Y-Đaniel 9:11 - Klei Aê Diê Blŭ 2015

¹¹ Jih jang phung Israel gao leh klei bhiăn Ih leh anăn lui wir, hngah amâo čiăng gưt asăp Ih ôh. Snăn arăng tuh leh ti dlông hmei klei tăm pah leh anăn klei kat asei čih leh hlăm klei bhiăn Y-Môis dĭng buăl Aê Diê, kyuadah hmei ngă soh leh hŏng Ih.

Y-Đaniel 9:11 Iomraidhean Croise

II Bruă Mtao 18:12

kyuadah diñu amâo gưt asăp Yêhôwa Aê Diê diñu ôh, ƀiădah gao klei Gơ̆ bi mguôp, si tô hmô jih jang klei Y-Môis dĭng buăl Yêhôwa mtă leh. Diñu amâo čiăng hmư̆, kăn gưt rei.

II Bruă Mtao 22:16

Snei klei Yêhôwa lač, Nĕ anei Kâo srăng bi truh klei jhat kơ anôk anei leh anăn kơ phung ƀuôn sang ñu, jih jang klei blŭ hlăm hdruôm hră mtao Yuđa dlăng anăn.

Y-Êsai 1:3

Êmô thâo kral pô ñu, aseh dliê thâo kral hip rơ̆k khua ñu, ƀiădah phung Israel amâo thâo kral ôh, phung ƀuôn sang Kâo amâo thâo săng ôh.”

Y-Êsai 43:28

Kyuanăn Kâo srăng bi hêñ phung khua adŭ doh jăk, Kâo jao phung Yakôp kơ klei bi rai, leh anăn phung Israel kơ klei arăng dlao wač.”

Y-Yêrêmi 16:11

snăn brei ih lač kơ diñu: ‘Kyuadah phung aê diih lui leh Kâo, Yêhôwa lač, leh anăn tui hlue leh phung yang mkăn, mă bruă leh anăn kkuh mpŭ leh kơ digơ̆, leh anăn lui wir Kâo leh anăn amâo djă pioh ôh klei bhiăn Kâo,

Y-Yêrêmi 2:29

Si ngă diih blŭ dŭñ dŭñ kơ Kâo? Jih jang diih bi kdơ̆ng leh hŏng Kâo,” Yêhôwa lač.

Y-Yêrêmi 30:14

Jih jang phung ih khăp wơr bĭt leh ih, diñu amâo uêñ kơ ih ôh. Kyuadah Kâo ngă kơ ih leh msĕ si sa čô roh, klei bi kmhal mơ̆ng sa čô roh amâo thâo pap ôh, kyuadah klei ih soh leh jing prŏng, kyuadah klei soh ih jing kjham.

Y-Yêrêmi 32:23

Diñu mŭt mă bha leh čar anăn. Ƀiădah diñu amâo gưt asăp Ih ôh, kăn êbat tui hlue klei bhiăn Ih rei; diñu amâo ngă ôh sa mta hlăm jih jang klei Ih mtă leh kơ diñu. Kyuanăn Ih bi truh leh jih klei jhat anei kơ diñu.

Y-Yêrêmi 40:3

Yêhôwa bi truh klei anăn, leh anăn ngă leh tui si klei Ñu lač. Kyuadah diih soh leh hŏng Yêhôwa leh anăn amâo gưt asăp Ñu ôh, snăn klei anei truh leh kơ diih.

Y-Yêrêmi 44:22

Yêhôwa amâo lŏ dưi gĭr ôh kơ klei jhat leh anăn klei Ñu bi êmut kheh diih ngă leh; kyuanăn čar diih jing leh ênguôl, anôk êhŏng, leh anăn anôk arăng tăm pah, amâo mâo mnuih dôk ôh, msĕ si truh leh hruê anei.

Y-Yêrêmi 44:23

Kyuadah diih čuh leh mnơ̆ng ƀâo mngưi, leh anăn kyuadah diih ngă soh leh hŏng Yêhôwa, amâo gưt asăp kơ Yêhôwa amâo êbat ôh hlăm klei bhiăn Ñu leh anăn klei Ñu mtă leh anăn klei Ñu hưn, snăn klei jŭ jhat anei truh leh kơ diih, msĕ si mâo hruê anei.”

Y-Yêrêmi 6:19

Hmư̆ bĕ, Ơ lăn ala! Nĕ anei, Kâo ba klei jhat truh kơ phung ƀuôn sang anei, jing boh kơ klei diñu ngă leh, kyuadah diñu amâo mđing knga ôh kơ klei Kâo blŭ, leh anăn diñu hngah leh klei bhiăn Kâo.

Y-Yêrêmi 9:26

phung Êjip, phung Yuđa, phung Êđôm, phung anak čô Y-Amôn, phung Môap, leh anăn jih jang phung dôk hlăm kdrăn tač phung kăp bi đŭt ƀŭk diñu. Kyuadah jih jang phung găp djuê mnuih anăn amâo mâo klei khăt klĭt ôh, leh anăn jih jang sang Israel amâo mâo klei khăt klĭt hlăm ai tiê ôh.”

Y-Đaniel 9:13

Tui si čih leh hlăm klei bhiăn Y-Môis, jih klei jhat anei truh leh kơ hmei, ƀiădah ăt hmei amâo kwưh ôh klei pap mơ̆ng Yêhôwa Aê Diê hmei, kăn hmei lui klei wê leh anăn gưt klei sĭt nik Ih rei.

Y-Đaniel 9:5

Hmei ngă soh leh, hmei ngă klei wê, hmei ngă ƀai leh anăn bi kdơ̆ng, hmei lui leh klei Ih čih leh anăn klei Ih mtă.

Y-Sakari 1:6

Ƀiădah klei Kâo blŭ leh anăn klei bhiăn Kâo mtă leh kơ phung dĭng buăl Kâo phung khua pô hưn êlâo, amâo djŏ hĕ klei anăn truh sĭt leh kơ phung aê diih? Snăn diñu kmhal kơ klei soh leh anăn lač, ‘Tui si Yêhôwa kơ phung kahan čuăn mĭn leh ngă kơ drei kyua êlan drei leh anăn bruă drei ngă, msĕ snăn mơh ñu ngă leh hŏng drei.’ ”

Y-Sakari 7:12

Diñu bi khăng hĕ ai tiê diñu msĕ si boh tâo, huĭdah diñu srăng hmư̆ klei bhiăn leh anăn klei blŭ mơ̆ng Yêhôwa kơ phung kahan ñu mơĭt leh hŏng Mngăt Myang Ñu hŏng phung khua pô hưn êlâo mphŭn dô. Kyuanăn Yêhôwa kơ phung kahan mâo klei ngêñ prŏng.

Y-Sakari 8:13

Msĕ si diih jing leh klei tăm pah ti krah phung găp djuê mnuih, Ơ sang Yuđa leh anăn sang Israel, msĕ snăn mơh Kâo srăng bi mtlaih diih, leh anăn diih srăng jing sa klei jăk jĭn. Đăm huĭ ôh, ƀiădah brei kngan diih jing ktang.”

Klei Mtô Mñă Klei Bhiăn 8:20

Diih srăng rai tuč msĕ si phung găp djuê Yêhôwa bi rai tuč ti anăp diih, tơdah diih amâo gưt asăp Yêhôwa Aê Diê diih.”