Y-Đaniel 8:8 - Klei Aê Diê Blŭ 2015

⁸ Leh anăn bê knô bi mđĭ ñu pô lu snăk. Ƀiădah tơdah ñu jing ktang leh, ki prŏng anăn joh hĕ. Hrô ki joh anăn mâo pă ƀĕ ki prŏng mkăn čăt phă pă bĭt angĭn hlăm adiê.

Y-Đaniel 8:8 Iomraidhean Croise

II Klei Yăl Dliê 26:16

Ƀiădah tơdah ñu jing ktang leh, ñu dơ̆ng mgao, klei anăn bi luč ñu. Kyuadah ñu amâo dôk sĭt suôr ôh hŏng Yêhôwa Aê Diê ñu, leh anăn mŭt hlăm sang yang Yêhôwa čiăng čuh mnơ̆ng ƀâo mngưi ti knưl mnơ̆ng ƀâo mngưi.

H'Êsther 9:4

Kyuadah Y-Môrdêkai jing prŏng hlăm sang mtao, leh anăn klei hing ang ñu nao tar ƀar jih jang boh čar; kyuadah Y-Môrdêkai anăn đĭ jing prŏng hĭn nanao.

Y-Yêrêmi 49:36

leh anăn Kâo srăng bi truh kơ čar Êlam pă mta angĭn mơ̆ng pă kiêng adiê; leh anăn Kâo srăng prah prŭng diñu kơ pă mta angĭn anăn, leh anăn phung Êlam Kâo suôt leh srăng truh kơ grăp găp djuê mnuih.

Y-Yêrêmi 5:27

Sang diñu bŏ hŏng klei lhiăr, msĕ si sa boh bai bŏ hŏng lu drei čĭm. Kyuanăn diñu jing prŏng leh anăn mdrŏng leh,

Y-Êsêkiêl 16:7

Kâo brei ih hriê kơ prŏng msĕ si mnơ̆ng arăng pla leh hlăm dliê. Snăn ih hriê kơ prŏng leh anăn jing dlông leh anăn hriê kơ êra leh; ksâo ih čăt leh, leh anăn ƀŭk ih dlông leh; ƀiădah ăt ih dôk lưng mlŭn.

Y-Êsêkiêl 28:9

Hlăk anăn ih ăt srăng lač mơ̆, “Kâo jing sa čô yang,” ti anăp phung bi mdjiê ih? Ih srăng jing knŏng sa čô mnuih, amâo djŏ yang ôh, hlăm kngan phung bi mdjiê ih.

Y-Đaniel 11:4

Tơdah gơ̆ hriê kơ prŏng leh, ƀuôn ala mtao gơ̆ srăng mčah leh anăn bi mbha phă pă bĭt angĭn hlăm adiê, ƀiădah amâo djŏ kơ phung anak čô gơ̆ ôh, kăn djŏ tui si klei dưi gơ̆ kiă kriê rei; kyuadah arăng srăng buč ƀuôn ala mtao gơ̆ leh anăn bi mbha kơ phung mkăn.

Y-Đaniel 4:31

Êjai mtao dôk blŭ snăn, mâo asăp blŭ mơ̆ng adiê lač, “Ơ mtao Nebukatnetsar, mâo klei blŭ leh kơ ih: arăng mă leh ƀuôn ala mtao mơ̆ng ih.

Y-Đaniel 5:20

Ƀiădah tơdah ai tiê ñu mgao leh anăn ai tiê ñu khăng tơl ñu ngă hŏng klei krưh, Aê Diê mdlưh ñu mơ̆ng jhưng mtao, leh anăn mă hĕ klei guh kơang mơ̆ng ñu.

Y-Đaniel 7:2

Y-Đaniel lač, “Êjai mlam kâo ƀuh hlăm klei bi ƀuh kâo snei: pă mta angĭn mơ̆ng adiê thut ti dlông êa ksĭ prŏng.

Y-Đaniel 7:6

Êdei tinăn kâo dlăng leh anăn nĕ anei, mâo sa drei hlô dliê mkăn jing msĕ si êmông brêč; ti rŏng mâo pă pŏk siap čĭm. Hlô dliê anăn mâo pă boh kŏ; leh anăn arăng brei klei dưi kiă kriê kơ ñu.

Y-Đaniel 8:22

Bi kơ ki joh leh, mâo pă ƀĕ ki mkăn čăt hrô ñu bi hmô hŏng pă boh ƀuôn ala mtao kbiă mơ̆ng phung găp djuê ñu anăn, ƀiădah amâo mâo klei ktang msĕ si ñu ôh.

Y-Đaniel 8:5

Êjai kâo ksiêm mĭn, nĕ anei mâo sa drei bê knô hriê mơ̆ng yŭ găn jih lăn ala, amâo sô̆ hŏng lăn ôh. Bê knô anăn mâo sa ƀĕ ki prŏng ti plah wah ală ñu.

Y-Đaniel 8:7

Kâo ƀuh ñu truh giăm biăp knô, leh anăn ñu ngêñ snăk kơ gơ̆, leh anăn mnuh biăp knô leh anăn bi joh hĕ dua ƀĕ ki gơ̆, tơl biăp knô amâo mâo klei ktang dưi bi kdơ̆ng hŏng ñu ôh. Bê knô bi êbuh gơ̆ ti lăn leh anăn juă gơ̆; leh anăn amâo mâo mnuih dưi bi mtlaih biăp knô anăn mơ̆ng klei ktang ñu ôh.

Y-Mathiơ 24:31

Hŏng asăp ki kraih ktang Ñu srăng tiŏ nao phung dĭng buăl jăk Ñu bi kƀĭn phung Aê Diê ruah leh mơ̆ng pă kiêng lăn ala, dơ̆ng mơ̆ng knhal adiê anei truh ti knhal adiê adih.”

Y-Markôs 13:27

Leh anăn Ñu srăng tiŏ nao phung dĭng buăl jăk Ñu, bi kƀĭn phung Aê Diê ruah leh mơ̆ng pă bĭt kiêng lăn ala, mơ̆ng knhal anei truh kơ knhal adih.”

Klei Mtô Mñă Klei Bhiăn 31:20

Kyuadah tơdah Kâo atăt ba diñu mŭt leh hlăm čar mâo mnơ̆ng ƀơ̆ng huă mnăm êbeh dlai Kâo kat asei leh čiăng brei kơ phung aê diñu đưm, leh anăn diñu tuôm ƀơ̆ng huă leh tơl trei bŏ leh anăn jing êmŏng, diñu srăng wir nao kơ phung yang mkăn leh anăn mă bruă kơ digơ̆. Diñu srăng bi êmut kơ Kâo, leh anăn gao klei Kâo bi mguôp.

Klei Bi Êdah 7:1

Leh klei anăn kâo ƀuh pă čô dĭng buăl jăk dôk dơ̆ng ti pă bĭt kiêng lăn ala. Diñu kơ̆ng hĕ pă angĭn ti lăn ala, čiăng đăm mâo ôh angĭn dưi thut ti lăn ala, ti êa ksĭ, amâodah ti ana kyâo.