Y-Đaniel 7:12 - Klei Aê Diê Blŭ 2015

¹² Bi kơ jih jang hlô dliê mkăn anăn, arăng sua mă hĕ klei diñu dưi kiă kriê, ƀiădah arăng bi sui klei hdĭp diñu sa yan bi kčah leh.

Y-Đaniel 7:12 Iomraidhean Croise

Y-Đaniel 7:11

Hlăk anăn kâo dôk dlăng kyua klei mgao ki anăn blŭ. Êjai kâo dlăng arăng bi mdjiê hlô dliê anăn, bi rai asei mlei ñu, leh anăn jao ñu brei pui ƀơ̆ng hĕ.

Y-Đaniel 7:13

Kâo ƀuh hlăm klei bi ƀuh êjai mlam, nĕ anei mâo sa čô msĕ si Anak Mnuih hriê mbĭt hŏng knam mơ̆ng adiê. Ñu truh kơ Pô Dôk Hdĭp Mơ̆ng Ênuk Đưm, leh anăn arăng bi êdah Gơ̆ ti anăp Pô Dôk Hdĭp Mơ̆ng Ênuk Đưm.

Y-Đaniel 8:7

Kâo ƀuh ñu truh giăm biăp knô, leh anăn ñu ngêñ snăk kơ gơ̆, leh anăn mnuh biăp knô leh anăn bi joh hĕ dua ƀĕ ki gơ̆, tơl biăp knô amâo mâo klei ktang dưi bi kdơ̆ng hŏng ñu ôh. Bê knô bi êbuh gơ̆ ti lăn leh anăn juă gơ̆; leh anăn amâo mâo mnuih dưi bi mtlaih biăp knô anăn mơ̆ng klei ktang ñu ôh.