Y-Đaniel 7:18 - Klei Aê Diê Blŭ 2015

¹⁸ Ƀiădah phung doh jăk Pô Ti Dlông Hĭn srăng mă tŭ ƀuôn ala mtao, leh anăn srăng mâo ƀuôn ala mtao nanao hlŏng lar hlăm jih jang ênuk.’

Y-Đaniel 7:18 Iomraidhean Croise

Klei Mmuñ Hđăp 45:16

Phung anak êkei ih srăng hrô anôk phung aê ih, ih srăng mdưm digơ̆ jing anak mtao dôk tar ƀar čar.

Klei Mmuñ Hđăp 49:14

Diñu jing msĕ si sa phung biăp čuăn pioh kơ Ƀuôn Phung Djiê, Klei Djiê srăng jing mgăt diñu; tơdah truh aguah phung kpă srăng mâo klei dưi kiă kriê diñu; klei siam diñu srăng brŭ rai hlăm ƀuôn phung djiê.

Y-Êsai 14:2

Phung găp djuê mnuih srăng mă phung Israel leh anăn atăt diñu kơ anôk diñu pô. Leh anăn sang Israel srăng yua digơ̆ hlăm čar Yêhôwa jing dĭng buăl êkei leh anăn mniê. Phung Israel srăng mă mjing mnă phung mjing diñu mnă leh, leh anăn diñu srăng kiă kriê phung ktư̆ juă diñu leh.

Y-Đaniel 7:14

Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Đaniel 7:17

‘Pă drei hlô dliê prŏng anăn bi hmô hŏng pă čô mtao srăng kbiă hriê ti lăn ala.

Y-Đaniel 7:22

tơl Pô Dôk Hdĭp Mơ̆ng Ênuk Đưm truh leh anăn brei klei phat kđi kyua phung doh jăk Pô Ti Dlông Hĭn, leh anăn ênuk truh tơdah phung doh jăk mă tŭ ƀuôn ala mtao.

Y-Đaniel 7:25

Ñu srăng blŭ bi kdơ̆ng hŏng Pô Ti Dlông Hĭn, leh anăn srăng dưi hŏng phung doh jăk Pô Ti Dlông Hĭn, leh anăn srăng mĭn bi mlih ênuk bi kčah leh anăn klei bhiăn; leh anăn arăng srăng jao phung doh jăk hlăm kngan ñu êjai sa yan, dua yan, leh anăn sa mkrah yan.

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Apđia 1:17

Ƀiădah srăng mâo phung tlaih dôk ti čư̆ Siôn, čư̆ anăn srăng jing doh jăk; leh anăn sang Yakôp srăng lŏ mâo čar diñu pô.

Y-Luk 1:33

Ñu srăng kiă kriê găp djuê Y-Yakôp nanao hlŏng lar, leh anăn ƀuôn ala mtao Ñu amâo srăng thâo tuč ôh.”

I Kôrantô 6:2

Diih amâo thâo hĕ phung doh jăk yơh srăng phat kđi lăn ala? Leh anăn tơdah diih srăng phat kđi lăn ala, diih amâo dưi hĕ phat kđi klei đơ điêt?

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

Êphêsô 6:12

Kyuadah drei amâo bi kdơ̆ng hŏng kđeh leh anăn êrah ôh, ƀiădah hŏng phung khua kiă kriê, hŏng phung mâo klei dưi, hŏng phung khua mtao lăn ala ênuk mmăt anei, hŏng phung yang jhat ƀai dôk hlăm jih adiê.

Klei Bi Êdah 20:4

Kâo ƀuh lu boh jhưng mtao, leh anăn Aê Diê brei kơ phung dôk gŭ tinăn klei dưi phat kđi. Kâo ƀuh msĕ mơh mngăt phung arăng khăt kkuê leh kyua diñu hưn klei Yêsu, kyua klei Aê Diê blŭ, kăn tuôm kkuh mpŭ kơ hlô dliê amâodah kơ rup ñu, leh anăn kăn tuôm mă tŭ klei čih mrô ñu ti adhei amâodah ti kngan diñu. Diñu kbiă lŏ hdĭp leh anăn kiă kriê mbĭt hŏng Krist êjai sa êbâo thŭn.

Klei Bi Êdah 22:5

Amâo srăng lŏ mâo mlam ôh. Digơ̆ amâo lŏ čiăng kơ klei mngač pui kđen amâodah yang hruê ôh, kyuadah Khua Yang Aê Diê srăng jing klei mngač kơ digơ̆. Leh anăn digơ̆ srăng kiă kriê hlăm jih jang ênuk.

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.

Klei Bi Êdah 5:10

Ih mjing digơ̆ leh sa boh ƀuôn ala mtao leh anăn phung khua ngă yang kơ Aê Diê drei, leh anăn diñu srăng kiă kriê ti lăn ala.”