Y-Đaniel 7:9 - Klei Aê Diê Blŭ 2015

⁹ Êjai kâo dlăng: arăng dăp đa đa boh jhưng mtao, leh anăn Pô Dôk Hdĭp Mơ̆ng Ênuk Đưm dôk gŭ, čhiăm ao Ñu kô̆ msĕ si pliêr, leh anăn ƀŭk Ñu msĕ si mlâo biăp doh; jhưng mtao Ñu trơ̆ng hŏng êlah pui, leh anăn pông jhưng anăn jing pui trơ̆ng.

Y-Đaniel 7:9 Iomraidhean Croise

I Bruă Mtao 22:19

Leh anăn Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng ti djiêô Ñu, tĭng hnuă leh anăn tĭng điâo Ñu.

II Klei Yăl Dliê 18:18

Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh leh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng tĭng hnuă leh anăn tĭng điâo Ñu;

Klei Mmuñ Hđăp 45:8

Jih jang čhiăm ao ih bi ƀâo mngưi hŏng êa mir, alôê, leh anăn kas; klei arăng pĕ đĭng brô̆ bi mơak kơ ih hlăm sang mtao ngă hŏng mla.

Klei Mmuñ Hđăp 90:2

Êlâo kơ mâo čư̆ leh anăn êlâo kơ Ih mjing boh lăn leh anăn lăn ala, mơ̆ng ênuk hlŏng lar truh kơ ênuk hlŏng lar, Ih jing Aê Diê.

Klei Mmuñ Hđăp 93:2

Ih bi kjăp jhưng mtao Ih mơ̆ng ênuk đưm đă; Ih dôk leh mơ̆ng ênuk hlŏng lar.

Y-Êsai 6:1

Thŭn Mtao Usia djiê, kâo ƀuh Khua Yang dôk gŭ ti sa boh jhưng mtao, mđĭ dlông snăk leh anăn arăng mpŭ, leh anăn kdrŭn ao jhung Ñu bi bŏ sang yang.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.

Y-Yêrêmi 49:38

leh anăn Kâo srăng mdơ̆ng jhưng mtao Kâo hlăm čar Êlam, leh anăn bi rai mtao leh anăn phung khua diñu,” Yêhôwa lač.

Y-Êsêkiêl 1:26

Ti dlông čhiăm guôm nah dlông boh kŏ diñu mâo msĕ si sa boh jhưng mtao, ngă hŏng boh tâo yuôm saphir; leh anăn pô dôk gŭ ti jhưng mtao dlăng msĕ si rup sa čô mnuih.

Y-Đaniel 7:13

Kâo ƀuh hlăm klei bi ƀuh êjai mlam, nĕ anei mâo sa čô msĕ si Anak Mnuih hriê mbĭt hŏng knam mơ̆ng adiê. Ñu truh kơ Pô Dôk Hdĭp Mơ̆ng Ênuk Đưm, leh anăn arăng bi êdah Gơ̆ ti anăp Pô Dôk Hdĭp Mơ̆ng Ênuk Đưm.

Y-Đaniel 7:22

tơl Pô Dôk Hdĭp Mơ̆ng Ênuk Đưm truh leh anăn brei klei phat kđi kyua phung doh jăk Pô Ti Dlông Hĭn, leh anăn ênuk truh tơdah phung doh jăk mă tŭ ƀuôn ala mtao.

Y-Mika 5:2

Ƀiădah ih, Ơ ƀuôn Betlêhem Êphrata, wăt tơdah ih jing ƀuôn điêt ti krah phung găp djuê čar Yuđa, mơ̆ng ih srăng kbiă hriê kơ Kâo sa čô srăng jing khua gai gĭt hlăm phung Israel, Pô mâo phŭn mơ̆ng ênuk đưm, mơ̆ng ênuk hlŏng lar.

Y-Haƀakuk 1:12

Ơ Yêhôwa Aê Diê kâo, Pô Doh Jăk kâo, amâo djŏ hĕ ih dôk mơ̆ng ênuk hlŏng lar? Hmei amâo srăng djiê ôh. Ơ Yêhôwa, ih mjing leh phung diñu pioh yua kơ klei phat kđi, leh anăn ih, Ơ Boh Tâo Prŏng, bi kjăp diñu leh pioh yua kơ klei mkra mjuăt.

Y-Mathiơ 17:2

Asei mlei Yêsu mâo klei bi mlih ti anăp digơ̆: Ƀô̆ mta Ñu mtrang msĕ si yang hruê, leh anăn ao Ñu jing kô̆ msĕ si klei mngač,

Y-Mathiơ 28:3

Ñu jing mngač msĕ si kmlă, ao ñu kô̆ msĕ si pliêr.

Y-Markôs 9:3

Čhum ao Ñu jing kmlăi, kô̆ êdimima, kô̆ hĭn kơ klei arăng dưi ngă ti lăn ala anei.

Bruă Phung Khua Ƀĭng Kna 2:30

Kyuadah ñu jing sa čô khua pô hưn êlâo, leh anăn thâo leh kơ Aê Diê ƀuăn leh kơ ñu hŏng klei kat asei, čiăng brei sa čô hlăm phung anak čô ñu dôk gŭ ti jhưng mtao ñu,

Bruă Phung Khua Ƀĭng Kna 2:33

Snăn leh mâo klei mpŭ tĭng hnuă kơ Aê Diê, leh anăn mă tŭ leh mơ̆ng Ama klei ƀuăn brei Yang Mngăt Jăk, Yêsu tuh brei leh klei diih ƀuh leh anăn hmư̆ ară anei.

Philip 3:9

leh anăn dưi dôk hlăm Ñu, amâo mâo ôh klei kpă ênô kâo pô knang kơ klei bhiăn, ƀiădah klei kpă ênô kbiă hriê mơ̆ng klei đăo kơ Krist, klei kpă ênô kbiă hriê mơ̆ng Aê Diê knang kơ klei đăo;

I Y-Timôthê 6:16

knŏng hjăn Ñu yơh mâo klei amâo thâo djiê, leh anăn dôk hlăm klei mngač arăng amâo dưi nao giăm, Pô mnuih amâo tuôm ƀuh ôh, kăn dưi ƀuh rei. Kơ Ñu yơh brei klei mpŭ leh anăn klei myang hlŏng lar. Amen.

I Y-Yôhan 1:5

Snei klei mtô hmei hmư̆ leh mơ̆ng Ñu leh anăn hưn kơ diih, Aê Diê jing klei mngač leh anăn hlăm Ñu amâo mâo klei mmăt ôh hơăi.

Klei Bi Êdah 1:14

Kŏ leh anăn ƀŭk Ñu kô̆ msĕ si mlâo biăp kô̆, kô̆ msĕ si pliêr; ală Ñu jing msĕ si êlah pui,

Klei Bi Êdah 19:18

čiăng ƀơ̆ng kđeh phung mtao, kđeh phung khua kahan, kđeh phung jhŏng ktang, kđeh aseh, leh anăn kđeh phung đĭ aseh, kđeh jih jang mnuih, êngiê leh anăn hlŭn, điêt leh anăn prŏng.”

Klei Bi Êdah 20:4

Kâo ƀuh lu boh jhưng mtao, leh anăn Aê Diê brei kơ phung dôk gŭ tinăn klei dưi phat kđi. Kâo ƀuh msĕ mơh mngăt phung arăng khăt kkuê leh kyua diñu hưn klei Yêsu, kyua klei Aê Diê blŭ, kăn tuôm kkuh mpŭ kơ hlô dliê amâodah kơ rup ñu, leh anăn kăn tuôm mă tŭ klei čih mrô ñu ti adhei amâodah ti kngan diñu. Diñu kbiă lŏ hdĭp leh anăn kiă kriê mbĭt hŏng Krist êjai sa êbâo thŭn.

Klei Bi Êdah 4:2

Bhiâo riâo rit kâo dôk hlăm Mngăt Myang, leh anăn nĕ anei, kâo ƀuh sa boh jhưng mtao hlăm adiê, leh anăn mâo sa čô dôk gŭ ti jhưng mtao anăn!