Y-Đaniel 7:16 - Klei Aê Diê Blŭ 2015

¹⁶ Kâo nao giăm sa čô hlăm phung dôk dơ̆ng tinăn, leh anăn êmuh ñu kơ klei mblang sĭt hlăm jih klei anei. Snăn ñu hưn kơ kâo leh anăn brei kâo thâo săng klei mblang kơ klei anăn:

Y-Đaniel 7:16 Iomraidhean Croise

Y-Đaniel 7:10

Mâo êa krông pui đoh kbiă mơ̆ng ti anăp Ñu. Lu êbâo čô mă bruă kơ Ñu, leh anăn lu klăk klai čô dôk ti anăp Ñu. Phung phat kđi dôk gŭ phat kđi leh anăn arăng pŏk leh lu hdruôm hră.

Y-Đaniel 7:17

‘Pă drei hlô dliê prŏng anăn bi hmô hŏng pă čô mtao srăng kbiă hriê ti lăn ala.

Y-Đaniel 8:17

Snăn gơ̆ hriê giăm anôk kâo dôk dơ̆ng. Tơdah gơ̆ truh, kâo huĭ leh anăn buôn kŭp ti lăn. Ƀiădah gơ̆ lač kơ kâo, “Brei ih thâo săng, Ơ anak mnuih, klei bi ƀuh anăn djŏ kơ ênuk knhal tuč.”

Y-Đaniel 9:22

Ñu hriê lač kơ kâo, “Ơ Y-Đaniel, kâo hriê ară anei čiăng brei klei thâo mĭn leh anăn klei thâo săng kơ ih.

Y-Sakari 1:19

Kâo lač kơ dĭng buăl jăk pô blŭ hŏng kâo, “Si tô hmô mnơ̆ng anei?” Leh anăn ñu lŏ wĭt lač kơ kâo, “Anei jing ki bi bra đuĕ leh phung Yuđa, phung Israel, leh anăn phung Yêrusalem.”

Y-Sakari 2:3

Nĕ anei, dĭng buăl jăk pô blŭ hŏng kâo nao phă anăp, leh anăn sa čô dĭng buăl jăk mkăn hriê bi tuôm hŏng ñu,

Y-Sakari 3:7

“Snei Yêhôwa kơ phung kahan lač: ‘Tơdah ih srăng êbat hlăm êlan Kâo leh anăn djă pioh klei Kâo mtă, snăn ih srăng kiă kriê sang Kâo leh anăn wăl sang Kâo, leh anăn Kâo srăng brei ih klei dưi mŭt ti krah phung dôk dơ̆ng tinei.

Klei Bi Êdah 5:5

Leh anăn sa čô hlăm phung khua mduôn lač kơ kâo, “Đăm hia ôh; nĕ anei, Êmông Gu găp djuê Yuđa, Kƀiêng Y-Đawit dưi leh, Ñu yơh dưi pŏk hdruôm hră klĭt anăn leh anăn ruh kjuh mnơ̆ng kđăm ñu.”