Y-Đaniel 7:7 - Klei Aê Diê Blŭ 2015

⁷ Êdei tinăn kâo ƀuh hlăm klei bi ƀuh êjai mlam, nĕ anei sa drei hlô dliê tal pă, jhŏng, bi huĭ arăng, leh anăn ktang snăk; ñu mâo griăng msei prŏng, ñu lun ƀơ̆ng, bi mčah, leh anăn juă hŏng jơ̆ng ñu mnơ̆ng ăt dôk. Ñu jing mdê hŏng jih hlô dliê truh êlâo, leh anăn ñu mâo pluh ƀĕ ki.

Y-Đaniel 7:7 Iomraidhean Croise

II Y-Samuel 22:43

Kâo tlê diñu tơl ƀhĭ msĕ si ƀruih lăn, kâo mñir diñu leh anăn juă diñu msĕ si lŭ hlăm êlan.

Y-Yôp 41:14

Hlei dưi pŏk ƀăng êgei ñu? Jŭm êgei ñu mâo mnơ̆ng bi huĭ.

Y-Êsêkiêl 40:2

leh anăn atăt ba hlăm klei bi ƀuh Aê Diê kơ čar Israel, leh anăn dưm kâo ti čư̆ dlông snăk, ti čư̆ anăn mâo msĕ si sa boh ƀuôn arăng mdơ̆ng phă dhŭng.

Y-Đaniel 2:19

Leh anăn Aê Diê bi êdah klei hgăm anăn kơ Y-Đaniel hlăm klei bi ƀuh êjai mlam. Leh anăn Y-Đaniel mpŭ mni kơ Aê Diê hlăm adiê.

Y-Đaniel 7:13

Kâo ƀuh hlăm klei bi ƀuh êjai mlam, nĕ anei mâo sa čô msĕ si Anak Mnuih hriê mbĭt hŏng knam mơ̆ng adiê. Ñu truh kơ Pô Dôk Hdĭp Mơ̆ng Ênuk Đưm, leh anăn arăng bi êdah Gơ̆ ti anăp Pô Dôk Hdĭp Mơ̆ng Ênuk Đưm.

Y-Đaniel 7:2

Y-Đaniel lač, “Êjai mlam kâo ƀuh hlăm klei bi ƀuh kâo snei: pă mta angĭn mơ̆ng adiê thut ti dlông êa ksĭ prŏng.

Y-Đaniel 8:10

Ñu hriê kơ prŏng mơh wăt phă phung kahan hlăm adiê; leh anăn ñu dlăm ti lăn ala đa đa hlăm phung kahan mtŭ leh anăn juă digơ̆.

Y-Đaniel 8:22

Bi kơ ki joh leh, mâo pă ƀĕ ki mkăn čăt hrô ñu bi hmô hŏng pă boh ƀuôn ala mtao kbiă mơ̆ng phung găp djuê ñu anăn, ƀiădah amâo mâo klei ktang msĕ si ñu ôh.

Y-Sakari 2:1

Kâo kngưr ală leh anăn dlăng, nĕ anei mâo sa čô êkei djă sa aruăt klei mkă!

Klei Bi Êdah 12:3

Mâo sa klei bi knăl mkăn bi êdah hlăm adiê; nĕ anei mâo sa drei anak rai prŏng hrah, mâo kjuh boh kŏ leh anăn pluh ƀĕ ki, leh anăn ti boh kŏ ñu mâo kjuh đuôn mtao.

Klei Bi Êdah 13:1

Leh anăn kâo ƀuh sa drei hlô dliê kbiă mơ̆ng êa ksĭ, mâo pluh ƀĕ ki leh anăn kjuh boh kŏ. Ti ki ñu mâo pluh boh đuôn mtao, leh anăn ti boh kŏ ñu mâo anăn klei blŭ dlao wač kơ Aê Diê.

Klei Bi Êdah 17:12

Pluh ƀĕ ki ih ƀuh anăn jing pluh čô mtao ka tuôm mă tŭ klei dưi kiă kriê ôh, ƀiădah diñu srăng mă tŭ klei dưi jing mtao êjai sa mông, mbĭt hŏng hlô dliê anăn.

Klei Bi Êdah 17:7

Ƀiădah dĭng buăl jăk lač kơ kâo, “Si ngă ih bi kngăr lĕ? Kâo srăng mblang kơ ih klei yuôm hgăm kơ mniê anăn, leh anăn kơ hlô dliê ñu đĭ mâo kjuh boh kŏ leh anăn pluh ƀĕ ki.

Klei Bi Êdah 17:8

Hlô dliê ih ƀuh anăn jing leh, leh anăn amâo lŏ jing ôh, leh anăn srăng kbiă mơ̆ng ƀăng êlam leh anăn nao kơ klei rai tuč. Leh anăn phung dôk ti lăn ala amâo mâo anăn čih leh hlăm hdruôm hră klei hdĭp mơ̆ng ênuk hrih lăn ala srăng bi kngăr êjai ƀuh hlô dliê anăn, kyuadah ñu jing leh, leh anăn amâo lŏ jing ôh, leh anăn ñu srăng lŏ hriê.