Y-Đaniel 7:10 - Klei Aê Diê Blŭ 2015

¹⁰ Mâo êa krông pui đoh kbiă mơ̆ng ti anăp Ñu. Lu êbâo čô mă bruă kơ Ñu, leh anăn lu klăk klai čô dôk ti anăp Ñu. Phung phat kđi dôk gŭ phat kđi leh anăn arăng pŏk leh lu hdruôm hră.

Y-Đaniel 7:10 Iomraidhean Croise

I Bruă Mtao 22:19

Leh anăn Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng ti djiêô Ñu, tĭng hnuă leh anăn tĭng điâo Ñu.

II Klei Yăl Dliê 18:18

Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh leh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng tĭng hnuă leh anăn tĭng điâo Ñu;

Y-Yôp 25:3

Hlei pô dưi yap phung kahan Ñu? Hlei pô dưi tlaih mơ̆ng klei mngač Ñu mtrang?

Klei Mmuñ Hđăp 103:21

Mpŭ mni bĕ kơ Yêhôwa, Ơ diih jih jang phung kahan adiê, jing phung dĭng buăl Ñu ngă klei Ñu čiăng.

Klei Mmuñ Hđăp 18:8

Săp pui kbiă mơ̆ng ƀăng adŭng Ñu, pui trơ̆ng leh anăn anghar pui kbiă mơ̆ng ƀăng êgei Ñu;

Klei Mmuñ Hđăp 50:3

Aê Diê drei hriê, Ñu amâo dôk ñăt ôh, ti anăp Aê Diê mâo pui trơ̆ng, jŭm Ñu mâo angĭn êbŭ ktang.

Klei Mmuñ Hđăp 68:17

Hŏng lu klăk klai êdeh aseh; Khua Yang hriê mơ̆ng čư̆ Sinai truh kơ anôk doh jăk Ñu.

Y-Êsai 30:27

Nĕ anei, Anăn Yêhôwa hriê mơ̆ng kbưi hŏng klei Ñu ngêñ hlơr leh anăn hŏng săp pui kpal đĭ. Ƀăng êgei Ñu bŏ hŏng klei ngêñ, leh anăn êlah Ñu jing msĕ si pui trơ̆ng.

Y-Êsai 30:33

Kyuadah mơ̆ng sui leh arăng mkra anôk čuh. Sĭt nik Yêhôwa mkra ñu kơ mtao Asyri, anôk čuh anăn êlam leh anăn ƀai, mâo pui leh anăn djuh lu, êwa Yêhôwa msĕ si hnoh boh tâo pui srăng kuč brei pui trơ̆ng.

Y-Đaniel 12:1

“Hlăm ênuk anăn Y-Mikel, khua prŏng dôk kiă kriê phung ƀuôn sang ih, srăng kgŭ. Leh anăn srăng mâo ênuk rŭng răng amâo tuôm mâo ôh msĕ snăn dơ̆ng mơ̆ng phŭn mâo găp djuê mnuih truh ti ênuk anăn. Ƀiădah ênuk anăn phung ƀuôn sang ih srăng tlaih, grăp čô mâo anăn čih leh hlăm hdruôm hră Aê Diê.

Y-Đaniel 7:22

tơl Pô Dôk Hdĭp Mơ̆ng Ênuk Đưm truh leh anăn brei klei phat kđi kyua phung doh jăk Pô Ti Dlông Hĭn, leh anăn ênuk truh tơdah phung doh jăk mă tŭ ƀuôn ala mtao.

Y-Đaniel 7:26

Ƀiădah phung phat kđi srăng dơ̆ng phat kđi, leh anăn arăng srăng mă hĕ klei ñu dưi kiă kriê, čiăng bi rai bi luč hĕ hlŏng lar.

Y-Sakari 14:5

Diih srăng êran đuĕ hŏng tlung čư̆ Kâo, kyuadah tlung čư̆ srăng truh ti anôk Asel. Diih srăng êran đuĕ msĕ si diih đuĕ leh mơ̆ng klei yơ̆ng lăn ala hlăm ênuk Y-Usia mtao čar Yuđa. Hlăk anăn Yêhôwa Aê Diê kâo srăng hriê, leh anăn jih jang phung doh jăk mbĭt hŏng ñu.

Y-Mathiơ 25:31

“Tơdah Anak Mnuih srăng hriê hlăm klei guh kơang Ñu mbĭt hŏng jih jang phung dĭng buăl jăk, hlăk anăn Ñu srăng dôk gŭ ti dlông jhưng mtao guh kơang Ñu.

Klei Mtô Mñă Klei Bhiăn 33:2

Ñu lač, “Yêhôwa hriê leh mơ̆ng čư̆ Sinai, leh anăn kgŭ ti krah diñu mơ̆ng čư̆ Sêir; Ñu mtrang kmlăi mơ̆ng čư̆ Paran, Ñu kbiă hriê mơ̆ng krah lu êbâo čô phung doh jăk, mơ̆ng kngan hnuă Ñu, kbiă pui trơ̆ng klei bhiăn kơ diñu.

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Hêbrơ 12:22

Ƀiădah diih nao leh kơ čư̆ Siôn leh anăn kơ ƀuôn Aê Diê hdĭp, ƀuôn Yêrusalem hlăm adiê, leh anăn kơ lu klăk klai dĭng buăl jăk hlăm klei bi kƀĭn hơ̆k mơak.

Y-Yut 1:14

Kơ diñu msĕ mơh Y-Ênŏk, jing pô tal kjuh mơ̆ng Y-Ađam, hưn êlâo leh, lač, “Nĕ anei Khua Yang truh leh hŏng lu klăk klai phung doh jăk Ñu,

Klei Bi Êdah 11:18

Phung găp djuê mnuih ăl, ƀiădah klei Ih ngêñ truh leh, leh anăn mông phat kđi kơ phung djiê truh leh, čiăng mưn phung dĭng buăl Ih, phung khua pô hưn êlâo leh anăn phung doh jăk, leh anăn phung huĭ mpŭ kơ anăn Ih, phung điêt wăt phung prŏng, leh anăn čiăng bi rai phung bi rai lăn ala.”

Klei Bi Êdah 5:11

Kâo dlăng, leh anăn kâo hmư̆ asăp lu klăk klai leh anăn lu êbâo dĭng buăl jăk arăng amâo dưi yap ôh dôk jŭm dar jhưng mtao, mnơ̆ng hdĭp, leh anăn phung khua mduôn.