Y-Đaniel 8:5 - Klei Aê Diê Blŭ 2015

⁵ Êjai kâo ksiêm mĭn, nĕ anei mâo sa drei bê knô hriê mơ̆ng yŭ găn jih lăn ala, amâo sô̆ hŏng lăn ôh. Bê knô anăn mâo sa ƀĕ ki prŏng ti plah wah ală ñu.

Y-Đaniel 8:5 Iomraidhean Croise

Y-Đaniel 11:3

Hlăk anăn sa čô mtao ktang srăng kgŭ leh anăn kiă kriê hŏng klei dưi prŏng, leh anăn srăng ngă tui si gơ̆ čiăng.

Y-Đaniel 2:32

Boh kŏ rup tuh anăn arăng ngă hŏng mah doh, đah da leh anăn kngan ñu hŏng prăk, tian leh anăn pha ñu hŏng kông,

Y-Đaniel 2:39

Êdei kơ ih srăng mâo sa boh ƀuôn ala mtao mkăn amâo mđơr hŏng ih ôh, leh anăn lŏ mâo ƀuôn ala mtao tal tlâo bi hmô hŏng kông, srăng kiă kriê tar ƀar lăn ala.

Y-Đaniel 7:6

Êdei tinăn kâo dlăng leh anăn nĕ anei, mâo sa drei hlô dliê mkăn jing msĕ si êmông brêč; ti rŏng mâo pă pŏk siap čĭm. Hlô dliê anăn mâo pă boh kŏ; leh anăn arăng brei klei dưi kiă kriê kơ ñu.

Y-Đaniel 8:21

Bê knô jing mtao čar Grĕk. Ki prŏng ti plah wah ală ñu jing mtao tal êlâo hĭn.

Y-Đaniel 8:6

Ñu truh kơ biăp knô mâo dua ƀĕ ki kâo ƀuh leh dôk ti hang êa krông anăn. Ñu ngêñ snăk êran phă biăp knô.

Y-Đaniel 8:8

Leh anăn bê knô bi mđĭ ñu pô lu snăk. Ƀiădah tơdah ñu jing ktang leh, ki prŏng anăn joh hĕ. Hrô ki joh anăn mâo pă ƀĕ ki prŏng mkăn čăt phă pă bĭt angĭn hlăm adiê.