Y-Đaniel 7:4 - Klei Aê Diê Blŭ 2015

⁴ Hlô dliê tal sa jing msĕ si êmông gu leh anăn mâo siap tlang. Kâo dlăng tơl ƀuh arăng buč siap ñu, arăng rŭ ñu mơ̆ng lăn brei ñu dôk dơ̆ng hŏng dua ƀĕ jơ̆ng msĕ si mnuih; leh anăn arăng brei kơ ñu klei mĭn mnuih.

Y-Đaniel 7:4 Iomraidhean Croise

II Y-Samuel 1:23

Y-Sôl leh anăn Y-Jônathan, phung arăng khăp leh anăn siam! Hlăm klei hdĭp leh anăn hlăm klei djiê, diñu amâo bi ktlah ôh; diñu pral hĭn kơ tlang, diñu ktang hĭn kơ êmông gu.

Y-Yôp 25:6

ƀai hĭn mnuih pô jing msĕ si ênăng, leh anăn anak mnuih msĕ si hluăt!”

Klei Mmuñ Hđăp 9:20

Bi huĭ diñu, Ơ Yêhôwa! Brei phung găp djuê thâo diñu jing knŏng mnuih! (Sêla)

Y-Yêrêmi 25:38

Msĕ si sa drei êmông gu, ñu srăng kbiă mơ̆ng hruh ñu, leh anăn čar diñu srăng jing ênguôl kyua đao gưm ƀơ̆ng snăk leh anăn kyua klei Ñu ngêñ hlơr ktang snăk.

Y-Yêrêmi 4:13

Nĕ anei, ñu hriê msĕ si biut knam, êdeh aseh ñu msĕ si angĭn đrŭng; jih jang aseh ñu jing pral hĭn kơ tlang. Knap mñai yơh kơ drei, kyuadah drei rai leh!

Y-Yêrêmi 4:7

Sa drei êmông gu kbiă đuĕ mơ̆ng hruh ñu, sa čô pô bi rai phung găp djuê mnuih kbiă leh; ñu hriê leh mơ̆ng anôk ñu čiăng bi rai čar diih; jih jang ƀuôn prŏng diih srăng jing kăm mnơ̆ng rai leh, amâo mâo mnuih dôk ôh.

Y-Yêrêmi 48:40

Kyuadah snei Yêhôwa lač: “Nĕ anei, sa čô srăng phiơr pral msĕ si sa drei tlang, leh anăn mblang siap ñu ngă kơ čar Môap.

Y-Yêrêmi 49:19

Nĕ anei, msĕ si sa drei êmông gu hriê mơ̆ng kmrơ̆ng kpal êa krông Yurdan čiăng nao kơ anôk lăn dap mdrŏng sah, bhiâo riâo rit Kâo srăng brei phung Êđôm êran đuĕ mơ̆ng čar, leh anăn Kâo srăng dưm khua kiă kriê hlei pô Kâo ruah. Kyuadah hlei pô jing msĕ si Kâo? hlei pô dưi bi kdơ̆ng hŏng Kâo? Hlei mgăt biăp dưi dôk dơ̆ng ti anăp Kâo?

Klei Čŏk Hia 4:19

Phung tiŏ drei jing pral hĭn kơ tlang grư̆ hlăm adiê, diñu tiŏ drei ti dlông čư̆, diñu kăp ngă kơ drei hlăm kdrăn tač.

Y-Êsêkiêl 17:3

Lač bĕ kơ diñu, ‘Snei Yêhôwa Aê Diê lač: Sa drei tlang prŏng mâo siap prŏng leh anăn mlâo siap dlông, mâo mlâo lu leh anăn lu mta êa truh kơ čar Liƀan leh anăn mă êdŭk ana kyâo sêdar;

Y-Êsêkiêl 28:2

“Ơ anak mnuih, lač bĕ kơ khua kiă kriê ƀuôn Tir, ‘Snei Yêhôwa Aê Diê lač: Kyuadah ai tiê ih mgao, ih lač, “Kâo jing sa čô yang, kâo dôk gŭ ti jhưng mtao sa čô yang ti krah êa ksĭ,” ƀiădah ih jing sa čô mnuih, amâo djŏ yang ôh, wăt tơdah ih yap ih pô jing knhâo msĕ si sa čô yang.

Y-Êsêkiêl 28:9

Hlăk anăn ih ăt srăng lač mơ̆, “Kâo jing sa čô yang,” ti anăp phung bi mdjiê ih? Ih srăng jing knŏng sa čô mnuih, amâo djŏ yang ôh, hlăm kngan phung bi mdjiê ih.

Y-Đaniel 2:38

Ñu jao leh hlăm kngan ih tar ƀar anôk phung anak mnuih, hlô mnơ̆ng hlăm dliê, leh anăn čĭm hlăm adiê, leh anăn brei ih kiă kriê jih jang diñu — ih jing boh kŏ anăn ngă hŏng mah.

Y-Đaniel 4:36

Mmông anăn klei thâo săng lŏ wĭt kơ kâo, leh anăn kyua klei guh kơang ƀuôn ala mtao kâo, klei kdrăm leh anăn klei guh kơang kâo lŏ wĭt kơ kâo. Phung khua kčĕ leh anăn phung khua bruă kâo lŏ duah kâo. Arăng lŏ bi kjăp kâo hlăm ƀuôn ala mtao kâo, leh anăn lŏ thiăm kơ kâo klei prŏng hĭn.

Y-Đaniel 7:12

Bi kơ jih jang hlô dliê mkăn anăn, arăng sua mă hĕ klei diñu dưi kiă kriê, ƀiădah arăng bi sui klei hdĭp diñu sa yan bi kčah leh.

Y-Đaniel 7:5

Nĕ anei, mâo sa drei hlô dliê mkăn tal dua, jing msĕ si kgâo. Ñu dôk dơ̆ng hŏng jơ̆ng tluôn, leh anăn mâo tlâo ƀĕ klang grưh hlăm ƀăng êgei ñu ti krah griăng; leh anăn arăng lač kơ ñu, ‘Kgŭ ƀơ̆ng bĕ kđeh bi trei.’

Y-Mathiơ 24:28

Ti anôk mâo asei mlei djiê, tinăn tlang grư̆ srăng bi kƀĭn.”

Klei Mtô Mñă Klei Bhiăn 28:49

Yêhôwa srăng atăt ba sa găp djuê mơ̆ng kbưi, mơ̆ng knhal lăn ala, pral msĕ si tlang phiơr, sa găp djuê diih amâo thâo săng klei blŭ ôh ngă kơ diih,

Klei Bi Êdah 13:2

Hlô dliê kâo ƀuh jing msĕ si êmông brêč, mâo jơ̆ng msĕ si jơ̆ng sa drei kgâo, leh anăn ƀăng êgei ñu jing msĕ si ƀăng êgei êmông gu. Anak rai brei kơ hlô dliê anăn klei myang, jhưng mtao, leh anăn klei dưi prŏng ñu pô.