Y-Đaniel 8:7 - Klei Aê Diê Blŭ 2015

⁷ Kâo ƀuh ñu truh giăm biăp knô, leh anăn ñu ngêñ snăk kơ gơ̆, leh anăn mnuh biăp knô leh anăn bi joh hĕ dua ƀĕ ki gơ̆, tơl biăp knô amâo mâo klei ktang dưi bi kdơ̆ng hŏng ñu ôh. Bê knô bi êbuh gơ̆ ti lăn leh anăn juă gơ̆; leh anăn amâo mâo mnuih dưi bi mtlaih biăp knô anăn mơ̆ng klei ktang ñu ôh.

Y-Đaniel 8:7 Iomraidhean Croise

Y-Đaniel 11:11

Mtao čar Dhŭng srăng ngêñ leh anăn kbiă bi blah hŏng mtao čar Dưr. Mtao čar Dưr srăng bi kƀĭn lu mnuih, ƀiădah mtao čar Dhŭng srăng dưi hŏng phung lu anăn.

Y-Đaniel 7:12

Bi kơ jih jang hlô dliê mkăn anăn, arăng sua mă hĕ klei diñu dưi kiă kriê, ƀiădah arăng bi sui klei hdĭp diñu sa yan bi kčah leh.

Y-Đaniel 7:7

Êdei tinăn kâo ƀuh hlăm klei bi ƀuh êjai mlam, nĕ anei sa drei hlô dliê tal pă, jhŏng, bi huĭ arăng, leh anăn ktang snăk; ñu mâo griăng msei prŏng, ñu lun ƀơ̆ng, bi mčah, leh anăn juă hŏng jơ̆ng ñu mnơ̆ng ăt dôk. Ñu jing mdê hŏng jih hlô dliê truh êlâo, leh anăn ñu mâo pluh ƀĕ ki.

Y-Đaniel 8:10

Ñu hriê kơ prŏng mơh wăt phă phung kahan hlăm adiê; leh anăn ñu dlăm ti lăn ala đa đa hlăm phung kahan mtŭ leh anăn juă digơ̆.

Y-Đaniel 8:6

Ñu truh kơ biăp knô mâo dua ƀĕ ki kâo ƀuh leh dôk ti hang êa krông anăn. Ñu ngêñ snăk êran phă biăp knô.

Y-Đaniel 8:8

Leh anăn bê knô bi mđĭ ñu pô lu snăk. Ƀiădah tơdah ñu jing ktang leh, ki prŏng anăn joh hĕ. Hrô ki joh anăn mâo pă ƀĕ ki prŏng mkăn čăt phă pă bĭt angĭn hlăm adiê.

Bruă Lêwi 26:37

Diñu srăng têč hnêč hdơ̆ng diñu pô, msĕ si đuĕ kơ đao gưm, wăt tơdah amâo mâo pô tiŏ diñu ôh; leh anăn diih amâo srăng mâo ôh klei ktang bi kdơ̆ng ti anăp phung roh diih.

Y-Yôsuê 8:20

Tơdah phung êkei ƀuôn Ahi dlăng kơ tluôn, nĕ anei săp pui ƀơ̆ng ƀuôn đĭ phă adiê; leh anăn diñu amâo dưi đuĕ êlan anei êlan anăn ôh, kyuadah phung ƀuôn sang Israel đuĕ leh phă kdrăn tač lŏ wir phă tluôn bi kdơ̆ng hŏng phung tiŏ digơ̆.