Y-Đaniel 5:18 - Klei Aê Diê Blŭ 2015

¹⁸ Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.

Y-Đaniel 5:18 Iomraidhean Croise

II Bruă Mtao 25:28

Ñu blŭ jăk kơ gơ̆, leh anăn brei kơ gơ̆ mdhô̆ ti dlông hĭn kơ mdhô̆ phung mtao dôk leh mbĭt hŏng ñu hlăm ƀuôn Ƀaƀilôn.

Klei Mmuñ Hđăp 47:2

Kyuadah Yêhôwa, Pô Ti Dlông Hĭn, jing năng kơ arăng huĭ, Ñu jing Mtao prŏng kiă jih lăn ala.

Klei Mmuñ Hđăp 7:17

Kâo srăng bi mni kơ Yêhôwa kyua klei kpă ênô Ñu, kâo srăng mmuñ bi mni kơ anăn Yêhôwa, Pô Ti Dlông Hĭn.

Klei Mmuñ Hđăp 9:2

Kâo srăng hơ̆k leh anăn mơak hlăm Ih, kâo srăng mmuñ bi mni kơ anăn Ih, Ơ Pô Ti Dlông Hĭn.

Klei Mmuñ Hđăp 92:8

Ƀiădah Ih, Ơ Yêhôwa, Pô ti dlông hĭn hlŏng lar.

Y-Yêrêmi 25:9

nĕ anei, Kâo srăng tiŏ nao arăng iêô jih jang phung găp djuê mnuih hlăm čar dưr,” Yêhôwa lač, “leh anăn iêô Y-Nebukatnetsar mtao čar Ƀaƀilôn dĭng buăl Kâo, leh anăn Kâo srăng atăt diñu ngă kơ čar anei leh anăn phung dôk hlăm čar, leh anăn ngă kơ jih jang găp djuê dôk jŭm dar. Kâo srăng bi rai diñu jih, leh anăn mjing diñu klei bi huĭ arăng, klei arăng djă djik djak, leh anăn klei hêñ nanao.

Y-Yêrêmi 27:5

‘Kâo yơh hŏng klei myang prŏng Kâo leh anăn hŏng kngan Kâo yơr leh mjing leh lăn ala mbĭt hŏng phung mnuih leh anăn hlô mnơ̆ng dôk ti rŏng lăn ala, leh anăn Kâo jao lăn ala kơ hlei pô Kâo mĭn djŏ.

Y-Yêrêmi 27:7

Jih jang găp djuê mnuih srăng mă bruă kơ ñu leh anăn kơ anak êkei ñu leh anăn kơ čô ñu, tơl ênuk knhal tuč truh kơ čar ñu; hlăk anăn lu găp djuê mnuih leh anăn phung mtao prŏng srăng mjing ñu hlŭn kơ digơ̆.

Klei Čŏk Hia 3:35

čiăng hngah klei kpă kơ sa čô mnuih ti anăp Pô Ti Dlông Hĭn,

Klei Čŏk Hia 3:38

Amâo djŏ hĕ mơ̆ng ƀăng êgei Pô Ti Dlông Hĭn kbiă hriê klei jăk leh anăn klei jhat?

Y-Êsêkiêl 31:11

Kâo srăng jao ñu hlăm kngan sa čô khua ktang hlăm phung găp djuê mnuih. Sĭt nik gơ̆ srăng ngă kơ kyâo anăn tui si klei năng kơ klei ƀai ñu. Kâo suôt ñu leh.

Y-Đaniel 4:17

Kđi anăn kbiă mơ̆ng phung gak, leh anăn klei mtă kbiă mơ̆ng klei phung doh jăk blŭ, čiăng kơ phung mnuih hdĭp dưi thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu brei kơ hlei pô Ñu čiăng, leh anăn bi mđĭ mnuih hơăi mang hĭn brei kiă kriê.’

Y-Đaniel 4:19

Leh anăn Y-Đaniel, pô arăng pia Y-Beltisasar, amâo dưi blŭ ôh êjai sui, leh anăn klei ñu mĭn bi rŭng ñu. Mtao lač, “Ơ Y-Beltisasar, đăm brei klei êpei amâodah klei mblang kơ ñu bi rŭng ih ôh.” Y-Beltisasar lŏ wĭt lač, “Ơ khua kâo, brei klei êpei anei truh kơ phung bi êmut kơ ih, leh anăn klei mblang kơ ñu djŏ kơ phung roh hŏng ih!

Y-Đaniel 4:2

Kâo mĭn jăk bi êdah klei bi knăl leh anăn klei yuôm bhăn Aê Diê Pô Ti Dlông Hĭn ngă leh kơ kâo.

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 4:34

Ti knhal tuč hruê bi kčah anăn, kâo gơ̆ Y-Nebukatnetsar angưi ală phă adiê, leh anăn klei thâo săng lŏ wĭt kơ kâo, leh anăn kâo mpŭ mni kơ Pô Ti Dlông Hĭn. Kâo bi mni leh anăn mpŭ kơ Pô dôk hdĭp hlŏng lar. Kyuadah klei Ñu kiă kriê dôk hlŏng lar, leh anăn ƀuôn ala mtao Ñu dôk hlăm jih jang ênuk.

Y-Đaniel 5:21

Arăng suôt ñu mơ̆ng ti krah phung mnuih, leh anăn brei klei mĭn ñu jing msĕ si klei mĭn hlô dliê; leh anăn ñu dôk mbĭt hŏng aseh dliê. Arăng čiêm ñu hŏng rơ̆k msĕ si êmô, leh anăn asei mlei ñu msah hŏng êa nguôm mơ̆ng adiê tơl ñu thâo Aê Diê Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu mđĭ hlei pô Ñu čiăng brei kiă kriê.

Y-Đaniel 6:22

Aê Diê kâo tiŏ hriê leh dĭng buăl jăk Ñu kđăl hĕ ƀăng êgei êmông gu; snăn diñu amâo ngă jhat kơ kâo ôh, kyuadah Aê Diê ƀuh kâo amâo mâo klei soh ôh ti anăp Ñu. Leh anăn wăt ti anăp ih msĕ mơh, Ơ mtao, kâo kăn ngă klei soh rei.”

Bruă Phung Khua Ƀĭng Kna 26:13

Ơ Mtao, ti yang hruê dơ̆ng êjai kâo êbat, kâo ƀuh klei mngač mơ̆ng adiê, mngač hĭn kơ yang hruê, mtrang jŭm kâo leh anăn phung hiu mbĭt hŏng kâo.

Bruă Phung Khua Ƀĭng Kna 26:19

“Snăn Ơ Mtao Agripa, kâo amâo hngah ôh kơ klei bi ƀuh mơ̆ng adiê anăn.

Bruă Phung Khua Ƀĭng Kna 7:48

Ƀiădah Pô Ti Dlông Hĭn amâo dôk ôh hlăm sang ngă hŏng kngan mnuih; tui si klei khua pô hưn êlâo blŭ leh,

Klei Mtô Mñă Klei Bhiăn 32:8

Tơdah Pô Ti Dlông Hĭn brei leh kơ phung găp djuê mnuih ngăn dưn diñu, tơdah Ñu bi ktlah phung anak mnuih, Ñu bi kčah kdriêl phung ƀuôn sang tui si dŭm čô phung anak Israel.