Y-Đaniel 5:21 - Klei Aê Diê Blŭ 2015

²¹ Arăng suôt ñu mơ̆ng ti krah phung mnuih, leh anăn brei klei mĭn ñu jing msĕ si klei mĭn hlô dliê; leh anăn ñu dôk mbĭt hŏng aseh dliê. Arăng čiêm ñu hŏng rơ̆k msĕ si êmô, leh anăn asei mlei ñu msah hŏng êa nguôm mơ̆ng adiê tơl ñu thâo Aê Diê Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu mđĭ hlei pô Ñu čiăng brei kiă kriê.

Y-Đaniel 5:21 Iomraidhean Croise

Y-Yôp 39:5

Hlei phưi aseh dliê hiu tui si čiăng? Hlei kleh hĕ klei kă aseh dliê êran pral?

Y-Êsêkiêl 17:24

Jih jang ana kyâo hlăm dliê srăng thâo kơ Kâo Yêhôwa bi mtrŭn hĕ kyâo dlông leh anăn bi mđĭ hĕ kyâo biêr, bi krô hĕ kyâo mtah leh anăn brei kyâo krô čăt jing. Kâo gơ̆ Yêhôwa blŭ leh klei anăn, leh anăn Kâo srăng ngă klei anăn mơh.’ ”

Y-Đaniel 4:14

Ñu ur kraih, lač, ‘Druôm hĕ kyâo leh anăn khăt hĕ adhan ñu; êyuh bi luh hĕ hla ñu, leh anăn hwiê hĕ boh ñu; brei hlô dliê đuĕ mơ̆ng ti gŭ ñu leh anăn čĭm đuĕ mơ̆ng adhan ñu.

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 4:22

Ơ mtao, ana kyâo anăn jing ih yơh, pô hriê kơ prŏng leh anăn kjăp. Klei prŏng ih mđĭ truh ti adiê, leh anăn klei ih kiă kriê truh ti knhal lăn ala.

Y-Đaniel 4:25

arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô, leh anăn ih srăng msah hŏng êa nguôm mơ̆ng adiê êjai kjuh yan, tơl ih thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn brei klei kiă kriê anăn kơ hlei pô Ñu čiăng.

Y-Đaniel 4:26

Msĕ si arăng mtă brei lui kpơ̆ng leh anăn agha ana kyâo, ƀuôn ala mtao ih srăng pioh kơ ih tơl leh ih thâo kơ Pô kiă kriê jih adiê.

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Y-Đaniel 5:18

Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.