Y-Đaniel 7:6 - Klei Aê Diê Blŭ 2015

⁶ Êdei tinăn kâo dlăng leh anăn nĕ anei, mâo sa drei hlô dliê mkăn jing msĕ si êmông brêč; ti rŏng mâo pă pŏk siap čĭm. Hlô dliê anăn mâo pă boh kŏ; leh anăn arăng brei klei dưi kiă kriê kơ ñu.

Y-Đaniel 7:6 Iomraidhean Croise

Y-Êsêkiêl 17:3

Lač bĕ kơ diñu, ‘Snei Yêhôwa Aê Diê lač: Sa drei tlang prŏng mâo siap prŏng leh anăn mlâo siap dlông, mâo mlâo lu leh anăn lu mta êa truh kơ čar Liƀan leh anăn mă êdŭk ana kyâo sêdar;

Y-Đaniel 10:20

Leh anăn ñu lač, “Ih thâo mơ̆ ya ngă kâo hriê kơ ih? Ƀiădah ară anei kâo srăng lŏ wĭt bi blah hŏng khua čar Persơ; leh anăn tơdah kâo ruê̆ leh hŏng ñu, nĕ anei, khua čar Grĕk srăng hriê.

Y-Đaniel 2:39

Êdei kơ ih srăng mâo sa boh ƀuôn ala mtao mkăn amâo mđơr hŏng ih ôh, leh anăn lŏ mâo ƀuôn ala mtao tal tlâo bi hmô hŏng kông, srăng kiă kriê tar ƀar lăn ala.

Y-Đaniel 7:4

Hlô dliê tal sa jing msĕ si êmông gu leh anăn mâo siap tlang. Kâo dlăng tơl ƀuh arăng buč siap ñu, arăng rŭ ñu mơ̆ng lăn brei ñu dôk dơ̆ng hŏng dua ƀĕ jơ̆ng msĕ si mnuih; leh anăn arăng brei kơ ñu klei mĭn mnuih.

Y-Đaniel 7:5

Nĕ anei, mâo sa drei hlô dliê mkăn tal dua, jing msĕ si kgâo. Ñu dôk dơ̆ng hŏng jơ̆ng tluôn, leh anăn mâo tlâo ƀĕ klang grưh hlăm ƀăng êgei ñu ti krah griăng; leh anăn arăng lač kơ ñu, ‘Kgŭ ƀơ̆ng bĕ kđeh bi trei.’

Y-Ôsê 13:7

Snăn Kâo srăng ngă kơ diñu msĕ si sa drei êmông gu, msĕ si sa drei êmông brêč Kâo srăng kăp diñu ti djiêô êlan.

Klei Bi Êdah 13:2

Hlô dliê kâo ƀuh jing msĕ si êmông brêč, mâo jơ̆ng msĕ si jơ̆ng sa drei kgâo, leh anăn ƀăng êgei ñu jing msĕ si ƀăng êgei êmông gu. Anak rai brei kơ hlô dliê anăn klei myang, jhưng mtao, leh anăn klei dưi prŏng ñu pô.