Y-Đaniel 7:25 - Klei Aê Diê Blŭ 2015

²⁵ Ñu srăng blŭ bi kdơ̆ng hŏng Pô Ti Dlông Hĭn, leh anăn srăng dưi hŏng phung doh jăk Pô Ti Dlông Hĭn, leh anăn srăng mĭn bi mlih ênuk bi kčah leh anăn klei bhiăn; leh anăn arăng srăng jao phung doh jăk hlăm kngan ñu êjai sa yan, dua yan, leh anăn sa mkrah yan.

Y-Đaniel 7:25 Iomraidhean Croise

Y-Êsai 37:23

Kơ hlei pô ih mưč leh anăn dlao wač lĕ? Kơ hlei pô ih bi kdơ̆ng hŏng asăp ur leh anăn dlăng hŏng klei mgao? Kơ Pô Doh Jăk phung Israel yơh!

Y-Đaniel 11:28

Mtao čar Dưr srăng wĭt kơ čar ñu pô hŏng lu ngăn dŏ; ƀiădah ai tiê ñu mĭn bi kdơ̆ng hŏng klei bi mguôp doh jăk; ñu srăng ngă tui si ñu čiăng; leh anăn wĭt kơ čar ñu pô.

Y-Đaniel 12:7

Mnuih hơô ao kbuă điêt aruăt dôk ti dlông êa krông yơr kngan hnuă leh anăn kngan điâo ñu phă adiê, leh anăn kâo hmư̆ ñu kat asei hŏng pô dôk hdĭp nanao hlŏng lar, lač, “Srăng jing sa yan, dua yan, leh anăn mkrah yan; leh anăn tơdah klei ktang phung doh jăk arăng bi ruê̆ leh, jih klei anei srăng bi sĭt.”

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 3:26

Leh anăn Y-Nebukatnetsar nao giăm mbah kpur pui, lač, “Ơ Y-Sadrak, Mêsăk, leh anăn Y-Abetnêgô, phung dĭng buăl Aê Diê Pô Ti Dlông Hĭn, kbiă hriê bĕ!” Snăn Y-Sadrak, Y-Mêsăk, leh anăn Y-Abetnêgô kbiă mơ̆ng ti krah pui.

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 4:2

Kâo mĭn jăk bi êdah klei bi knăl leh anăn klei yuôm bhăn Aê Diê Pô Ti Dlông Hĭn ngă leh kơ kâo.

Y-Đaniel 4:25

arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô, leh anăn ih srăng msah hŏng êa nguôm mơ̆ng adiê êjai kjuh yan, tơl ih thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn brei klei kiă kriê anăn kơ hlei pô Ñu čiăng.

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 7:18

Ƀiădah phung doh jăk Pô Ti Dlông Hĭn srăng mă tŭ ƀuôn ala mtao, leh anăn srăng mâo ƀuôn ala mtao nanao hlŏng lar hlăm jih jang ênuk.’

Y-Đaniel 7:20

leh anăn djŏ kơ pluh ƀĕ ki ti boh kŏ ñu, leh anăn kơ sa ƀĕ ki mkăn čăt, ti anăp ki anăn tlâo ƀĕ ki mkăn lĕ leh, ki anăn mâo ală leh anăn ƀăng êgei blŭ klei mgao, leh anăn dlăng ñu msĕ si ktang hĭn kơ phung ki mkăn.

Y-Đaniel 7:8

Êjai kâo ksiêm phung ki anăn, nĕ anei mâo sa ƀĕ ki điêt mkăn čăt ti krah phung ki anăn, leh anăn arăng buč hĕ tlâo ƀĕ ki hlăm phung ki mâo êlâo ti anăp ki điêt anăn. Nĕ anei, ki anăn mâo ală msĕ si ală mnuih leh anăn ƀăng êgei blŭ hŏng klei mgao.

Y-Đaniel 8:11

Ñu bi mđĭ ñu pô jing mđơr hŏng Khua kơ phung kahan. Ñu mă hĕ klei myơr mnơ̆ng myơr čuh nanao mơ̆ng Khua kơ phung kahan leh anăn mdlưh hĕ adŭ doh jăk Gơ̆.

Y-Đaniel 8:14

Gơ̆ lŏ wĭt lač kơ kâo, “Êjai dua êbâo tlâo êtuh tlam leh anăn aguah; hlăk anăn arăng srăng lŏ mdơ̆ng adŭ doh jăk.”

Y-Đaniel 8:9

Mơ̆ng sa ƀĕ hlăm pă ki anăn mâo sa ƀĕ ki điêt čăt, ñu hriê kơ prŏng snăk phă dhŭng, phă ngŏ, leh anăn phă Čar Guh Kơang.

Y-Đaniel 9:27

Khua srăng truh êdei anăn srăng ngă klei bi mguôp kjăp hŏng lu mnuih êjai sa hruê kăm, ƀiădah ti krah sa hruê kăm anăn ñu srăng brei arăng lui hĕ klei ngă yang leh anăn klei myơr mnơ̆ng myơr čuh. Pô bi truh klei ênguôl srăng mdơ̆ng mnơ̆ng bi êmut kheh ti anôk Aê Diê tuh ti dlông pô bi truh klei ênguôl anăn klei knhal tuč Ñu čuăn leh.”

Y-Ôsê 7:16

Diñu amâo wir kơ pô ti dlông hĭn ôh, diñu jing msĕ si hna amâo mnah kpă ôh. Khua diñu srăng êbuh hŏng đao gưm kyua êlah diñu blŭ mgao. Klei anăn srăng brei arăng djă djik djak kơ diñu hlăm čar Êjip.

II Têsalônik 2:3

Đăm brei arăng duah mplư diih ôh; kyuadah hruê anăn amâo srăng truh ôh êlâo kơ Mnuih Soh bi êdah, pô anei pioh leh kơ rai luč.

II Têsalônik 2:4

Pô anăn srăng bi kdơ̆ng leh anăn bi mđĭ ñu pô ti dlông hĭn kơ jih jang arăng pia yang amâodah kơ mnơ̆ng arăng kkuh mpŭ, tơl ñu dôk gŭ hlăm sang yang Aê Diê leh anăn hưn kơ ñu pô jing Aê Diê.

II Têsalônik 2:8

Hlăk anăn pô soh srăng bi êdah, leh anăn Khua Yang Yêsu srăng bi mdjiê gơ̆ hŏng êwa mơ̆ng ƀăng êgei Ñu pô, leh anăn srăng bi rai gơ̆ hŏng klei guh kơang klei Ñu hriê.

Klei Bi Êdah 12:14

Ƀiădah arăng brei kơ mniê anăn dua pŏk siap tlang prŏng, čiăng kơ ñu dưi phiơr đuĕ mơ̆ng ala nao kơ kdrăn tač, ti anôk arăng srăng čiêm ñu êjai sa ênuk, đa đa ênuk leh anăn sa mkrah ênuk.

Klei Bi Êdah 12:6

Leh anăn mniê anăn đuĕ hlăm kdrăn tač; tinăn ñu mâo anôk Aê Diê mkra leh, čiăng kơ ñu dưi mâo mnơ̆ng ƀơ̆ng huă êjai sa êbâo dua êtuh năm pluh hruê.

Klei Bi Êdah 14:12

Tinei yơh bi mâo hĕ klei gĭr kơ phung doh jăk, phung djă pioh kjăp klei Aê Diê mtă leh anăn klei đăo kơ Yêsu.

Klei Bi Êdah 16:6

Kyuadah phung mnuih tuh leh êrah phung doh jăk leh anăn phung khua pô hưn êlâo, leh anăn Ih brei leh kơ diñu mnăm êrah. Diñu năng kơ klei anăn.!”

Klei Bi Êdah 17:6

Kâo ƀuh mniê anăn ruă hŏng êrah phung doh jăk leh anăn êrah phung hưn bi sĭt kơ Yêsu. Tơdah kâo ƀuh ñu kâo bi kngăr snăk.

Klei Bi Êdah 18:24

Leh anăn hlăm ñu arăng ƀuh êrah phung khua pô hưn êlâo leh anăn phung doh jăk, leh anăn jih jang phung arăng bi mdjiê leh ti lăn ala.”