Y-Đaniel 6:4 - Klei Aê Diê Blŭ 2015

⁴ Snăn phung khua prŏng leh anăn phung khua krĭng duah klei hŏng Y-Đaniel hlăm bruă kiă kriê ƀuôn ala mtao; ƀiădah diñu amâo dưi mâo klei kčŭt amâodah ƀuh klei wê hlăm ñu ôh, kyuadah ñu jing sĭt suôr.

Y-Đaniel 6:4 Iomraidhean Croise

Klei Mphŭn Dơ̆ng 41:38

Pharaôn lač kơ phung dĭng buăl ñu, “Dưi mơ̆ drei duah sa čô mnuih mkăn msĕ si pô anei, sa čô mâo mngăt myang Aê Diê dôk hlăm ñu?”

Klei Mphŭn Dơ̆ng 43:18

Phung anăn huĭ kyuadah arăng atăt ba diñu kơ sang Y-Yôsep, leh anăn diñu lač, “Kyua prăk arăng bi wĭt hlăm kdô drei tal êlâo arăng atăt ba drei tinei. Ñu čiăng duah klei hŏng drei leh anăn ngă jhat kơ drei, čiăng mjing drei hlŭn leh anăn plah mă aseh dliê drei.”

Klei Bi Hriêng 29:27

Phung kpă bi êmut kheh kơ mnuih wê, ƀiădah phung wê bi êmut kheh kơ pô êbat hlăm êlan kpă.

Khua Pô Mtô 4:4

Leh anăn kâo ƀuh leh jih jang klei suăi leh anăn klei mbruă kbiă hriê mơ̆ng klei tluh kơ pô riêng gah ñu. Klei anăn msĕ mơh jing klei hơăi mang leh anăn klei tiŏ angĭn.

Y-Yêrêmi 18:18

Snăn diñu lač, “Hriê bĕ drei, trông čhai hdră srăng ngă kơ Y-Yêrêmi, kyuadah klei bhiăn amâo srăng rai tuč ôh mơ̆ng khua ngă yang, kăn klei kčĕ rai tuč rei mơ̆ng phung thâo mĭn, kăn klei blŭ rai tuč rei mơ̆ng phung khua pô hưn êlâo. Hriê bĕ brei drei čăm ñu hŏng klei blŭ, leh anăn đăm brei drei mđing hmư̆ kơ klei ñu blŭ ôh.”

Y-Yêrêmi 18:23

Ƀiădah, Ơ Yêhôwa, Ih thâo leh jih jang hdră diñu trông čhai čiăng bi mdjiê kâo. Đăm pap brei ôh kơ klei wê diñu, kăn lăm hĕ rei klei soh diñu mơ̆ng ală Ih. Mdlưh hĕ diñu ti anăp Ih; ngă bĕ kơ diñu êjai mông Ih ăl.

Y-Yêrêmi 20:10

Kyuadah kâo hmư̆ lu klei blŭ mhač, “Klei bi huĭ dôk tar ƀar! Kčŭt kơ ñu! Brei drei kčŭt kơ ñu!” Snăn jih jang mah jiăng kâo lač, kăp ƀuh klei kâo lĕ buh, “Năng ai ñu srăng mâo klei mplư, snăn drei dưi ngă kơ ñu, leh anăn rŭ ênua kơ ñu.”

Y-Yêrêmi 29:7

Ƀiădah duah klei jăk kơ ƀuôn prŏng anôk Kâo tiŏ diih nao leh jing mnă, leh anăn wah lač kơ Yêhôwa đru anôk anăn, kyuadah tơdah anôk anăn mâo klei jăk, diih srăng mâo klei jăk msĕ mơh.”

Y-Đaniel 3:8

Hlăk anăn mâo đa đa phung Kaldê hriê čiăng kčŭt kơ phung Yuđa.

Y-Đaniel 5:12

Kyuadah Y-Đaniel, pô mtao lŏ bi anăn Y-Beltisasar, mâo mngăt myang jăk, klei thâo mĭn, klei thâo săng dưi mblang klei êpei ƀuh, bi êdah klei hgăm, leh anăn mkra klei dleh dlan. Ară anei brei arăng iêô Y-Đaniel, leh anăn ñu srăng mblang klei anăn.”

Y-Đaniel 6:22

Aê Diê kâo tiŏ hriê leh dĭng buăl jăk Ñu kđăl hĕ ƀăng êgei êmông gu; snăn diñu amâo ngă jhat kơ kâo ôh, kyuadah Aê Diê ƀuh kâo amâo mâo klei soh ôh ti anăp Ñu. Leh anăn wăt ti anăp ih msĕ mơh, Ơ mtao, kâo kăn ngă klei soh rei.”

Y-Mathiơ 26:4

diñu bi trông čhai mă čăp Yêsu hŏng klei hgăm čiăng bi mdjiê Gơ̆.

Y-Mathiơ 27:18

Kyuadah ñu thâo arăng jao Yêsu kơ ñu kyua klei nač.

Y-Luk 20:20

Snăn diñu kăp ksiêm kơ Yêsu, leh anăn tiŏ nao phung knuă mgưt msĕ si phung sĭt suôr, čiăng mâo klei dưi kčŭt kơ klei Yêsu blŭ, čiăng kơ diñu dưi jao Gơ̆ kơ knŭk kna leh anăn kơ khua prŏng Rôm.

Y-Luk 20:26

Diñu amâo dưi mâo klei kčŭt kơ Yêsu ôh kyua klei Gơ̆ blŭ ti anăp phung ƀuôn sang. Ƀiădah diñu bi kngăr kơ klei Yêsu lŏ wĭt lač, leh anăn diñu dôk ñăt.

Y-Luk 22:2

Phung knơ̆ng khua ngă yang leh anăn phung khua čih hră duah êlan bi mdjiê Yêsu hŏng klei hgăm; kyuadah diñu huĭ kơ phung ƀuôn sang.

Y-Yôhan 19:4

Aê Pilat lŏ kbiă leh anăn lač kơ phung Yuđa, “Nĕ anei, Kâo atăt ba Gơ̆ kơ diih, čiăng kơ diih dưi thâo kâo amâo ƀuh ôh sa mta klei soh hlăm Gơ̆.”

II Kôrantô 11:12

Ƀiădah klei kâo ngă kâo ăt srăng ngă, čiăng bi mdlưh hĕ phung duah mông găl bi mđĭ kơ diñu pô, lač diñu jing msĕ si hmei mơh.

Philip 2:15

čiăng kơ diih jing êngeh amâo mâo klei dưi ƀuah ôh, jing phung anak Aê Diê amâo mâo klei čhŏ ôh ti krah ênuk phung soh leh anăn jhat. Ti krah diñu diih mtrang msĕ si pui mngač hlăm lăn ala,

I Y-Timôthê 5:14

Snăn kâo čiăng kơ phung mniê djiê ung hlăk ai lŏ dôk ung, mâo anak, thâo kiă kriê sang diñu pô, leh anăn amâo brei ôh kơ pô roh klei dưi blŭ jhat kơ drei.

Y-Tit 2:8

klei blŭ bi djŏ arăng amâo dưi ƀuah ôh, čiăng kơ pô roh srăng hêñ, amâo mâo sa mta klei dưi blŭ jhat kơ drei ôh.

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.

I Y-Pêtrôs 3:16

ƀiădah brei diih lŏ wĭt lač hŏng klei êdu leh anăn hŏng klei mpŭ. Brei diih djă pioh ai tiê kpă jăk, čiăng kơ tơdah arăng dlao wač kơ diih, phung mčeh kơ klei diih dôk dơ̆ng ƀơ̆ng huă jăk hlăm Krist srăng mâo klei hêñ.

Phung Khua Phat Kđi 14:4

Ama amĭ ñu amâo thâo ôh kơ klei anăn kbiă mơ̆ng Yêhôwa; kyuadah Yêhôwa duah klei găl čiăng ngă kơ phung Philistin. Hlăk ênuk anăn, phung Philistin kiă kriê phung Israel.

I Y-Samuel 12:4

Diñu wĭt lač, “Ih amâo tuôm mplư ƀơ̆ng ngăn hmei ôh, amâodah ktư̆ juă hmei, amâodah mă tŭ leh ngăn sun mơ̆ng kngan sa čô ôh.”

I Y-Samuel 18:14

Y-Đawit mâo klei dưi hlăm jih bruă ñu ngă, kyuadah Yêhôwa dôk mbĭt hŏng ñu.

I Y-Samuel 22:14

Y-Ahimalek lŏ wĭt lač kơ mtao, “Hlei pô hlăm jih jang phung dĭng buăl ih jing sĭt suôr msĕ si Y-Đawit, pô jing mtâo kơ mtao, leh anăn khua kơ phung kahan kiă ih, leh anăn pô arăng mpŭ hlăm sang ih?