Y-Đaniel 8:22 - Klei Aê Diê Blŭ 2015

²² Bi kơ ki joh leh, mâo pă ƀĕ ki mkăn čăt hrô ñu bi hmô hŏng pă boh ƀuôn ala mtao kbiă mơ̆ng phung găp djuê ñu anăn, ƀiădah amâo mâo klei ktang msĕ si ñu ôh.

Y-Đaniel 8:22 Iomraidhean Croise

Y-Đaniel 11:4

Tơdah gơ̆ hriê kơ prŏng leh, ƀuôn ala mtao gơ̆ srăng mčah leh anăn bi mbha phă pă bĭt angĭn hlăm adiê, ƀiădah amâo djŏ kơ phung anak čô gơ̆ ôh, kăn djŏ tui si klei dưi gơ̆ kiă kriê rei; kyuadah arăng srăng buč ƀuôn ala mtao gơ̆ leh anăn bi mbha kơ phung mkăn.

Y-Đaniel 7:6

Êdei tinăn kâo dlăng leh anăn nĕ anei, mâo sa drei hlô dliê mkăn jing msĕ si êmông brêč; ti rŏng mâo pă pŏk siap čĭm. Hlô dliê anăn mâo pă boh kŏ; leh anăn arăng brei klei dưi kiă kriê kơ ñu.

Y-Đaniel 7:7

Êdei tinăn kâo ƀuh hlăm klei bi ƀuh êjai mlam, nĕ anei sa drei hlô dliê tal pă, jhŏng, bi huĭ arăng, leh anăn ktang snăk; ñu mâo griăng msei prŏng, ñu lun ƀơ̆ng, bi mčah, leh anăn juă hŏng jơ̆ng ñu mnơ̆ng ăt dôk. Ñu jing mdê hŏng jih hlô dliê truh êlâo, leh anăn ñu mâo pluh ƀĕ ki.

Y-Đaniel 8:21

Bê knô jing mtao čar Grĕk. Ki prŏng ti plah wah ală ñu jing mtao tal êlâo hĭn.

Y-Đaniel 8:23

Ti knhal tuč phung anăn kiă kriê, tơdah phung gao klei bhiăn ngă ênŭm leh, srăng mâo sa čô mtao kbiă hriê ƀô̆ mta krêñ leh anăn thâo săng klei hgăm.

Y-Đaniel 8:3

Kâo kngưr ală dlăng, leh anăn nĕ anei, sa drei biăp knô dôk dơ̆ng ti hang êa krông. Ñu mâo dua ƀĕ ki dlông, ƀiădah sa ƀĕ dlông hĭn kơ sa ƀĕ mkăn, leh anăn ki dlông hĭn čăt êdei hĭn.

Y-Đaniel 8:8

Leh anăn bê knô bi mđĭ ñu pô lu snăk. Ƀiădah tơdah ñu jing ktang leh, ki prŏng anăn joh hĕ. Hrô ki joh anăn mâo pă ƀĕ ki prŏng mkăn čăt phă pă bĭt angĭn hlăm adiê.

Y-Sakari 6:1

Kâo lŏ kngưr ală leh anăn dlăng, nĕ anei mâo pă boh êdeh aseh kbiă mơ̆ng plah wah dua boh čư̆, čư̆ anăn jing čư̆ kông.