Y-Đaniel 5:1 - Klei Aê Diê Blŭ 2015

¹ Mtao Belsasar mkra klei huă mnăm prŏng kơ sa êbâo čô khua ñu, leh anăn ñu mnăm kpiê ti anăp diñu.

Y-Đaniel 5:1 Iomraidhean Croise

Klei Mphŭn Dơ̆ng 40:20

Ti hruê tal tlâo, jing hruê hdơr kơ klei kkiêng kơ Pharaôn, ñu ngă klei huă mnăm kơ jih jang phung dĭng buăl ñu, leh anăn ñu bi kbiă khua djă kčok leh anăn khua ngă kpŭng brei dôk ti anăp phung dĭng buăl ñu.

H'Êsther 1:3

hlăm thŭn tal tlâo ñu kiă kriê, ñu mkra sa klei huă mnăm prŏng kơ jih jang phung khua ñu leh anăn phung dĭng buăl ñu, phung khua kahan čar Persơ, čar Mêdơ, leh anăn phung mdrŏng leh anăn phung khua čar dôk ti anăp ñu.

Y-Êsai 22:12

Hlăm hruê anăn Khua Yang Yêhôwa kơ phung kahan iêô diih kơ klei hia, kơ klei kơŭ kyăm, kơ klei kuêh kŏ, leh anăn kơ klei hơô klŭng.

Y-Êsai 22:14

Yêhôwa kơ phung kahan bi êdah leh ñu pô blŭ kơ knga kâo, “Sĭt nik arăng amâo srăng pap brei kơ diih klei wê anei ôh tơl diih djiê,” Khua Yang Yêhôwa kơ phung kahan lač.

Y-Yêrêmi 50:35

“Brei sa ƀĕ đao gưm ngă kơ phung Kaldê,” Yêhôwa lač, “wăt ngă kơ phung dôk hlăm ƀuôn Ƀaƀilôn, kơ phung khua leh anăn phung thâo mĭn diñu!

Y-Yêrêmi 51:39

Êjai diñu đĭ ai čiăng ngă, Kâo srăng mkra klei huă mnăm prŏng kơ diñu, leh anăn brei diñu kpiê ruă tơl diñu ur driâo leh anăn tlao, leh anăn pĭt nanao, amâo lŏ thâo mdih ôh,” Yêhôwa lač.

Y-Yêrêmi 51:57

Kâo srăng brei phung khua leh anăn phung thâo mĭn ñu kpiê ruă, wăt phung khua prŏng, phung khua kiă kriê, leh anăn phung kahan ñu msĕ mơh. Diñu srăng pĭt nanao, amâo lŏ thâo mdih ôh,” Mtao Pô mâo anăn jing Yêhôwa kơ phung kahan, lač.

Y-Đaniel 5:30

Mlam anăn yơh arăng bi mdjiê mtao phung Kaldê, Y-Belsasar.

Y-Nahum 1:10

Diñu rai tuč msĕ si êruê bi čuăl, leh anăn msĕ si phung kpiê ruă; diñu rai luč msĕ si adrăng krô.