Y-Đaniel 8:4 - Klei Aê Diê Blŭ 2015

⁴ Kâo ƀuh biăp knô mnuh phă yŭ, phă dưr, leh anăn phă dhŭng. Amâo mâo sa drei hlô dliê dưi bi kdơ̆ng hŏng ñu ôh, leh anăn amâo mâo mnuih tlaih mơ̆ng ñu ôh; ñu ngă tui si ñu čiăng, leh anăn ñu bi mđĭ ñu pô.

Y-Đaniel 8:4 Iomraidhean Croise

I Bruă Mtao 22:11

Y-Sêdêkia anak êkei Y-Kênana ngă leh kơ ñu pô ki msei leh anăn lač, “Snei Yêhôwa lač, ‘Hŏng ki anei ih srăng klư̆ phung Siri tơl diñu rai.’ ”

Y-Yôp 10:7

wăt tơdah Ih thâo leh kơ kâo amâo mâo soh ôh, leh anăn amâo mâo pô ôh dưi bi mtlaih kâo mơ̆ng kngan Ih?

Klei Mmuñ Hđăp 44:5

Hŏng Ih hmei mdlưh phung roh hmei; hŏng anăn Ih hmei juă phung bi kdơ̆ng hŏng hmei.

Klei Mmuñ Hđăp 50:22

Brei ih thâo bi nik klei anei, Ơ pô wơr bĭt Aê Diê leh, huĭdah Kâo srăng hiêk bi rai ih, leh anăn amâo mâo pô dưi bi mtlaih ih ôh.

Klei Mmuñ Hđăp 7:2

huĭdah diñu hiêk kâo msĕ si êmông gu, ktŭng mđuĕ kâo, amâo mâo pô dưi đru kâo ôh.

Y-Êsêkiêl 34:21

Kyuadah diih ksĭng hŏng djiêô leh anăn hŏng mra, leh anăn mnuh jih jang biăp awăt hŏng ki diih tơl diih bi bra đuĕ diñu tar ƀar;

Y-Đaniel 11:16

Ƀiădah pô hriê bi kdơ̆ng hŏng ñu srăng ngă tui si čiăng, leh anăn amâo mâo pô dưi bi kdơ̆ng hŏng gơ̆ ôh. Gơ̆ srăng dôk hlăm čar guh kơang, leh anăn dưi bi rai čar anăn.

Y-Đaniel 11:36

Mtao srăng ngă tui si ñu čiăng; ñu srăng bi mđĭ ñu pô, leh anăn mpŭ ñu pô ti dlông hĭn kơ jih jang yang, leh anăn ñu srăng blŭ mgao hŏng Aê Diê kơ jih jang yang; ñu srăng dưi tơl ênuk klei ngêñ ruê̆ leh; kyuadah ya klei Aê Diê čuăn leh srăng truh sĭt.

Y-Đaniel 5:19

Leh anăn kyuadah Aê Diê brei leh kơ ñu klei jing prŏng anăn, jih jang phung ƀuôn sang, phung găp djuê mnuih, leh anăn phung blŭ klei mdê mdê ktư̆ yơ̆ng leh anăn huĭ ti anăp ñu. Ñu bi mdjiê hĕ hlei pô ñu čiăng; ñu lui dôk hdĭp hlei pô ñu čiăng. Ñu bi mđĭ amâodah mdlưh hlei pô ñu čiăng.

Y-Đaniel 5:30

Mlam anăn yơh arăng bi mdjiê mtao phung Kaldê, Y-Belsasar.

Y-Đaniel 7:5

Nĕ anei, mâo sa drei hlô dliê mkăn tal dua, jing msĕ si kgâo. Ñu dôk dơ̆ng hŏng jơ̆ng tluôn, leh anăn mâo tlâo ƀĕ klang grưh hlăm ƀăng êgei ñu ti krah griăng; leh anăn arăng lač kơ ñu, ‘Kgŭ ƀơ̆ng bĕ kđeh bi trei.’

Y-Đaniel 8:7

Kâo ƀuh ñu truh giăm biăp knô, leh anăn ñu ngêñ snăk kơ gơ̆, leh anăn mnuh biăp knô leh anăn bi joh hĕ dua ƀĕ ki gơ̆, tơl biăp knô amâo mâo klei ktang dưi bi kdơ̆ng hŏng ñu ôh. Bê knô bi êbuh gơ̆ ti lăn leh anăn juă gơ̆; leh anăn amâo mâo mnuih dưi bi mtlaih biăp knô anăn mơ̆ng klei ktang ñu ôh.

Y-Mika 5:8

Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Klei Mtô Mñă Klei Bhiăn 33:17

Ñu mâo klei kdrăm kơah msĕ si êmô knô ñu mđai tal êlâo, leh anăn ki ñu jing ki êmô dliê; hŏng ki anăn ñu srăng mnuh phung găp djuê mnuih tơl truh ti knhal lăn ala; msĕ snăn yơh phung pluh êbâo čô Êphraim, leh anăn msĕ snăn yơh phung êbâo čô Manasê.”