Y-Đaniel 8:2 - Klei Aê Diê Blŭ 2015

² Tơdah kâo ƀuh klei bi ƀuh anăn kâo dôk ti ƀuôn Susa sang mtao hlăm čar Êlam. Êjai klei bi ƀuh anăn kâo dôk giăm êa krông Ulai.

Y-Đaniel 8:2 Iomraidhean Croise

Klei Mphŭn Dơ̆ng 10:22

Phung anak êkei Y-Sem: Y-Êlam, Y-Asur, Y-Arpaksat, Y-Lut, leh anăn Y-Aram.

Klei Mphŭn Dơ̆ng 14:1

Hlăk ênuk Y-Amraphel mtao čar Sinar, Y-Ariôk mtao ƀuôn Êlasar, Y-Kêdôr-Lômer mtao ƀuôn Êlam, leh anăn Y-Tidal mtao ƀuôn Gôim,

Y-Nêhêmi 1:1

Klei Y-Nêhêmi anak êkei Y-Hakalia čih. Mâo klei truh hlăm mlan Kislêwơ, hlăm thŭn tal dua pluh, êjai kâo dôk hlăm ƀuôn Susan,

H'Êsther 1:2

Tơdah mtao Asuêrus dôk gŭ ti jhưng mtao ñu hlăm ƀuôn Susa, ƀuôn akŏ,

H'Êsther 2:8

Snăn tơdah arăng hưn klei mtao mtă leh anăn klei bhiăn anăn, leh anăn tơdah mâo lu phung mniê êra bi kƀĭn leh ti ƀuôn Susa ƀuôn akŏ ti gŭ klei Y-Hêgai răng kriê, arăng mă ba msĕ mơh H'Êsther kơ sang mtao brei Y-Hêgai răng kriê gơ̆, pô mâo bruă răng kriê phung mniê.

H'Êsther 3:15

Phung djă ba hră nao hŏng klei ruăt tui si klei mtao mtă, leh anăn klei mtă anăn arăng ngă hlăm ƀuôn Susa ƀuôn akŏ. Mtao leh anăn Y-Haman dôk gŭ čiăng mnăm; ƀiădah ƀuôn Susa mâo klei kdjăt huĭ.

H'Êsther 7:6

H'Êsther lač, “Sa čô roh leh anăn jhat! Y-Haman pô ƀai anei yơh!” Hlăk anăn Y-Haman huĭ snăk ti anăp mtao leh anăn mtao mniê.

H'Êsther 8:15

Y-Môrdêkai kbiă mơ̆ng ti anăp mtao hŏng ao mtao piơk leh anăn kô̆, leh anăn đua đuôn mtao mah prŏng leh anăn hơô ao jhung kbuă điêt aruăt leh anăn hrah jŭ, êjai phung ƀuôn sang ƀuôn Susa ur driâo leh anăn hơ̆k mơak.

H'Êsther 9:11

Ti hruê anăn ênoh phung arăng bi mdjiê leh hlăm ƀuôn Susa, ƀuôn akŏ arăng hưn kơ mtao.

H'Êsther 9:15

Phung Yuđa dôk hlăm ƀuôn Susa bi kƀĭn msĕ mơh ti hruê pluh pă mlan Adar, leh anăn bi mdjiê tlâo êtuh čô êkei hlăm ƀuôn Susa; ƀiădah diñu amâo plah mă dŏ dô ôh.

Y-Êsai 11:11

Hlăm hruê anăn, Khua Yang srăng yơr tal dua kngan Ñu čiăng bi wĭt kdrêč phung ƀuôn sang Ñu adôk mơ̆ng čar Asiri, čar Êjip, čar Patrôs, čar Êthiôpi, čar Êlam, čar Sinar, čar Hamat, leh anăn mơ̆ng jih jang plao êa ksĭ.

Y-Êsai 21:2

Arăng hưn kơ kâo sa klei bi ƀuh huĭ snăk: pô lhiăr dôk lhiăr yơh, pô bi rai dôk bi rai yơh! Đĭ nao ngă bĕ, Ơ phung Êlam! Wang plah mă bĕ, Ơ phung Mêdơ! Kâo srăng bi ruê̆ jih klei krao pô bi rai bi truh leh.

Y-Yêrêmi 25:25

jih jang mtao čar Simri, jih jang mtao čar Êlam, leh anăn jih jang mtao čar Mêdơ;

Y-Êsêkiêl 1:1

Hlăm thŭn tal tlâo pluh, ti mlan pă, hruê êma hlăm mlan anăn, êjai kâo dôk mbĭt hŏng phung mnă arăng suôt leh mơ̆ng čar ti hang êa krông Kêbar, phung adiê pŏk mdah, leh anăn kâo mâo klei bi ƀuh kơ Aê Diê.

Y-Êsêkiêl 32:24

Êlam dôk tinăn, leh anăn jih jang phung ƀuôn sang lu ñu jŭm dar msat ñu; jih jang diñu djiê leh hŏng đao gưm, phung anăn trŭn amâo khăt klĭt ôh hlăm lăn ala ti gŭ, phung bi lar klei bi huĭ hlăm čar phung hdĭp, leh anăn diñu klam klei hêñ diñu mbĭt hŏng phung trŭn kơ Ƀăng Êlam.

Y-Đaniel 10:4

Ti hruê tal dua pluh pă mlan tal sa, êjai kâo dôk ti hang êa krông prŏng Hidêkel,

Y-Đaniel 7:15

“Bi kâo dê, Y-Đaniel, mngăt kâo rŭng răng hlăm lam leh anăn klei kâo ƀuh bi huĭ kâo.

Y-Đaniel 7:2

Y-Đaniel lač, “Êjai mlam kâo ƀuh hlăm klei bi ƀuh kâo snei: pă mta angĭn mơ̆ng adiê thut ti dlông êa ksĭ prŏng.

Y-Đaniel 8:1

Thŭn tal tlâo ênuk mtao Belsasar kiă kriê, kâo gơ̆ Y-Đaniel mâo sa klei bi ƀuh mkăn, leh klei bi ƀuh kâo mâo tal êlâo.

Y-Đaniel 8:3

Kâo kngưr ală dlăng, leh anăn nĕ anei, sa drei biăp knô dôk dơ̆ng ti hang êa krông. Ñu mâo dua ƀĕ ki dlông, ƀiădah sa ƀĕ dlông hĭn kơ sa ƀĕ mkăn, leh anăn ki dlông hĭn čăt êdei hĭn.

Klei Yap 12:6

Ñu lač, “Dôk hmư̆ klei Kâo blŭ: Tơdah mâo khua pô hưn êlâo hlăm phung diih, Kâo gơ̆ Yêhôwa, Pô bi êdah Kâo pô kơ diñu hlăm klei bi ƀuh, Kâo blŭ kơ diñu hlăm klei êpei.

Hêbrơ 1:1

Lu blư̆ leh anăn hlăm lu êlan mdê mdê Aê Diê blŭ leh mphŭn dô kơ phung aê drei hŏng phung khua pô hưn êlâo;

Klei Bi Êdah 9:17

Snei kâo ƀuh phung aseh hlăm klei kâo bi ƀuh: phung đĭ aseh hơô ao msei msĕ si pui, boh tâo saphirơ, leh anăn boh tâo pui kñĭ. Boh kŏ aseh jing msĕ si boh kŏ êmông gu, leh anăn mơ̆ng ƀăng êgei diñu kbiă pui, săp pui, leh anăn boh tâo pui kñĭ.