Y-Đaniel 5:14 - Klei Aê Diê Blŭ 2015

¹⁴ Kâo hmư̆ arăng lač ih mâo mngăt myang phung yang dôk hlăm ih, leh anăn arăng ƀuh hlăm ih klei mngač, klei thâo săng, leh anăn klei thâo mĭn hĭn.

Y-Đaniel 5:14 Iomraidhean Croise

Klei Mphŭn Dơ̆ng 41:15

Pharaôn lač kơ Y-Yôsep, “Kâo mâo klei êpei leh. Amâo mâo sa čô mnuih dưi mblang ôh. Kâo hmư̆ arăng lač ih dưi mblang klei êpei tơdah ih hmư̆ klei anăn.”

Klei Mphŭn Dơ̆ng 41:38

Pharaôn lač kơ phung dĭng buăl ñu, “Dưi mơ̆ drei duah sa čô mnuih mkăn msĕ si pô anei, sa čô mâo mngăt myang Aê Diê dôk hlăm ñu?”

Y-Đaniel 2:22

Ñu bi êdah klei êlam leh anăn klei hgăm; Ñu thâo mnơ̆ng dôk hlăm klei mmăt, leh anăn klei mngač dôk mbĭt hŏng Ñu.

Y-Đaniel 4:8

Ti knhal tuč, Y-Đaniel hriê ti anăp kâo — pô arăng pia Y-Beltisasar tui si anăn yang kâo, mngăt myang phung yang doh jăk dôk hlăm ñu. Kâo hưn kơ ñu klei kâo êpei ƀuh, lač,

Y-Đaniel 5:13

Snăn arăng atăt Y-Đaniel truh ti anăp mtao. Mtao lač kơ Y-Đaniel, “Ih hĕ jing Y-Đaniel anăn, sa čô hlăm phung mnă Yuđa, mtao ama kâo mă ba mơ̆ng čar Yuđa?

Y-Đaniel 5:15

Arăng atăt ba leh phung thâo mĭn leh anăn phung mjâo ti anăp kâo čiăng kơ diñu dlăng klei čih anei leh anăn mblang gơ̆ kơ kâo, ƀiădah diñu amâo dưi mblang klei anăn ôh.

Y-Đaniel 6:3

Y-Đaniel mâo klei hing ang hĭn kơ dua čô khua prŏng mkăn leh anăn phung khua krĭng, kyuadah ñu mâo klei mngăt myang hĭn; snăn mtao mĭn bi mđĭ ñu brei kiă kriê jih ƀuôn ala mtao.