơ ih klei Kâo amâo tuôm ngă ôh, leh anăn klei msĕ snăn kăn Kâo srăng lŏ ngă rei êdei.

Y-Đaniel 12:1

“Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Y-Yôel 2:2

hruê klei mmăt leh anăn klei ênguôt, hruê mâo knam lu leh anăn klei mmăt kpal! Msĕ si ang dar găn čư̆, mâo sa phung găp djuê mnuih prŏng leh anăn ktang guôm čư̆; mơ̆ng đưm đă ka tuôm mâo ôh klei msĕ si snăn, kăn srăng lŏ mâo rei êdei kơ anăn hlăm jih jang ênuk.

Y-Amôs 3:2

“Knŏng hjăn diih yơh Kâo thâo kral leh hlăm jih jang phung găp djuê mnuih ti lăn ala; kyuanăn Kâo srăng bi kmhal diih kyua jih jang klei wê diih.”

Y-Sakari 1:6

Ƀiădah klei Kâo blŭ leh anăn klei bhiăn Kâo mtă leh kơ phung dĭng buăl Kâo phung khua pô hưn êlâo, amâo djŏ hĕ klei anăn truh sĭt leh kơ phung aê diih? Snăn diñu kmhal kơ klei soh leh anăn lač, ‘Tui si Yêhôwa kơ phung kahan čuăn mĭn leh ngă kơ drei kyua êlan drei leh anăn bruă drei ngă, msĕ snăn mơh ñu ngă leh hŏng drei.’ ”

Y-Sakari 1:8

Kâo ƀuh êjai mlam, nĕ anei mâo sa čô êkei đĭ sa drei aseh hrah! Ñu dôk dơ̆ng ti krah ana kyâo mirtơ hlăm tlung; ti tluôn ñu mâo aseh hrah, kñĭ, leh anăn kô̆.

Y-Sakari 7:12

Diñu bi khăng hĕ ai tiê diñu msĕ si boh tâo, huĭdah diñu srăng hmư̆ klei bhiăn leh anăn klei blŭ mơ̆ng Yêhôwa kơ phung kahan ñu mơĭt leh hŏng Mngăt Myang Ñu hŏng phung khua pô hưn êlâo mphŭn dô. Kyuanăn Yêhôwa kơ phung kahan mâo klei ngêñ prŏng.

Y-Mathiơ 24:21

Kyuadah hlăk anăn srăng mâo klei knap mñai prŏng, klei msĕ snăn ka tuôm mâo ôh mơ̆ng mphŭn hrih lăn ala truh kơ hruê anei, leh anăn mơ̆ng anăn kơ anăp kăn srăng lŏ mâo rei.

Y-Mathiơ 5:18

Kyuadah sĭt nik Kâo lač kơ diih, tơl adiê leh anăn lăn ala êgao tuč, amâo srăng luč sa boh hră amâodah sa klei điêt hĭn hlăm klei bhiăn ôh, tơl jih jang klei anăn srăng bi sĭt.

Y-Markôs 13:19

Kyuadah hlăm ênuk anăn srăng mâo klei knap mñai amâo tuôm mâo ôh msĕ snăn mơ̆ng ênuk Aê Diê hrih jih jang mnơ̆ng hlŏng kơ hruê anei, kăn srăng lŏ tuôm mâo rei.

Y-Luk 21:22

Kyuadah hlăk anăn jing hruê klei rŭ ênua, čiăng bi sĭt jih klei arăng čih leh.

Hră Y-Pôl Mơĭt kơ Phung Rôm 15:8

Kyuadah kâo hưn kơ diih klei Krist jing leh dĭng buăl kơ phung khăt klĭt kyua klei sĭt nik Aê Diê, čiăng bi sĭt klei Ñu ƀuăn leh kơ phung aê phŭn drei,