Y-Đaniel 5:8 - Klei Aê Diê Blŭ 2015

⁸ Snăn jih jang phung thâo mĭn mtao truh, ƀiădah diñu amâo dưi dlăng klei čih anăn ôh, kăn dưi bi êdah rei klei mblang kơ mtao.

Y-Đaniel 5:8 Iomraidhean Croise

Klei Mphŭn Dơ̆ng 41:8

Truh aguah leh, mngăt ñu rŭng răng. Ñu brei arăng iêô jih jang phung mdian leh anăn jih jang phung knhâo hlăm čar Êjip; leh anăn Pharaôn yăl dliê kơ digơ̆ klei ñu êpei, ƀiădah amâo mâo sa čô dưi mblang ôh klei êpei anăn kơ Pharaôn.

Y-Êsai 47:9

Ƀiădah dua klei anei srăng truh kơ ih mđrăm, bhiâo riâo rit hlăm sa hruê: klei luč phung anak leh anăn klei jing mniê djiê ung. Diñu srăng truh kơ ih bŏ hnơ̆ng, wăt tơdah ih jing mjâo knhăk leh anăn mâo klei myang prŏng thâo mdian dưn.

Y-Yêrêmi 50:35

“Brei sa ƀĕ đao gưm ngă kơ phung Kaldê,” Yêhôwa lač, “wăt ngă kơ phung dôk hlăm ƀuôn Ƀaƀilôn, kơ phung khua leh anăn phung thâo mĭn diñu!

Y-Đaniel 2:27

Y-Đaniel lŏ wĭt lač kơ mtao, “Klei hgăm mtao tui duah amâo mâo sa čô thâo mĭn, pô mdian, amâodah pô ksiêm mtŭ dưi bi êdah kơ mtao ôh.

Y-Đaniel 4:18

Kâo gơ̆ mtao Nebukatnetsar ƀuh klei êpei anăn. Snăn Ơ Y-Beltisasar, hưn bĕ kơ kâo klei mblang kơ klei anăn, kyuadah jih jang phung thâo mĭn hlăm ƀuôn ala mtao amâo dưi bi êdah kơ kâo klei mblang ôh, ƀiădah ih dưi, kyuadah mngăt myang phung yang doh jăk dôk hlăm ih.”

Y-Đaniel 4:4

Kâo gơ̆ Y-Nebukatnetsar dôk mdei hlăm sang mtao kâo, bruă sang mtao kâo đĭ kyar.

Y-Đaniel 4:7

Phung mdian, phung mjâo, phung Kaldê, leh anăn phung ksiêm mtŭ truh. Kâo yăl dliê kơ diñu klei kâo êpei ƀuh, ƀiădah diñu amâo dưi mblang klei anăn kơ kâo ôh.

Y-Đaniel 5:15

Arăng atăt ba leh phung thâo mĭn leh anăn phung mjâo ti anăp kâo čiăng kơ diñu dlăng klei čih anei leh anăn mblang gơ̆ kơ kâo, ƀiădah diñu amâo dưi mblang klei anăn ôh.