Y-Đaniel 5:7 - Klei Aê Diê Blŭ 2015

⁷ Mtao ur kraih brei iêô phung mjâo, phung Kaldê, leh anăn phung ksiêm mtŭ. Mtao blŭ kơ phung thâo mĭn čar Ƀaƀilôn, lač, “Hlei pô srăng dlăng klei čih anei leh anăn bi êdah klei mblang kơ kâo, kâo srăng bi hơô ñu ao hrah piơk, bi băk kông mah ti kkuê ñu, leh anăn brei ñu jing khua mrô tlâo hlăm ƀuôn ala mtao.”

Y-Đaniel 5:7 Iomraidhean Croise

Klei Mphŭn Dơ̆ng 41:8

Truh aguah leh, mngăt ñu rŭng răng. Ñu brei arăng iêô jih jang phung mdian leh anăn jih jang phung knhâo hlăm čar Êjip; leh anăn Pharaôn yăl dliê kơ digơ̆ klei ñu êpei, ƀiădah amâo mâo sa čô dưi mblang ôh klei êpei anăn kơ Pharaôn.

H'Êsther 3:1

Leh klei anăn, Mtao Asuêrus bi mđĭ Y-Haman êkei Agak, anak êkei Y-Hamêdatha, leh anăn brei ñu dôk ti anôk dlông hĭn kơ jih jang phung khua mbĭt hŏng ñu.

Klei Kbiă 7:11

Leh anăn Pharaôn iêô phung knhâo, phung mjâo; leh anăn phung mdian čar Êjip anăn ngă msĕ mơh hŏng klei diñu thâo mdian.

Klei Bi Hriêng 1:9

kyuadah klei anăn jing kwang mnga siam kơ boh kŏ ih, leh anăn klei băk siam ti kkuê ih.

Klei Mmuñ Siam Hĭn 1:10

Miêng ih jing siam hŏng buê ti knga, kkuê ih siam mơh hŏng băk boh tâo yuôm.

Y-Êsai 47:13

Ih êmăn leh hŏng klei ih trông čhai lu; brei klei kčĕ anăn hriê bi mtlaih ih; brei phung thâo kral adiê, phung ksiêm mtŭ, phung ksiêm mlan mrâo, Srăng kgŭ bi mtlaih ih kơ klei srăng truh kơ ih.

Y-Yêrêmi 50:35

“Brei sa ƀĕ đao gưm ngă kơ phung Kaldê,” Yêhôwa lač, “wăt ngă kơ phung dôk hlăm ƀuôn Ƀaƀilôn, kơ phung khua leh anăn phung thâo mĭn diñu!

Y-Êsêkiêl 16:11

Kâo mprăp ih hŏng kdrăp siam, bi buh kông ti kngan ih, leh anăn bi băk añŭ ti kkuê ih.

Y-Đaniel 1:20

Leh anăn tơdah mtao êmuh kơ diñu kơ jih jang klei knhâo leh anăn klei thâo săng, gơ̆ ƀuh diñu pluh blư̆ thâo hĭn kơ jih phung mdian leh anăn phung ksiêm mtŭ hlăm jih ƀuôn ala mtao gơ̆.

Y-Đaniel 1:4

leh anăn phung hlăk ai amâo mâo asei mlei djiu ruă ôh, ƀô̆ mta siam, mâo jih klei knhâo, thâo mĭn, hriăm hră leh, dưi mă bruă hlăm sang mtao, brei diñu hriăm klei phung Kaldê blŭ.

Y-Đaniel 2:2

Leh anăn mtao brei iêô phung mdian, phung ksiêm mtŭ, phung mjâo, leh anăn phung Kaldê čiăng kơ diñu hưn kơ mtao klei ñu êpei. Snăn diñu mŭt dôk ti anăp mtao.

Y-Đaniel 2:27

Y-Đaniel lŏ wĭt lač kơ mtao, “Klei hgăm mtao tui duah amâo mâo sa čô thâo mĭn, pô mdian, amâodah pô ksiêm mtŭ dưi bi êdah kơ mtao ôh.

Y-Đaniel 2:48

Snăn mtao bi mđĭ Y-Đaniel leh anăn brei kơ ñu lu dŏ yuôm, leh anăn brei ñu kiă kriê jih čar Ƀaƀilôn leh anăn jing khua kơ jih jang phung thâo mĭn hlăm čar Ƀaƀilôn.

Y-Đaniel 2:6

Ƀiădah tơdah diih bi êdah klei kâo êpei ƀuh leh anăn mblang ñu, kâo srăng brei kơ diih dŏ yuôm, klei mưn lu, leh anăn klei mpŭ prŏng. Snăn hưn bĕ kơ kâo klei kâo êpei ƀuh leh anăn klei mblang kơ ñu.”

Y-Đaniel 4:14

Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Đaniel 5:11

Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Đaniel 5:15

Arăng atăt ba leh phung thâo mĭn leh anăn phung mjâo ti anăp kâo čiăng kơ diñu dlăng klei čih anei leh anăn mblang gơ̆ kơ kâo, ƀiădah diñu amâo dưi mblang klei anăn ôh.

Y-Đaniel 5:16

Ƀiădah kâo hmư̆ arăng lač ih dưi mblang leh anăn mkra klei dleh dlan. Snăn tơdah ih dưi dlăng klei čih anăn leh anăn mblang ñu kơ kâo, kâo srăng bi hơô ih hŏng ao hrah piơk, bi băk kông mah ti kkuê ih, leh anăn brei ih jing khua mrô tlâo hlăm ƀuôn ala mtao.”

Y-Đaniel 5:29

Leh anăn Y-Belsasar mtă arăng bi hơô ao hrah piơk kơ Y-Đaniel, bi băk kông mah ti kkuê ñu, leh anăn brei arăng hưn kơ ñu jing khua mrô tlâo hlăm ƀuôn ala mtao.

Klei Yap 22:17

kyuadah sĭt nik kâo srăng ngă hŏng klei mpŭ prŏng kơ ih, leh anăn ya klei ih lač kơ kâo, kâo srăng ngă. Hriê tăm pah bĕ kơ phung ƀuôn sang anei.’ ”

Klei Yap 22:7

Snăn phung khua mduôn ala čar Môap leh anăn phung khua mduôn ala čar Madian đuĕ nao djă ba mnơ̆ng mưn kơ phung mjâo. Diñu truh kơ Y-Balaam leh anăn yăl dliê klei Y-Balak mtă.

Klei Yap 24:11

Kyua anăn ară anei đuĕ nao bĕ kơ anôk ih pô. Kâo lač leh, ‘Kâo srăng mpŭ kơ ih sĭt nik,’ ƀiădah Yêhôwa kơ̆ng ih mâo klei mpŭ.”

I Y-Samuel 17:25

Phung kahan Israel lač, “Ih ƀuh mơ̆ êkei anei kbiă hriê? Sĭt nik ñu hriê bi riêl ai phung Israel kơ klei bi blah. Hlei pô bi mdjiê ñu, mtao srăng bi mdrŏng ñu hŏng lu ngăn drăp leh anăn srăng brei anak mniê gơ̆ kơ pô anăn, leh anăn gơ̆ srăng bi êngiê sang ama ñu hlăm čar Israel.”