Y-Đaniel 5:3 - Klei Aê Diê Blŭ 2015

³ Arăng mă ba kčok mtĭl mah arăng mă mơ̆ng sang yang, sang Aê Diê ti ƀuôn Yêrusalem; leh anăn mtao, phung khua ñu, phung mô̆ ñu, leh anăn phung mô̆ hjŭng ñu yua mnăm.

Y-Đaniel 5:3 Iomraidhean Croise

II Klei Yăl Dliê 36:18

Mtao phung Kaldê djă ba kơ ƀuôn Ƀaƀilôn jih jang čhiên mngan sang yang Aê Diê, prŏng wăt điêt, ngăn drăp Yêhôwa, ngăn drăp mtao leh anăn phung khua ñu.

Y-Êsai 5:14

Kyuanăn Ƀuôn Phung Djiê kăp ƀơ̆ng diñu, leh anăn ha bi prŏng leh ƀăng êgei ñu êgao hnơ̆ng. Phung khua leh anăn phung ƀuôn sang ƀuôn Siôn trŭn nao tinăn, jih jang phung lu wăt phung mgao lĕ hlăm anăn.

Y-Yêrêmi 50:28

Hmư̆ bĕ! Phung đuĕ leh anăn tlaih mơ̆ng čar Ƀaƀilôn hưn hlăm ƀuôn Siôn klei Yêhôwa Aê Diê drei rŭ ênua, klei rŭ ênua kơ sang yang Ñu.

Y-Đaniel 5:2

Êjai mnăm kpiê mtao Belsasar yua arăng mă ba kơ ñu kčok mtĭl ngă hŏng mah leh anăn prăk mtao Nebukatnetsar ama ñu mă leh mơ̆ng sang yang ti ƀuôn Yêrusalem, čiăng kơ mtao leh anăn phung khua ñu, phung mô̆ ñu leh anăn phung mô̆ hjŭng ñu yua mnăm.

Y-Đaniel 5:23

Ƀiădah ih mđĭ ih pô bi kdơ̆ng hŏng Khua Yang hlăm adiê; arăng ba ti anăp ih kčok mtĭl mơ̆ng sang Ñu, leh anăn ih, phung khua ih, phung mô̆ ih, leh anăn phung mô̆ hjŭng ih yua pioh mnăm kpiê. Leh anăn ih bi mni leh phung yang ngă hŏng prăk, mah, kông, msei, kyâo, leh anăn boh tâo, phung amâo thâo ƀuh, amâo thâo hmư̆, amâo thâo săng ôh; ƀiădah ih amâo bi guh kơang ôh kơ Aê Diê Pô djă êwa klei hdĭp ih leh anăn jih jang êlan ih.

Y-Đaniel 5:4

Diñu mnăm kpiê leh anăn bi mni kơ phung yang ngă hŏng mah, prăk, kông, msei, kyâo, leh anăn boh tâo.

Y-Ôsê 2:8

Ñu amâo tuôm thâo ôh Kâo yơh brei leh kơ ñu mdiê, kpiê mrâo, leh anăn êa prăi boh ôliwơ anăn, leh anăn Kâo yơh bi lar kơ ñu prăk leh anăn mah diñu yua pioh leh kơ yang Baal.

Y-Haƀakuk 1:11

Leh anăn diñu lŏ găn msĕ si angĭn leh anăn đuĕ nao, phung soh leh, klei ktang diñu pô jing yang kơ diñu!”

Y-Malaki 1:12

Ƀiădah diih bi čhŏ gơ̆ êjai diih lač, “Jhưng Yêhôwa jing čhŏ leh,” leh anăn “bi mnơ̆ng ƀơ̆ng huă leh anăn boh kroh mơ̆ng ñu, hmei bi êmut.”

I Têsalônik 5:3

Êjai phung mnuih lač, “Mâo leh klei êđăp ênang leh anăn klei hơĭt mđao”, hlăk anăn bhiâo riâo rit klei bi rai srăng truh kơ diñu msĕ si klei ruă kkiêng truh kơ sa čô mniê ba tian, leh anăn diñu amâo srăng dưi tlaih ôh.

Phung Khua Phat Kđi 19:1

Ênuk anăn ka mâo mtao ôh hlăm čar Israel. Mâo sa čô Lêwi dôk hdĭp ti knhal čar kngư Êphraim. Ñu mă sa čô mô̆ hjŭng mơ̆ng ƀuôn Betlêhem, hlăm čar Yuđa.