Y-Đaniel 5:11 - Klei Aê Diê Blŭ 2015

¹¹ Hlăm ƀuôn ala mtao ih mâo sa čô mnuih mâo mngăt myang phung yang doh jăk dôk hlăm ñu. Hlăm ênuk ama ih arăng ƀuh hlăm pô anăn klei mngač, klei thâo săng, leh anăn klei knhâo msĕ si klei knhâo phung yang. Snăn mtao Nebukatnetsar ama ih, ama ih mtao, mjing ñu khua kơ phung mdian, phung mjâo, leh anăn phung ksiêm mtŭ.

Y-Đaniel 5:11 Iomraidhean Croise

Klei Mphŭn Dơ̆ng 41:38

Pharaôn lač kơ phung dĭng buăl ñu, “Dưi mơ̆ drei duah sa čô mnuih mkăn msĕ si pô anei, sa čô mâo mngăt myang Aê Diê dôk hlăm ñu?”

II Y-Samuel 14:17

Leh anăn dĭng buăl mniê ih mĭn, ‘Klei blŭ mơ̆ng klei khua kâo mtao blŭ srăng brei kâo dôk êđăp ênang,’ kyuadah khua kâo mtao jing msĕ si dĭng buăl jăk Aê Diê, thâo ksiêm klei jăk leh anăn klei jhat. Akâo kơ Yêhôwa Aê Diê ih dôk mbĭt hŏng ih!”

Y-Êsêkiêl 28:3

Nĕ anei, ih knhâo hĭn kơ Y-Đaniel mơ̆? Amâo mâo sa mnơ̆ng jing hgăm kơ ih ôh hĕ?

Y-Êsêkiêl 28:4

Hŏng klei knhâo leh anăn klei ih thâo săng ih bi mâo kơ ih pô klei mdrŏng, kăm pioh leh mah leh anăn prăk hlăm adŭ pioh ngăn ih.

Y-Đaniel 1:4

leh anăn phung hlăk ai amâo mâo asei mlei djiu ruă ôh, ƀô̆ mta siam, mâo jih klei knhâo, thâo mĭn, hriăm hră leh, dưi mă bruă hlăm sang mtao, brei diñu hriăm klei phung Kaldê blŭ.

Y-Đaniel 2:11

Klei mtao mtă anăn dleh snăk, amâo mâo sa čô mnuih dưi bi êdah klei anăn kơ mtao ôh, knŏng hjăn phung yang, phung amâo dôk ôh mbĭt hŏng mnuih.”

Y-Đaniel 2:22

Ñu bi êdah klei êlam leh anăn klei hgăm; Ñu thâo mnơ̆ng dôk hlăm klei mmăt, leh anăn klei mngač dôk mbĭt hŏng Ñu.

Y-Đaniel 4:18

Kâo gơ̆ mtao Nebukatnetsar ƀuh klei êpei anăn. Snăn Ơ Y-Beltisasar, hưn bĕ kơ kâo klei mblang kơ klei anăn, kyuadah jih jang phung thâo mĭn hlăm ƀuôn ala mtao amâo dưi bi êdah kơ kâo klei mblang ôh, ƀiădah ih dưi, kyuadah mngăt myang phung yang doh jăk dôk hlăm ih.”

Y-Đaniel 4:5

Êjai kâo đih ti jhưng pĭt kâo mâo sa klei êpei bi huĭ kâo; klei mĭn leh anăn klei kâo bi ƀuh bi rŭng kâo.

Y-Đaniel 4:6

Snăn kâo mtă brei iêô jih jang phung thâo mĭn hlăm čar Ƀaƀilôn hriê ti anăp kâo, čiăng kơ diñu mblang klei êpei anăn kơ kâo.

Y-Đaniel 5:14

Kâo hmư̆ arăng lač ih mâo mngăt myang phung yang dôk hlăm ih, leh anăn arăng ƀuh hlăm ih klei mngač, klei thâo săng, leh anăn klei thâo mĭn hĭn.

Y-Đaniel 5:7

Mtao ur kraih brei iêô phung mjâo, phung Kaldê, leh anăn phung ksiêm mtŭ. Mtao blŭ kơ phung thâo mĭn čar Ƀaƀilôn, lač, “Hlei pô srăng dlăng klei čih anei leh anăn bi êdah klei mblang kơ kâo, kâo srăng bi hơô ñu ao hrah piơk, bi băk kông mah ti kkuê ñu, leh anăn brei ñu jing khua mrô tlâo hlăm ƀuôn ala mtao.”

Bruă Phung Khua Ƀĭng Kna 12:22

Phung ƀuôn sang ur lač, “Jing asăp yang blŭ, amâo djŏ asăp mnuih ôh!”

Bruă Phung Khua Ƀĭng Kna 14:11

Tơdah phung lu ƀuh klei Y-Pôl ngă leh, diñu ur lač hlăm klei Likaôni, “Phung yang truă rup mnuih trŭn hriê leh kơ drei!”

Bruă Phung Khua Ƀĭng Kna 16:16

Êjai hmei nao kơ anôk wah lač, hmei tuôm hŏng sa čô dĭng buăl mniê mâo yang jhat thâo hưn êlâo klei srăng truh ngă. Hŏng klei ñu blŭ klei mdian, ñu bi mdrŏng kơ phung khua ñu.

Klei Bi Êdah 3:9

Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.