Y-Đaniel 7:14 - Klei Aê Diê Blŭ 2015

¹⁴ Aê Diê brei kơ Gơ̆ klei dưi kiă kriê, klei guh kơang leh anăn ƀuôn ala mtao, čiăng kơ jih jang phung ƀuôn sang, phung găp djuê mnuih, leh anăn phung blŭ klei mdê mdê srăng mă bruă kơ Ñu. Klei Ñu kiă kriê dôk nanao hlŏng lar, amâo srăng êgao tuč ôh, leh anăn ƀuôn ala mtao Ñu amâo srăng rai ôh.”

Y-Đaniel 7:14 Iomraidhean Croise

Klei Mmuñ Hđăp 102:22

tơdah phung ƀuôn sang bi kƀĭn mbĭt hŏng lu ƀuôn ala mtao čiăng kkuh mpŭ kơ Yêhôwa.

Klei Mmuñ Hđăp 103:19

Yêhôwa mdơ̆ng leh jhưng mtao Ñu hlăm jih adiê; leh anăn ƀuôn ala mtao Ñu kiă kriê jih jang mnơ̆ng.

Klei Mmuñ Hđăp 145:13

Ƀuôn ala mtao Ih jing ƀuôn ala mtao hlŏng lar, leh anăn klei Ih kiă kriê dôk hlăm jih jang ênuk. Yêhôwa jing sĭt suôr hŏng jih klei Ñu ƀuăn, leh anăn khăp kơ jih jang mnơ̆ng Ñu hrih.

Klei Mmuñ Hđăp 146:10

Yêhôwa srăng kiă kriê hlŏng lar, Aê Diê ih, Ơ ƀuôn Siôn, kiă kriê hlăm jih jang ênuk. Bi mni bĕ kơ Yêhôwa!

Klei Mmuñ Hđăp 45:6

Jhưng mtao Ih, Ơ Aê Diê, srăng dôk nanao hlŏng lar. Giê mtao ƀuôn ala mtao Ih jing giê mtao klei kpă;

Klei Mmuñ Hđăp 72:11

Brei jih jang phung mtao buôn ti anăp ñu, brei jih jang găp djuê mă bruă kơ ñu!

Klei Mmuñ Hđăp 72:17

Brei anăn ñu dôk hlŏng lar, brei klei hing ang ñu ăt dôk êjai yang hruê ăt dôk. Brei jih jang găp djuê mnuih mâo klei jăk jĭn kyua ñu, brei jih jang digơ̆ hơêč hmưi kơ ñu.

Klei Mmuñ Hđăp 8:6

Ih brei ñu kiă kriê jih bruă kngan Ih ngă leh; Ih dưm jih jang mnơ̆ng ti gŭ jơ̆ng ñu leh,

Y-Êsai 16:5

Arăng srăng mdơ̆ng sa boh jhưng mtao hŏng klei jăk, leh anăn sa čô srăng dôk gŭ ti jhưng anăn hŏng klei sĭt suôr, sa čô mơ̆ng sang čhiăm Y-Đawit, sa čô phat kđi duah klei djŏ, leh anăn djăl ngă klei kpă ênô.

Y-Êsai 60:12

Kyuadah găp djuê leh anăn ƀuôn ala mtao amâo čiăng mă bruă kơ ih ôh srăng rai tuč; arăng srăng bi rai hĕ phung găp djuê anăn jih nguêč.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Đaniel 2:35

Leh anăn msei, lăn lŭ, kông, prăk, leh anăn mah mčah mđrăm mbĭt, leh anăn jing msĕ si kam ti anôk juă mdiê êjai yan bhang, leh anăn angĭn mđung kpuh diñu, snăn amâo lŏ ƀuh diñu ôh hơăi. Ƀiădah boh tâo bi mčah rup tuh anăn hriê kơ prŏng jing sa boh čư̆ prŏng leh anăn bi bŏ tar ƀar lăn ala.

Y-Đaniel 2:37

Ơ mtao, ih jing mtao kơ phung mtao, pô Aê Diê hlăm adiê brei leh ƀuôn ala mtao, klei dưi, klei ktang, leh anăn klei guh kơang.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Đaniel 3:4

Sa čô dĭng buăl mtao hưn kraih, “Ơ jih jang phung ƀuôn sang, phung găp djuê mnuih, leh anăn phung blŭ klei mdê mdê, nĕ anei klei mtă kơ diih:

Y-Đaniel 4:3

Klei bi knăl Ñu prŏng snăk, klei yuôm bhăn Ñu ktang êdi! Ƀuôn ala mtao Ñu dôk nanao hlŏng lar, leh anăn klei Ñu kiă kriê dôk hlăm jih jang ênuk.”

Y-Đaniel 6:26

Kâo brei klei mtă tar ƀar anôk hlăm ƀuôn ala mtao kâo brei mnuih ktư̆ yơ̆ng leh anăn huĭ ti anăp Aê Diê Y-Đaniel, Kyuadah Ñu jing Aê Diê hdĭp, Ñu dôk hlŏng lar; ƀuôn ala mtao Ñu amâo thâo rai tuč ôh, leh anăn klei Ñu kiă kriê srăng dôk hlŏng lar.

Y-Đaniel 7:18

Ƀiădah phung doh jăk Pô Ti Dlông Hĭn srăng mă tŭ ƀuôn ala mtao, leh anăn srăng mâo ƀuôn ala mtao nanao hlŏng lar hlăm jih jang ênuk.’

Y-Đaniel 7:27

Leh anăn arăng srăng jao ƀuôn ala mtao, klei dưi kiă kriê, leh anăn klei prŏng jih jang ƀuôn ala mtao ti gŭ jih adiê kơ phung doh jăk, phung ƀuôn sang Pô Ti Dlông Hĭn. Ƀuôn ala mtao Ñu srăng jing ƀuôn ala mtao dôk hlŏng lar, leh anăn jih jang phung kiă kriê srăng mă bruă leh anăn gưt kơ Ñu.’

Y-Apđia 1:21

Phung bi mtlaih srăng đĭ čư̆ Siôn čiăng kiă kriê čư̆ Êsâo. Leh anăn ƀuôn ala mtao srăng jing dŏ Yêhôwa.

Y-Mika 4:7

Kâo srăng brei phung đŏng dlơt jơ̆ng jing phung adôk, leh anăn brei phung arăng suôt leh jing sa găp djuê jhŏng ktang; leh anăn Yêhôwa srăng kiă kriê diñu ti čư̆ Siôn mơ̆ng anăn hlŏng lar.

Y-Mathiơ 11:27

Jih jang mnơ̆ng Ama Kâo jao leh kơ Kâo; amâo mâo pô thâo kral Anak ôh, knŏng hjăn Ama yơh; leh anăn amâo mâo pô thâo kral Ama ôh, knŏng hjăn Anak leh anăn kơ hlei pô Anak ruah bi êdah Ama kơ ñu.

Y-Mathiơ 28:18

Yêsu nao giăm diñu leh anăn lač, “Jih jang klei dưi hlăm adiê leh anăn ti lăn ala arăng jao leh kơ Kâo.

Y-Luk 1:33

Ñu srăng kiă kriê găp djuê Y-Yakôp nanao hlŏng lar, leh anăn ƀuôn ala mtao Ñu amâo srăng thâo tuč ôh.”

Y-Luk 10:22

Jih jang mnơ̆ng Ama Kâo jao leh kơ Kâo. Amâo mâo pô thâo kral Anak ôh, knŏng hjăn Ama thâo; kăn mâo pô thâo kral Ama rei, knŏng hjăn Anak thâo, leh anăn kơ hlei pô Anak čiăng bi êdah Ama kơ ñu.”

Y-Yôhan 12:34

Phung lu lŏ wĭt lač kơ Ñu, “Hmei hriăm leh hlăm klei bhiăn kơ Yang Krist dôk nanao hlŏng lar. Si Ih dưi lač arăng srăng yơr Anak Mnuih ti dlông lĕ? Hlei Anak Mnuih anăn?”

Y-Yôhan 3:35

Ama khăp kơ Anak leh anăn jao leh jih jang mnơ̆ng hlăm kngan Ñu sơăi.

Hêbrơ 12:28

Kyua anăn brei drei hdơr knga kyua drei mă tŭ leh ƀuôn ala mtao arăng amâo dưi êyuh ôh. Snăn brei drei myơr kơ Aê Diê klei kkuh mpŭ bi mơak kơ Ñu hŏng klei mpŭ leh anăn klei huĭ.

I Y-Pêtrôs 3:22

Yêsu Krist đĭ leh kơ adiê leh anăn dôk tĭng hnuă kơ Aê Diê. Phung dĭng buăl jăk, phung khua kiă kriê, leh anăn phung khua prŏng myang mŭt đup gưt leh kơ Ñu sơăi.

Klei Bi Êdah 1:6

leh anăn mjing drei sa boh ƀuôn ala mtao, phung khua ngă yang kơ Aê Diê, Ama Ñu, kơ Ñu yơh brei klei guh kơang leh anăn klei dưi kiă kriê nanao hlŏng lar. Amen.

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 17:14

Diñu srăng bi blah hŏng Êđai Biăp, leh anăn Êđai Biăp srăng dưi hŏng diñu, kyuadah Gơ̆ jing Khua Yang kơ jih jang phung khua yang leh anăn Mtao kơ jih jang phung mtao, leh anăn phung dôk mbĭt hŏng Gơ̆ jing phung Aê Diê iêô leh, ruah leh, leh anăn jing phung sĭt suôr.”

Klei Bi Êdah 3:21

Hlei pô dưi, Kâo srăng brei ñu dôk gŭ mbĭt hŏng Kâo ti jhưng mtao Kâo, msĕ si Kâo pô dưi leh, leh anăn dôk gŭ leh mbĭt hŏng Ama Kâo ti jhưng mtao Ñu.