Y-Đaniel 6:3 - Klei Aê Diê Blŭ 2015

³ Y-Đaniel mâo klei hing ang hĭn kơ dua čô khua prŏng mkăn leh anăn phung khua krĭng, kyuadah ñu mâo klei mngăt myang hĭn; snăn mtao mĭn bi mđĭ ñu brei kiă kriê jih ƀuôn ala mtao.

Y-Đaniel 6:3 Iomraidhean Croise

Y-Êsra 4:22

Leh anăn răng bĕ, đăm ngă klei amâo uêñ ôh hlăm klei anei, huĭ klei jhat hriê kơ prŏng ngă kơ klei tŭ dưn kơ sang mtao?”

Y-Nêhêmi 7:2

kâo jao kơ adei kâo Y-Hanani, klei dưi kiă kriê ƀuôn Yêrusalem, mƀĭt Y-Hanania khua sang mtao, kyuadah ñu jing sa čô mnuih sĭt suôr hĭn leh anăn huĭ mpŭ kơ Aê Diê hĭn kơ lu phung mkăn.

H'Êsther 10:3

Kyuadah Y-Môrdêkai êkei Yuđa jing pô mrô sa ti gŭ mtao Asuêrus, ñu jing prŏng ti krah phung Yuđa, leh anăn lu hlăm phung ayŏng adei ñu khăp kơ ñu, kyuadah ñu duah ngă nanao klei jăk kơ phung ƀuôn sang ñu leh anăn blŭ klei êđăp ênang kơ jih jang phung Yuđa.

Klei Bi Hriêng 17:27

Hlei pô răng kơ klei ñu blŭ mâo klei thâo mĭn lu, leh anăn hlei pô mâo klei mĭn êđăp ênang jing sa čô mnuih thâo săng.

Klei Bi Hriêng 22:29

Ih ƀuh mơ̆ sa čô mnuih mbruă? Ñu srăng dôk ti anăp phung mtao, ñu amâo srăng dôk ôh ti anăp phung ƀuôn sang.

Khua Pô Mtô 2:13

Snăn kâo ƀuh klei thâo mĭn jing jăk hĭn kơ klei mluk msĕ si klei mngač jing jăk hĭn kơ klei mmăt.

Y-Đaniel 5:12

Kyuadah Y-Đaniel, pô mtao lŏ bi anăn Y-Beltisasar, mâo mngăt myang jăk, klei thâo mĭn, klei thâo săng dưi mblang klei êpei ƀuh, bi êdah klei hgăm, leh anăn mkra klei dleh dlan. Ară anei brei arăng iêô Y-Đaniel, leh anăn ñu srăng mblang klei anăn.”

Y-Đaniel 5:14

Kâo hmư̆ arăng lač ih mâo mngăt myang phung yang dôk hlăm ih, leh anăn arăng ƀuh hlăm ih klei mngač, klei thâo săng, leh anăn klei thâo mĭn hĭn.

Y-Đaniel 5:7

Mtao ur kraih brei iêô phung mjâo, phung Kaldê, leh anăn phung ksiêm mtŭ. Mtao blŭ kơ phung thâo mĭn čar Ƀaƀilôn, lač, “Hlei pô srăng dlăng klei čih anei leh anăn bi êdah klei mblang kơ kâo, kâo srăng bi hơô ñu ao hrah piơk, bi băk kông mah ti kkuê ñu, leh anăn brei ñu jing khua mrô tlâo hlăm ƀuôn ala mtao.”

Y-Đaniel 9:23

Tơdah ih dơ̆ng wah lač, mâo leh sa klei wĭt lač, leh anăn kâo hriê hưn klei anăn kơ ih, kyuadah ih jing pô Aê Diê khăp snăk. Snăn ksiêm bi nik klei blŭ leh anăn brei ih thâo săng klei bi ƀuh.