Y-Đaniel 5:30 - Klei Aê Diê Blŭ 2015

³⁰ Mlam anăn yơh arăng bi mdjiê mtao phung Kaldê, Y-Belsasar.

Y-Đaniel 5:30 Iomraidhean Croise

Y-Yêrêmi 51:31

Sa čô hưn êran bi tuôm hŏng pô êran hưn mkăn, sa čô pô hưn bi tuôm hŏng pô hưn mkăn čiăng hưn kơ mtao Ƀaƀilôn kơ ƀuôn ñu arăng mă leh jih;

Y-Yêrêmi 51:57

Kâo srăng brei phung khua leh anăn phung thâo mĭn ñu kpiê ruă, wăt phung khua prŏng, phung khua kiă kriê, leh anăn phung kahan ñu msĕ mơh. Diñu srăng pĭt nanao, amâo lŏ thâo mdih ôh,” Mtao Pô mâo anăn jing Yêhôwa kơ phung kahan, lač.

Y-Yêrêmi 51:39

Êjai diñu đĭ ai čiăng ngă, Kâo srăng mkra klei huă mnăm prŏng kơ diñu, leh anăn brei diñu kpiê ruă tơl diñu ur driâo leh anăn tlao, leh anăn pĭt nanao, amâo lŏ thâo mdih ôh,” Yêhôwa lač.

Y-Yêrêmi 51:11

Kčur bĕ ƀrăm! Djă khil bĕ! Yêhôwa bi mčhur leh ai mĭn phung mtao čar Mêdơ, kyuadah hdră ñu čiăng ngă jing klei bi rai hĕ ƀuôn Ƀaƀilôn; Yêhôwa srăng rŭ ênua, Ñu srăng rŭ ênua kyua sang yang Ñu.

Y-Êsai 47:9

Ƀiădah dua klei anei srăng truh kơ ih mđrăm, bhiâo riâo rit hlăm sa hruê: klei luč phung anak leh anăn klei jing mniê djiê ung. Diñu srăng truh kơ ih bŏ hnơ̆ng, wăt tơdah ih jing mjâo knhăk leh anăn mâo klei myang prŏng thâo mdian dưn.

Y-Yêrêmi 50:24

Kâo ƀêč leh kđông kơ ih, leh anăn ih djŏ kđông leh, Ơ ƀuôn Ƀaƀilôn, êlâo kơ ih thâo klei anăn; arăng ƀuh leh anăn mă ih, kyuadah ih bi kdơ̆ng leh hŏng Yêhôwa.

Y-Amôs 6:7

Kyuanăn ară anei diih srăng jing phung nao jing mnă tal êlâo, leh anăn kơh klei ur hơ̆k klei ƀơ̆ng huă lu srăng ruê̆.