Y-Đaniel 6:16 - Klei Aê Diê Blŭ 2015

¹⁶ Snăn mtao mtă, leh anăn arăng mă Y-Đaniel, hwiê ñu hlăm war êmông gu. Mtao lač kơ Y-Đaniel, “Brei Aê Diê ih, Pô ih mă bruă nanao, bi mtlaih ih!”

Y-Đaniel 6:16 Iomraidhean Croise

II Y-Samuel 3:39

Leh anăn hruê anei kâo jing awăt, wăt tơdah jing mtao arăng trôč êa ƀâo mngưi dưn. Phung anak êkei Y-Sêruia anei jing khăng đei kơ kâo. Brei Yêhôwa bi wĭt kơ pô ngă jhat tui si klei ƀai ñu!”

Y-Yôp 5:19

Ñu srăng bi mtlaih ih mơ̆ng năm mta klei rŭng răng; wăt kjuh mta dưn mơh, klei ƀai amâo srăng ngă kơ ih ôh.

Klei Bi Hriêng 29:25

Klei huĭ kơ mnuih jing kđông ƀêč, ƀiădah hlei pô knang kơ Yêhôwa mâo klei hơĭt.

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 43:2

Tơdah diih găn êa, Kâo srăng dôk mbĭt hŏng diih; leh anăn tơdah diih găn êa krông, diñu amâo srăng bi kngăm diih ôh. Tơdah diih êbat hlăm pui, ñu amâo srăng čuh diih ôh, kăn êlah pui srăng ƀơ̆ng diih rei.

Y-Yêrêmi 26:14

Ƀiădah bi kâo, nĕ anei, kâo dôk hlăm kngan diih. Ngă bĕ kơ kâo tui si diih mĭn jăk leh anăn djŏ.

Y-Yêrêmi 38:5

Mtao Sêdêkia lač, “Nĕ anei, ñu dôk hlăm kngan diih; kyuadah mtao amâo dưi bi kdơ̆ng hŏng diih ôh.”

Y-Yêrêmi 38:6

Snăn diñu mă Y-Yêrêmi leh anăn dlăm gơ̆ hlăm kbăng êa Y-Malkija anak êkei mtao, kbăng êa anăn hlăm wăl phung kahan gak. Diñu bi mtrŭn Y-Yêrêmi hŏng klei bră. Amâo mâo êa ôh hlăm kbăng anăn, mâo knŏng lŭ, leh anăn Y-Yêrêmi kdlŭt hlăm lŭ anăn.

Y-Yêrêmi 39:17

Ƀiădah Kâo srăng bi mtlaih ih ti hruê anăn, Yêhôwa lač, leh anăn arăng amâo srăng jao ih kơ kngan phung mnuih ih huĭ ôh.

Y-Đaniel 3:15

Ară anei tơdah diih hmư̆ asăp ki ayŭ, asăp đĭng, asăp brô̆, đĭng ayŭ, đĭng buôt, đĭng kliă, leh anăn djăp mta klei mmuñ leh anăn buôn kŭp ƀô̆ leh anăn kkuh mpŭ kơ rup tuh kâo ngă leh, srăng jing jăk. Ƀiădah tơdah diih amâo kkuh mpŭ ôh, arăng srăng hwiê diih ti krah kpur pui mtam; leh anăn hlei yang dưi bi mtlaih diih mơ̆ng kngan kâo?”

Y-Đaniel 3:17

Tơdah ih hwiê hmei hlăm kpur pui Ơ mtao, Aê Diê Pô hmei mă bruă anăn dưi bi mtlaih hmei mơ̆ng kpur pui, leh anăn Ñu yơh srăng bi mtlaih hmei mơ̆ng kngan ih.

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Đaniel 6:20

Tơdah ñu truh giăm war, ñu iêô Y-Đaniel hŏng asăp ênguôt, “Ơ Y-Đaniel, dĭng buăl Aê Diê hdĭp, Aê Diê ih, Pô ih mă bruă nanao, dưi bi mtlaih ih mơ̆ng êmông gu mơ̆?”

Y-Đaniel 6:7

Jih jang phung khua prŏng hlăm ƀuôn ala mtao, phung khua bi ala, phung khua krĭng, phung khua kčĕ, leh anăn phung khua kiă kriê bi trông čhai leh čiăng akâo kơ mtao ngă klei bhiăn ghă ktang tĭt, tơdah hlei pô kwưh kơ yang amâodah mnuih mkăn mdê hŏng ih êjai tlâo pluh hruê, Ơ mtao, arăng srăng hwiê pô anăn hlăm war êmông gu.

Bruă Phung Khua Ƀĭng Kna 24:27

Ƀiădah tơdah êgao leh dua thŭn, Aê Pôrtus Phêtus hriê hrô Aê Phêlik. Kyuadah Aê Phêlik čiăng bi mơak kơ phung Yuđa, ñu ăt brei arăng krư̆ Y-Pôl.

Bruă Phung Khua Ƀĭng Kna 25:11

Tơdah kâo jing pô soh leh anăn ngă leh klei năng djiê, kâo amâo hngah djiê ôh. Ƀiădah tơdah klei diñu kčŭt kơ kâo amâo mâo klei ôh, amâo mâo sa čô dưi jao kâo kơ diñu ôh. Kâo akâo kơ Sêsar phat kđi.”

Bruă Phung Khua Ƀĭng Kna 25:9

Ƀiădah Aê Phêtus, čiăng bi mơak kơ phung Yuđa, lač kơ Y-Pôl, “Ih čiăng đĭ nao kơ ƀuôn Yêrusalem leh anăn tŭ klei phat kđi klei anei ti anăp kâo tinăn mơ̆?”

Hră Y-Pôl Mơĭt kơ Phung Rôm 13:3

Kyuadah phung khua kiă kriê amâo jing klei bi huĭ ôh kơ phung ngă jăk, ƀiădah kơ phung ngă jhat. Ih čiăng mơ̆ amâo huĭ ôh kơ phung khua kiă kriê? Snăn ngă bĕ klei jăk, leh anăn ih srăng mâo klei diñu bi mni.

II Kôrantô 1:10

Ñu bi mtlaih hmei leh mơ̆ng klei jŭ jhat dưi bi mdjiê, leh anăn Ñu srăng lŏ bi mtlaih hmei; leh anăn hmei čang hmăng kơ Ñu srăng lŏ bi mtlaih hmei nanao,