Y-Đaniel 6:8 - Klei Aê Diê Blŭ 2015

⁸ Ară anei, Ơ mtao, ngă bĕ klei ghă anăn leh anăn čih anăn ih hlăm hră, čiăng kơ klei anăn amâo dưi bi mlih ôh, tui si klei bhiăn phung Mêdơ leh anăn phung Persơ, amâo dưi bi mlih ôh.”

Y-Đaniel 6:8 Iomraidhean Croise

H'Êsther 1:19

Tơdah mtao mĭn jăk, brei mtao mtă sa klei, leh anăn brei arăng čih klei mtă anăn hlăm klei bhiăn phung Persơ leh anăn phung Mêdơ čiăng đăm arăng dưi bi mlih ôh, kơ H'Wasti amâo dưi lŏ hriê ti anăp Mtao Asuêrus ôh; leh anăn brei mtao jao klei jing mtao mniê kơ pô mkăn jăk hĭn kơ gơ̆.

H'Êsther 3:12

Snăn arăng iêô phung khua čih hră kơ mtao hlăm hruê tal pluh tlâo mlan tal sa, leh anăn arăng čih klei bhiăn tui si jih jang klei Y-Haman mtă leh kơ phung khua dĭng ktang mtao leh anăn kơ phung khua jih jang čar, leh anăn kơ phung khua hlăm jih jang phung ƀuôn sang, kơ grăp boh čar hŏng klei čih čar anăn leh anăn kơ grăp phung ƀuôn sang tui si klei blŭ digơ̆ pô. Arăng čih klei anăn hŏng anăn Mtao Asuêrus, leh anăn kđăm hŏng krah mtao.

H'Êsther 8:10

Y-Môrdêkai čih klei anăn hlăm anăn Mtao Asuêrus leh anăn kđăm hŏng krah mtao, leh anăn arăng mơĭt hră hŏng phung djă ba hră đĭ aseh pral arăng yua hlăm bruă mtao, êđai mơ̆ng aseh mtao.

H'Êsther 8:3

H'Êsther lŏ blŭ kơ mtao. Ñu buôn ti jơ̆ng mtao leh anăn kwưh kơ gơ̆ hŏng êa ală čiăng kơ̆ng hĕ klei jhat Y-Haman êkei Agak leh anăn klei ñu mĭn čiăng ngă kơ phung Yuđa.

H'Êsther 8:8

Leh anăn diih dưi čih tui si diih mĭn klei djŏ hŏng phung Yuđa hlăm anăn mtao, leh anăn kđăm hră anăn hŏng krah mtao; kyuadah klei bhiăn čih leh hlăm anăn mtao leh anăn kđăm leh hŏng krah mtao arăng amâo dưi bi kdŭn ôh.”

Klei Mmuñ Hđăp 94:21

Diñu bi mguôp mbĭt čiăng ngă kơ mnuih kpă, leh anăn bi kmhal bi mdjiê pô amâo soh ôh.

Y-Êsai 10:1

Knap mñai yơh kơ phung ngă klei mtă wê, leh anăn kơ phung čih klei bhiăn ktư̆ juă,

Y-Đaniel 5:28

PÊRES: Arăng bi kah mbha leh ƀuôn ala mtao ih, leh anăn brei leh kơ phung Mêdơ leh anăn phung Persơ.”

Y-Đaniel 6:12

Snăn diñu hriê leh anăn blŭ ti anăp mtao djŏ kơ klei ghă mtao ngă leh, “Ơ mtao, amâo djŏ hĕ ih čih anăn ih leh kơ klei ghă, êjai tlâo pluh hruê hlei pô wah lač kơ yang amâodah mnuih mkăn mdê hŏng ih, arăng srăng hwiê pô anăn hlăm war êmông gu?” Mtao lŏ wĭt lač, “Klei anăn sĭt leh, tui si klei bhiăn phung Mêdơ leh anăn phung Persơ, amâo dưi bi mlih ôh.”

Y-Đaniel 6:15

Phung anăn bi kƀĭn ti anăp mtao leh anăn lač, “Ơ mtao, brei ih thâo, jing klei bhiăn phung Mêdơ leh anăn phung Persơ yơh, amâo dưi bi mlih ôh klei ghă amâodah klei bhiăn mtao ngă leh.”

Y-Mathiơ 24:35

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.