Y-Đaniel 8:13 - Klei Aê Diê Blŭ 2015

¹³ Leh anăn kâo hmư̆ sa čô doh jăk blŭ; leh anăn sa čô doh jăk mkăn lač kơ pô doh jăk blŭ tal êlâo, “Dŭm boh sui tơl bi leh klei bi ƀuh djŏ kơ klei myơr mnơ̆ng myơr čuh nanao, klei gao klei bhiăn mjing klei ênguôl, leh anăn klei arăng jao adŭ doh jăk leh anăn phung kahan brei arăng juă?”

Y-Đaniel 8:13 Iomraidhean Croise

Klei Mmuñ Hđăp 74:10

Dŭm boh sui, Ơ Aê Diê, pô roh srăng mưč kơ Ih? Pô roh srăng dlao wač anăn Ih hlŏng lar mơ̆?

Klei Mmuñ Hđăp 74:9

Hmei amâo lŏ ƀuh klei bi knăl Ih dôk mbĭt hŏng hmei ôh, amâo lŏ mâo khua pô hưn êlâo ôh; kăn mâo rei pô hlăm phung hmei thâo dŭm boh sui klei anei srăng dôk.

Klei Mmuñ Hđăp 79:5

Dŭm boh sui, Ơ Yêhôwa? Ih srăng dôk ăl nanao mơ̆? Klei Ih trih srăng ƀơ̆ng msĕ si pui mơ̆?

Y-Êsai 28:18

Hlăk anăn klei diih bi mguôp hŏng klei djiê amâo srăng lŏ jing ôh; klei diih bi mguôp hŏng Ƀuôn Phung Djiê amâo srăng dôk kjăp ôh. Tơdah klei bi knap êbeh dlai srăng găn, diih srăng rai luč.

Y-Êsai 6:11

Hlăk anăn kâo lač, “Ơ Khua Yang, dŭm boh sui?” Ñu lŏ wĭt lač, “Tơl lu ƀuôn prŏng rai leh, amâo mâo mnuih dôk ôh, leh anăn amâo mâo sa čô dôk hlăm sang ôh, leh anăn jih lăn čar jing ênguôl,

Y-Êsai 63:18

Phung ƀuôn sang doh jăk Ih mâo leh adŭ doh jăk Ih bhiâo, ƀiădah ară anei phung roh hmei juă leh adŭ anăn.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.

Y-Yêrêmi 12:10

Lu phung mgăt biăp bi rai leh đang boh kriăk ƀâo Kâo, diñu juă leh hma Kâo, diñu mjing hma siam Kâo msĕ si sa anôk kdrăn tač.

Y-Đaniel 11:31

Đa đa phung kahan ñu srăng nao bi čhŏ adŭ doh jăk leh anăn kđông, leh anăn brei arăng lui hĕ myơr mnơ̆ng myơr čuh nanao. Leh anăn diñu srăng mdơ̆ng mnơ̆ng bi êmut kheh brei jing ênguôl.

Y-Đaniel 12:11

Leh anăn dơ̆ng mơ̆ng hruê arăng brei lui hĕ myơr mnơ̆ng myơr čuh nanao, leh anăn arăng mdơ̆ng mnơ̆ng bi êmut kheh brei jing ênguôl, srăng mâo sa êbâo dua êtuh dua păn pluh hruê.

Y-Đaniel 12:8

Kâo hmư̆, ƀiădah kâo amâo thâo săng ôh. Snăn kâo lač, “Ơ khua kâo, si srăng jing klei knhal tuč kơ klei anei?”

Y-Đaniel 4:10

Nĕ anei klei kâo bi ƀuh êjai kâo dôk đih ti jhưng pĭt: kâo dlăng leh anăn, nĕ anei mâo sa ƀĕ ana kyâo dlông snăk ti krah lăn ala.

Y-Đaniel 4:13

Kâo dlăng hlăm klei bi ƀuh êjai kâo dôk đih ti jhưng pĭt, leh anăn nĕ anei, mâo sa čô pô gak, sa čô doh jăk trŭn mơ̆ng adiê.

Y-Đaniel 4:23

Bi kơ klei mtao ƀuh sa čô pô gak, sa čô doh jăk, trŭn mơ̆ng adiê leh anăn lač, ‘Druôm hĕ ana kyâo leh anăn bi rai hĕ ñu, ƀiădah lui kpơ̆ng leh anăn agha ñu hlăm lăn kă hŏng klei msei leh anăn kông ti krah rơ̆k mda hlăm hma, brei ñu msah hŏng êa nguôm mơ̆ng adiê, leh anăn brei ñu dôk mbĭt hŏng hlô dliê êjai kjuh yan;’

Y-Đaniel 7:16

Kâo nao giăm sa čô hlăm phung dôk dơ̆ng tinăn, leh anăn êmuh ñu kơ klei mblang sĭt hlăm jih klei anei. Snăn ñu hưn kơ kâo leh anăn brei kâo thâo săng klei mblang kơ klei anăn:

Y-Đaniel 7:23

Snei ñu lač: ‘Bi kơ hlô dliê tal pă, si tô hmô srăng mâo ƀuôn ala mtao tal pă ti lăn ala srăng jing mdê hŏng jih jang ƀuôn ala mtao mkăn, leh anăn ñu srăng hiêk ƀơ̆ng jih lăn ala. Ñu srăng juă leh anăn bi mčah jih lăn ala.

Y-Đaniel 9:27

Khua srăng truh êdei anăn srăng ngă klei bi mguôp kjăp hŏng lu mnuih êjai sa hruê kăm, ƀiădah ti krah sa hruê kăm anăn ñu srăng brei arăng lui hĕ klei ngă yang leh anăn klei myơr mnơ̆ng myơr čuh. Pô bi truh klei ênguôl srăng mdơ̆ng mnơ̆ng bi êmut kheh ti anôk Aê Diê tuh ti dlông pô bi truh klei ênguôl anăn klei knhal tuč Ñu čuăn leh.”

Y-Sakari 1:19

Kâo lač kơ dĭng buăl jăk pô blŭ hŏng kâo, “Si tô hmô mnơ̆ng anei?” Leh anăn ñu lŏ wĭt lač kơ kâo, “Anei jing ki bi bra đuĕ leh phung Yuđa, phung Israel, leh anăn phung Yêrusalem.”

Y-Sakari 14:5

Diih srăng êran đuĕ hŏng tlung čư̆ Kâo, kyuadah tlung čư̆ srăng truh ti anôk Asel. Diih srăng êran đuĕ msĕ si diih đuĕ leh mơ̆ng klei yơ̆ng lăn ala hlăm ênuk Y-Usia mtao čar Yuđa. Hlăk anăn Yêhôwa Aê Diê kâo srăng hriê, leh anăn jih jang phung doh jăk mbĭt hŏng ñu.

Y-Mathiơ 11:27

Jih jang mnơ̆ng Ama Kâo jao leh kơ Kâo; amâo mâo pô thâo kral Anak ôh, knŏng hjăn Ama yơh; leh anăn amâo mâo pô thâo kral Ama ôh, knŏng hjăn Anak leh anăn kơ hlei pô Anak ruah bi êdah Ama kơ ñu.

Y-Mathiơ 24:15

“Tơdah diih ƀuh klei bi êmut kheh mdơ̆ng leh hlăm anôk doh jăk tui si khua pô hưn êlâo Y-Đaniel hưn leh (brei pô dlăng hră anei thâo săng),

Y-Markôs 13:14

“Ƀiădah tơdah diih ƀuh klei bi êmut kheh mdơ̆ng ti anôk amâo dưi ngă ôh, (brei pô dlăng hră anei thâo săng) hlăk anăn brei phung dôk hlăm čar Yuđa đuĕ phă čư̆.

Y-Luk 10:22

Jih jang mnơ̆ng Ama Kâo jao leh kơ Kâo. Amâo mâo pô thâo kral Anak ôh, knŏng hjăn Ama thâo; kăn mâo pô thâo kral Ama rei, knŏng hjăn Anak thâo, leh anăn kơ hlei pô Anak čiăng bi êdah Ama kơ ñu.”

Y-Luk 21:20

“Tơdah diih ƀuh phung kahan wang leh jŭm ƀuôn Yêrusalem, snăn brei diih thâo klei bi rai ƀuôn anăn giăm leh.

Y-Luk 21:24

Diñu srăng djiê hŏng đao gưm, leh anăn arăng srăng atăt diñu jing mnă ti krah jih jang găp djuê mnuih. Leh anăn phung tue srăng juă ƀuôn Yêrusalem tơl ênuk phung tue ruê̆ leh.”

Y-Yôhan 1:18

Amâo mâo sa čô mnuih tuôm ƀuh Aê Diê ôh; Anak mâo knŏng sa čô, Gơ̆ jing Aê Diê mơh, Pô dôk ti djiêô Ama, Gơ̆ yơh bi êdah leh Aê Diê arăng amâo tuôm ƀuh ôh.

Klei Mtô Mñă Klei Bhiăn 33:2

Ñu lač, “Yêhôwa hriê leh mơ̆ng čư̆ Sinai, leh anăn kgŭ ti krah diñu mơ̆ng čư̆ Sêir; Ñu mtrang kmlăi mơ̆ng čư̆ Paran, Ñu kbiă hriê mơ̆ng krah lu êbâo čô phung doh jăk, mơ̆ng kngan hnuă Ñu, kbiă pui trơ̆ng klei bhiăn kơ diñu.

I Têsalônik 3:13

čiăng kơ Ñu dưi bi kjăp ai tiê diih hlăm klei doh jăk, amâo mâo klei dưi ƀuah ôh ti anăp Aê Diê Ama drei, ti hruê Khua Yang drei Yêsu srăng hriê mbĭt hŏng jih jang phung doh jăk Ñu.

Hêbrơ 10:29

Ya klei phat kđi ktang hĭn diih mĭn srăng năng truh kơ pô juă leh Anak Aê Diê, bi čhŏ êrah klei bi mguôp bi doh ñu leh, leh anăn dlao wač kơ Yang Mngăt Jăk klei pap?

I Y-Pêtrôs 1:12

Aê Diê bi êdah leh kơ diñu bruă diñu ngă amâo djŏ kơ diñu pô ôh, ƀiădah kơ diih ară anei yơh. Klei anăn phung mtô klei mrâo mrang jăk hŏng Yang Mngăt Jăk Aê Diê tiŏ hriê leh mơ̆ng adiê hưn kơ diih. Wăt phung dĭng buăl jăk Aê Diê čiăng ksiêm dlăng klei anăn mơh.

Y-Yut 1:14

Kơ diñu msĕ mơh Y-Ênŏk, jing pô tal kjuh mơ̆ng Y-Ađam, hưn êlâo leh, lač, “Nĕ anei Khua Yang truh leh hŏng lu klăk klai phung doh jăk Ñu,

Klei Bi Êdah 11:2

Ƀiădah đăm mkă ôh wăl ti êngao sang kkuh mpŭ; lui ñu, kyuadah arăng jao ñu leh kơ phung găp djuê mnuih, leh anăn diñu srăng juă ƀuôn doh jăk êjai pă pluh dua mlan.

Klei Bi Êdah 6:10

Diñu ur kraih, “Ơ Khua Yang, Pô doh jăk leh anăn sĭt nik, dŭm boh sui tơl Ih srăng phat kđi leh anăn rŭ ênua êrah hmei ti phung dôk ti lăn ala?”

Phung Khua Phat Kđi 13:18

Dĭng buăl jăk Yêhôwa lač kơ ñu, “Si ngă ih êmuh kơ anăn kâo? Anăn kâo jing yuôm bhăn.”