Y-Đaniel 7:22 - Klei Aê Diê Blŭ 2015

²² tơl Pô Dôk Hdĭp Mơ̆ng Ênuk Đưm truh leh anăn brei klei phat kđi kyua phung doh jăk Pô Ti Dlông Hĭn, leh anăn ênuk truh tơdah phung doh jăk mă tŭ ƀuôn ala mtao.

Y-Đaniel 7:22 Iomraidhean Croise

Klei Mmuñ Hđăp 149:5

Brei phung doh jăk hơ̆k mơak hŏng klei guh kơang; brei diñu mmuñ hơ̆k ti jhưng pĭt diñu.

Y-Êsai 63:4

Kyuadah ai tiê Kâo mĭn kơ hruê rŭ ênua, leh anăn thŭn Kâo bi tui truh leh.

Y-Đaniel 7:18

Ƀiădah phung doh jăk Pô Ti Dlông Hĭn srăng mă tŭ ƀuôn ala mtao, leh anăn srăng mâo ƀuôn ala mtao nanao hlŏng lar hlăm jih jang ênuk.’

Y-Đaniel 7:23

Snei ñu lač: ‘Bi kơ hlô dliê tal pă, si tô hmô srăng mâo ƀuôn ala mtao tal pă ti lăn ala srăng jing mdê hŏng jih jang ƀuôn ala mtao mkăn, leh anăn ñu srăng hiêk ƀơ̆ng jih lăn ala. Ñu srăng juă leh anăn bi mčah jih lăn ala.

Y-Mathiơ 19:28

Yêsu lač kơ digơ̆, “Sĭt nik Kâo lač kơ diih, hlăm ênuk lŏ bi mrâo, tơdah Anak Mnuih srăng dôk gŭ ti jhưng mtao guh kơang Ñu, diih phung tui hlue leh Kâo srăng dôk gŭ msĕ mơh ti pluh dua boh jhưng mtao, phat kđi pluh dua găp djuê phung Israel.

II Têsalônik 2:8

Hlăk anăn pô soh srăng bi êdah, leh anăn Khua Yang Yêsu srăng bi mdjiê gơ̆ hŏng êwa mơ̆ng ƀăng êgei Ñu pô, leh anăn srăng bi rai gơ̆ hŏng klei guh kơang klei Ñu hriê.

Klei Bi Êdah 1:6

leh anăn mjing drei sa boh ƀuôn ala mtao, phung khua ngă yang kơ Aê Diê, Ama Ñu, kơ Ñu yơh brei klei guh kơang leh anăn klei dưi kiă kriê nanao hlŏng lar. Amen.

Klei Bi Êdah 20:4

Kâo ƀuh lu boh jhưng mtao, leh anăn Aê Diê brei kơ phung dôk gŭ tinăn klei dưi phat kđi. Kâo ƀuh msĕ mơh mngăt phung arăng khăt kkuê leh kyua diñu hưn klei Yêsu, kyua klei Aê Diê blŭ, kăn tuôm kkuh mpŭ kơ hlô dliê amâodah kơ rup ñu, leh anăn kăn tuôm mă tŭ klei čih mrô ñu ti adhei amâodah ti kngan diñu. Diñu kbiă lŏ hdĭp leh anăn kiă kriê mbĭt hŏng Krist êjai sa êbâo thŭn.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.

Klei Bi Êdah 5:10

Ih mjing digơ̆ leh sa boh ƀuôn ala mtao leh anăn phung khua ngă yang kơ Aê Diê drei, leh anăn diñu srăng kiă kriê ti lăn ala.”