Biblia Todo Logo
Bìoball air-loidhne

- Sanasan -




Y-Đaniel 5:23 - Klei Aê Diê Blŭ 2015

23 Ƀiădah ih mđĭ ih pô bi kdơ̆ng hŏng Khua Yang hlăm adiê; arăng ba ti anăp ih kčok mtĭl mơ̆ng sang Ñu, leh anăn ih, phung khua ih, phung mô̆ ih, leh anăn phung mô̆ hjŭng ih yua pioh mnăm kpiê. Leh anăn ih bi mni leh phung yang ngă hŏng prăk, mah, kông, msei, kyâo, leh anăn boh tâo, phung amâo thâo ƀuh, amâo thâo hmư̆, amâo thâo săng ôh; ƀiădah ih amâo bi guh kơang ôh kơ Aê Diê Pô djă êwa klei hdĭp ih leh anăn jih jang êlan ih.

Faic an caibideil Dèan lethbhreac




Y-Đaniel 5:23
47 Iomraidhean Croise  

Ñu hơêč hmưi kơ Y-Abram leh anăn lač, “Akâo kơ Aê Diê, Pô Ti Dlông Hĭn, Pô hrih adiê leh anăn lăn ala hơêč hmưi kơ Y-Abram.


Khua Yang Aê Diê mmuôn sa čô êkei hŏng ƀruih lăn; Ñu ƀhur êwa klei hdĭp hlăm ƀăng adŭng gơ̆, leh anăn mnuih jing mngăt hdĭp.


Sĭt nik ih čăm leh čar Êđôm, leh anăn ai tiê ih bi mđĭ ih leh. Brei ih hrăp hŏng klei guh kơang ih leh anăn dôk bĕ ti sang; kyuadah si ngă ih čiăng bi truh klei rŭng răng tơl ih êbuh, ih leh anăn phung Yuđa mbĭt hŏng ih?”


Kngan Aê Diê yơh djă klei hdĭp jih jang mnơ̆ng wăt klei bi êwa jih jang mnuih.


Amâo djŏ hĕ Aê Diê ƀuh êlan kâo, leh anăn yap jih knhuang kâo?


Tơdah Ih mdăp ƀô̆ Ih, diñu rŭng răng; tơdah Ih mă hĕ êwa mơ̆ng diñu, diñu djiê leh anăn lŏ wĭt kơ bruih lăn.


Adiê jing dŏ Yêhôwa; ƀiădah Ñu brei lăn ala kơ phung anak mnuih.


Ih ksiêm êlan kâo êbat leh anăn klei kâo đih, leh anăn Ih thâo kral leh jih klei kâo ngă.


Tơdah êwa diñu tuč, diñu wĭt kơ ƀruih lăn; ti hruê anăn hdră diñu čiăng ngă rai luč jih.


Yêhôwa yơh atăt gai knhuang mnuih, snăn si mnuih dưi thâo săng êlan ñu pô?


Kâo srăng bi kmhal lăn ala kyua klei jhat diñu, leh anăn phung ƀai kyua klei wê diñu. Kâo srăng bi ruê̆ klei mgao phung krưh, leh anăn Kâo srăng mdlưh klei mgao phung ngă ƀai.


Ih lač leh hlăm ai tiê ih, “Kâo srăng đĭ kơ adiê, kâo srăng bi mđĭ jhưng mtao kâo ti dlông hĭn kơ phung mtŭ Aê Diê, kâo srăng dôk gŭ ti jhưng mtao ti dlông čư̆ klei bi kƀĭn hlăm kdriêk knhal tuč ti dưr.


Kyuadah Yêhôwa kơ phung kahan bi kčah leh sa hruê Ñu srăng ngă kơ jih phung mgao, kơ phung krưh, leh anăn diñu bi luă gŭ diñu pô;


Yêhôwa lač, “Ară anei Kâo srăng kgŭ, ară anei Kâo srăng đĭ, ară anei Kâo srăng mâo klei mpŭ.


leh anăn dlăm leh phung rup yang diñu hlăm pui, kyuadah phung yang anăn amâo jing yang sĭt ôh, knŏng bruă kngan mnuih ngă hŏng kyâo leh anăn boh tâo. Kyuanăn phung Asiri bi rai leh phung yang anăn.


Kơ hlei pô ih mưč leh anăn dlao wač lĕ? Kơ hlei pô ih bi kdơ̆ng hŏng asăp ur leh anăn dlăng hŏng klei mgao? Kơ Pô Doh Jăk phung Israel yơh!


Snei Aê Diê Yêhôwa lač, Pô hrih leh anăn mblang leh phung adiê, Pô lang leh lăn ala leh anăn mnơ̆ng kbiă mơ̆ng gơ̆, Pô brei êwa kơ phung ƀuôn sang hlăm gơ̆, leh anăn klei hdĭp kơ phung êbat tinăn:


Ơ Yêhôwa, kâo thâo mnuih amâo dưi jing khua kơ ñu pô ôh, mnuih amâo dưi gai knhuang ñu êbat ôh.


Bi mnăm ñu kpiê tơl ruă, kyuadah ñu bi mđĭ ñu pô čiăng bi kdơ̆ng hŏng Yêhôwa; snăn čar Môap srăng ênham hlăm ô̆ ñu, leh anăn arăng srăng djă djik djak kơ ñu mơh.


Hmư̆ bĕ! Phung đuĕ leh anăn tlaih mơ̆ng čar Ƀaƀilôn hưn hlăm ƀuôn Siôn klei Yêhôwa Aê Diê drei rŭ ênua, klei rŭ ênua kơ sang yang Ñu.


Iêô bĕ phung mnah hna ngă kơ ƀuôn Ƀaƀilôn, jih jang phung thâo mnah hna. Dôk wang jŭm ñu bĕ, đăm brei sa čô tlaih ôh. Bi wĭt kơ ñu tui si bruă ñu ngă leh, ngă kơ ñu tui si jih jang klei ñu tuôm ngă leh; kyuadah ñu bi kdơ̆ng leh hŏng Yêhôwa, Pô Doh Jăk Israel.


Ai tiê ih mgao kyua klei siam ih; ih bi soh leh klei knhâo ih kyua klei guh kơang ih mâo. Snăn Kâo dlăm ih ti lăn; Kâo brei ih jing mnơ̆ng phung mtao dlăng, čiăng bi hrăp ală diñu.


“Ơ anak mnuih, lač bĕ kơ khua kiă kriê ƀuôn Tir, ‘Snei Yêhôwa Aê Diê lač: Kyuadah ai tiê ih mgao, ih lač, “Kâo jing sa čô yang, kâo dôk gŭ ti jhưng mtao sa čô yang ti krah êa ksĭ,” ƀiădah ih jing sa čô mnuih, amâo djŏ yang ôh, wăt tơdah ih yap ih pô jing knhâo msĕ si sa čô yang.


Hŏng klei knhâo snăk ih čhĭ mnia, ih bi mđĭ leh klei mdrŏng ih, leh anăn ai tiê ih jing leh mgao kyua klei mdrŏng ih.


Kyuanăn snei Yêhôwa Aê Diê lač: ‘Kyuadah ñu ksuă dlông leh anăn ƀrŏng ñu sô̆ ti knam, leh anăn ai tiê ñu mgao kyua klei ñu dlông,


Tơdah mtao čar Dhŭng mă leh phung lu, ai tiê ñu srăng mgao, leh anăn ñu srăng bi mdjiê lu êbâo čô mnuih, ƀiădah ñu amâo srăng dưi ôh.


Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.


Ñu bi mđĭ ñu pô jing mđơr hŏng Khua kơ phung kahan. Ñu mă hĕ klei myơr mnơ̆ng myơr čuh nanao mơ̆ng Khua kơ phung kahan leh anăn mdlưh hĕ adŭ doh jăk Gơ̆.


Nĕ anei, ñu jing pô mgao; klei ñu čiăng amâo kpă ôh, ƀiădah pô kpă ênô srăng dôk hdĭp kyua klei đăo.


kăn kngan mnuih mă bruă kơ Ñu rei, msĕ si Ñu kƀah mnơ̆ng, kyuadah Ñu pô yơh brei kơ jih jang mnuih klei hdĭp, klei bi êwa, leh anăn djăp mta mnơ̆ng.


Snăn bi kơ klei ƀơ̆ng mnơ̆ng arăng myơr leh kơ rup yang, drei thâo “rup yang amâo jing mnơ̆ng sĭt ôh,” leh anăn “amâo mâo yang mkăn ôh, knŏng sa čô Aê Diê.”


Sa čô mrâo đăo amâo dưi ôh, huĭdah ñu jing mgao leh anăn lĕ hlăm klei phat kđi pioh kơ yang jhat.


Leh anăn ti anăp Ñu amâo mâo sa mnơ̆ng hrih leh dưi dôk hgăm, ƀiădah jih jang mnơ̆ng pŏk leh anăn bi êdah leh ti anăp ală Pô drei srăng hưn bruă drei ngă.


Phung mnuih adôk amâo djiê hŏng klei bi knap anăn amâo kmhal ôh kơ bruă kngan diñu ngă, kăn lui rei klei kkuh mpŭ kơ yang jhat, kơ rup yang ngă hŏng mah, prăk, kông, boh tâo, leh anăn kyâo, rup yang anăn amâo thâo ƀuh, hmư̆, amâodah êbat ôh.


Phung khua Philistin bi kƀĭn čiăng myơr mnơ̆ng ngă yang prŏng kơ Dagôn, yang diñu, leh anăn ngă klei hơ̆k mơak; kyuadah diñu lač, “Yang drei jao leh Y-Samsôn, roh drei, hlăm kngan drei.”


Y-Đawit lač kơ phung dôk giăm ñu, “Ya arăng srăng ngă kơ pô bi mdjiê êkei Philistin anei, leh anăn mă hĕ klei bi hêñ mơ̆ng phung Israel? Hlei êkei Philistin amâo mâo khăt klĭt anei, jhŏng dlao wač phung kahan Aê Diê hdĭp?”


Dĭng buăl ih bi mdjiê leh đa đa êmông gu leh anăn kgâo; leh anăn êkei Philistin amâo mâo khăt klĭt anei srăng jing msĕ snăn mơh, kyuadah ñu jhŏng dlao wač phung kahan Aê Diê hdĭp.”


Lean sinn:

Sanasan


Sanasan